Tui Mentri Pato Megru, meng harei ini 26/4 mbiah tal 30/4 anek saih tal 12 meda tame tut angan pakacah tamat THPT tapak di he thong khik iek pakacah chip hadei di tuk hu pabak brei tai khoan saong mat khau. Tai khoan lac laik so CCCD atau CMND di anek saih. Piah tame tut angan pakacah tamat THPT, anek saih tame he thong khik iek pakacah, blah website https://thisinh.thithptquocgia.edu.vn saong ngak tui tacei pato. Ini lac bruk hu makna praong dalam, piah daong  anek saih  pasram ngak randap haong bruk tut angan pakacah tamat THPT tui jalan online, meng nan takik suan, meluh tuk tame tut angan pakacah biak. Tukvak tame tut angan pakacah tamat THPT thun 2023 meng harei 4/5 tal mong 5 biar harei 13/5/2023.

Kadung jien bac Vừ A Dính, kalup kapul kayua Hoàng Sa - Trường Sa anit ranam pambuak haong Thành Đoàn TPHCM bahrau jao 281 pok jien bac Vừ A Dính haong jien bac kalup kapul kayua Hoàng Sa - Trường Sa anit ranam thun bac 2022 - 2023 brei ka anek saih, SV bangsa, anek bhik di urang jakar, urang lin Bộ đội Biên phòng, anek saih gaok kan kandah kayua jit praong COVID-19 di TPHCM. Dalam nan, 175 pok brei ka anek saih, SV bangsa takik meng pakat Tiểu học tal Đại học, yaok pok yaom 1 triệu đồng; 60 pok brei ka anek di urang jakar, urang lin chuyên nghiệp, yaok pok yaom 1 triệu đồng; 46 pok brei ka dom adei metui kayua jit praong COVID-19, yaok pok yaom 3 triệu đồng. (VOV4)

Meng akaok thun tal ini, tỉnh Bình Dương hu 177 mbang urang njom ruak COVID-19. Dom urang nan hu tui iek saong taong ruak di sang meyah ruak hanjol. Piah patui bruk brei ngak dahlau dom jalan pacang, caga, pasang iek jit ruak, oh luai jit ruak tamuh gilac, Mban tacei jalan Pacang caga jit COVID-19 tỉnh tacei ba dom sang iek ruak, pasak y te  ba tabiak jalan taduan urangruak tame iek, taong ruak ka urang. Tui nan, jhul pakhang bruk klauk jru pacang COVID-19; pasang iek, jak ba  dom urang tame klauk jru caga ruak COVID-19, abih di nyu nan lac dom nyaom urang mbuan nyom ruak glong, caga dahlau dom bruk meyah hu jit rah tabiak.

Pasak pachreih nong Bình Thuận bahrau peih pato pasram ilamu, jalan peih ngak jalan ngak saong patagok pablei salih baoh thanh long tui chuỗi giá trị hijao brei ka dom urang dalam dom HTX pala ngak thanh long dalam tỉnh. Tapa tal pato pasram, urang hu khan brei thau adat gah hacih sa-at, dut iek phun pala, dom harak gar brei hu tuk pablei thanh long meng Việt Nam tapa darak pasar Trung Quốc; tacei pato dom jalan ngak saong adat pablei thanh long tapa negar langiu, panuac kakei brei ka dom kapul nyaom, dom doanh nghiệp pablei thanh long tapa darak pasar Trung Quốc…

Pambuak tal bruk pandap hanh ly di 4 urang kumei ngak bruk ba tuai kapal haok hu matuy dalam mbang par meng Prang mai Viet Nam hu mboh  di harei 16/3 meng blaoh di mblang kapal haok dunya Tân Sơn Nhất, peih praong bruk pasang iek Jabat Cảnh sát  pasang iek Kong an TPHCM hu khởi tố 22 bruk, khởi tố 65 urang, taong phạt hanh chính 12 urang, chap mek jaik 50 kilo matuy tong hop yaok janih, 2 mbaik phao saong dom pandap karei tra. Jabat  Cảnh sát pasang iek  pachreih bhap bini saong dom đơn vị gah payua pandap samar dalam negar saong dunya njauk brei paglong  bruk caga dahlau, pasang iek cambiac khaw tin angan je urang payua, pandap meng halei mai piah palik njiak bruk urang pambak tame ba matuy suan hukum…

Tổng thống Indonesia Joko Widodo hu panauc ieu rahra meda sahneng kuhria dui atah mbang padeih atau ngak bruk meng atah piah plaih tukvak tabung glaong rilo menuac sia mai veik ban ine hadei di tuk padeih mbang rayo Eid Al Fitry. Mintri Jalan mbak pajeng ba Indonesia kuhria mboh lac hu 203.000 radaih nao tapa jalan thu phí di Java, rilo jang tuk karei lac 53.000 radaih. Piah patrun patakik menuac nao mai dalam tukvak tabung glaong, taneh ia ini brei trun 20% jien phí tatua jalan rah tui jalan thu phí canah jalan pambuak Jakarta haong dom labik jaik taphia gah pai, meng harei 27 tal harei 29/04.

Gah khik caga ar tasik  Liby hu mboh rup atau di 11 urang di cu, dalam nan hu 1 uranaih, kayua gilai karam biarau abih di tasik taneh ia ini. Adit dahlau, sa bala kayua bruk di cư karei rah tabiak hadei di tuk gilai pajeng urang di cư karam di gah Tây ban ine Tripoli ngak brei takik di nyu 34 urang metai. Liby yam tapa 10 thun sraw kadau meng tuk urang pan akok Moamer Kadhafi jaleih trun di thun 2011. Kuhria meng nan, taneh ia ini jeng labik ngak kaya meda ka dom urang pablei salih manuac./.

Hadei di 20 thun daok veik sở thú Memphis (Mỹ) yau sa janih pandap ka bruk kham merat “ngoại giao gấu trúc” di Bắc Kinh, Ya Ya – sa drei gấu trúc binai umo 22 thun hu bayar veik ka Trung Quốc dalam tuk dom kapul ndok quyền saong phúc lợi động vật brei mboh hatai suh sah ka prein yava di Ya Ya. Yau nan min, sở thú di Mỹ tah klaak panuac lac oh iek glang drei athur ni. Dom urang pasang iek ndom lac, tapa video saong dom blah thaot Ya Ya daok di ở Mỹ mboh lac drei cagau daok dalam lavang lavaih saong daok njauk ruak kalik.