Meng harei ini 4/5, anek saih dalam taneh ia brei tut angan pakacah tamat THPT thun 2023. Tukvak tut angan tal 17 tuk harei 13/5. Tui adat di Mentri Pato megru, anek saih daok bac tal 12 thun bac 2022 -2023 brei tut angan pakacah online di He thong khik iek pakacah (njauk brei tut angan tapak langiu bruk kan kandah oh pacang hu) saong tut angan taduan bruk tamat THPT tapak di sang bac pho thong. Tuk tut angan  pakacah, anek saih brei vak njauk mã tỉnh, ban, mã sang bac pho thong…tui njauk bruk ba tabiak. Mbang pakacah tamat THPT thun 2023 meda peih tabiak harei 27 - 30/6/2023. Tanut pakacah meda brei thau mong 8 tuk harei 18/7/2023.

Mban tacei pato bilan ngak ka salamat, hacih saat  labik ngak bruk tỉnh Sóc Trăng pambuak haong Liên đoàn Lao động tỉnh saonghuyện Trần Đề bahrau peih bruk patabiak bilan ngak ka salamat, hacih saat bruk ngak saong bilan urang ngak thun 2023. Tapa nan, urang pan akaok tỉnh Sóc Trăng haong urang lambaok Liên đoàn Lao động tỉnh, dom Cty, doanh nghiệp hu jao bảng tượng trưng baoh sang  công đoàn, yaom abih tih 840 triệu đồng brei ka 18 đoàn viên, urang ngak gaok kan kathaot, urang ngak gaok kan kandah saong jao alin rilo paok pandap ka urang ngak. Tal urak ini, Sóc Trăng hu jao 293 baoh sang công đoàn saong 2.447 paok pandap brei ka đoàn viên công đoàn gaok kan kandah.

Tui He thong khik iek, tui iek ruak njom mbak tỉnh Bình Dương birau hu 1 urang metai kayua COVID-19. Urang ruak lac likei, 28 thun, daok di ban Thuận An. Urang ruak test samar dương tính haong COVID-19 saong taong ruak di Sang iek ruak Đa khoa ban Thuận An harei 27/4. Hadei di nan, urang ruak hu pajeng tame Sang iek ruak Đa khoa tỉnh Bình Dương.  Hadei 6 harei taong ruak, ruak dak tuk dak tra saong plang metai di harei 3/5. Dahlau di nan, urang hu ruak baoh hatai dahlau. Kuhria meng tuk hadei jit ruak mbang ka 4 mbiah tal ini, Bình Dương hu 2 urang metai kayua COVID-19.

Durain di ĐBSCL daok trun yaom khang kayua daok tame bilan paik baoh biak rilo saong Trung Quốc oh jhul khang bruk pataom blei. Durain Ri6 pablei di bein pak ban Cần Thơ, Vĩnh Long... yaom meng 49.000-55.000 đồng/kg, trun meng 100.000-120.000 đồng/kg dut saong bilan 2. Tui ong Lý Văn Tịnh, yam ndok HTX Trường Trung A (huyện Phong Điền, ban Cần Thơ), thun ini năng suất durain tani tanat, tui kuhria meng 20-30 tấn/ha, yaom lac yaom trun min po bein jeng hu laba meng 3.000-9.000 đồng/kg.

Jabat Cảnh sát Jalan mbak ( PC08) – Công an Ban raya HCM brei thau, dalam mbang padeih le  meng harei 29/4 tal harei 3/5, ban raya hu 18 mbang bala angaok jalan mbak ngak 5 urang metai saong 11 urang njauk rambuac. Gah cảnh sát  jalan mbak  mboh hu 5.706 mbang urang ngak suan Hukum jalan mbak, tavak bien ban taong phat jaik 3 tỷ đồng, labaih 1.096 mbang njauk mek veik harak peih radaih. Dom mbang urang ngak suan nan lac: nồng độ cồn, peih radaih samar; pajeng trak, oh peih tui tin hieu jalan mbak…Dalam 5 harei padeih le jalan mbak  laneng lanoi, dalam dom harei akaok saong harei puac padeih oh hu gar jalan, gar radaih di dom pabah jalan tame ban raya.

Daok 2 harei tra lac tal harei tagok rai di Patao Charles III. Dom urang pan akaok  taneh ia meng grauk labik di dunya hu tagok jalan mai tal egar Anh piah hu mbaok di harei tagok rai. Piah tui iek ginup bruk ini, rilo rahra hu padang  kathaop rah tui jalan praong nao tal Cung điện Buckingham. Tui kuhria, yaok ratuh rabau urang meng negar Anh saong grauk labik di dunya meda tal London di harei sanecar piah hu mbaok. Harei tagok rai di Patao Charles III meda lac sa bruk hu rilo bruk “camriep: ini meda lac bruk tagok rai camriep dalam zaman 21 di negar Anh, jang yau bruk tagok rai camriep di sa patao negar Anh hu papar binguk meng kỹ thuật sambo màu.

LHQ birau hu panuac iew dom gah hu mbaok mesruh di Sudan brei khik hu salamat ka bruk pajeng ba pandap daong, hadei di tuk 6  sruh radaih pajeng pandap daong pahala njuak blah mek saong dom bruk cuh angaok langik di ban ine Khartoum gam gam palai adat birau brei padeih cuh. LHQ brei thau  bruk mesruh gauk ba tal sraw kadau bruk ngak pahala, ngan haong labaih 100.000 bhap bini brei duah nao tabiak dom taneh ia karei. Bhap bini dunya haduh hatai huac bruk mesruh gauk praong jang meda daok tamuh di dom taneh ia kathaot daok jaik Sudan njuak brei pacang caga dom urang dui gauk tị nạn.  

Gah Y tế Dunya (WHO) hu ba tabiak jalan ngak bahrau dalam pacang caga jit ruak COVID-19, dalam nan duah jalan daong dom taneh ia meng jalan ngak samar drah salih tapa jalan pacang caga saong pasang iek suai lavik ngan haong jit ruak ini. Ini lac jalan ngak ka 4 meng di tuk dom urang ruak hu mboh di ban Vũ Hán di Trung Quốc di puac thun 2019. Bruk ba tabiak  jalan ngak ini hu khan brei thau dahlau di peih mbang nyaom di Ủy ban samar drah ka COVID-19 di WHO piah brei thau lac njauk khik  tanut kakei glaong abih ngan haong jit ruak praong COVID-19 halei oh.