Meng harei ni 6/6, Quoc hoi brei peih bruk tangi sua saong javap calei panuac tangin sua di mbang nyaom ka 5. Hu 4 nyaom bruk hu QH palih ruah brei tangi sua nan lac: ngak bruk, thuong binh saong XH; jalan mbak pajeng ba; khoa hoc saong kong nghe; bangsa. Di var ginum biai, javap calei, Akok mentri, Chủ nhiệm Ủy ban Bangsa Hầu A Lềnh meda calei dom bruk pambuak tal Danak dak pakat negar; Sarak pachreih bruk buh jien tame ngak mbang patagok bhum urang bangsa takik saong bhum ceik, bhum kinh te -xa hoi kan kandah saong biak kan kandah. Bruk langyah  kan kandah ka taneh daok, taneh pala drak ka urang bnagsa takik, pasiam bruk du cư, du canh jah tak glai.

Mban peih bruk pahadar dom harei roya praong TP HCM bahrau peih ngak danak dak daoh tamia praong di tuk pahadar 133 thun harei manek Chủ tịch Hồ Chí Minh (19/5/1890-19/5/2023) saong pahadar 112 thun harei Wa Ho tabiak nao duah jalan daong ka taneh ia (5/6/1911 - 5/6/2023). Ngan haong asal kadha “Dane miat kadha daoh Hồ Chí Minh”, danak dak daoh tamia piah kakei rairah urak ini oh var dom bruk ngak praong glaong di Chủ tịch Hồ Chí Minh. TP.HCM lac labik bo Chủ tịch Hồ Chí Minh tabiak nao duah jalan daong taneh ia saong hadah mbaok meta hu mek angan Wa. Urak ini TPHCM hu rilo salih bahrau biak praong gam haong hatai kham marat lac “gam haong taneh ia, kayua taneh ia” ngak tui saong kham marat peih ngak ka pahu tui hatai caong luac rai di Chủ tịch Hồ Chí Minh.

Danak Bruk ngak meriak bhong pakat negar mbang ka XI - thun 2023 hu peih ngak di tỉnh Bạc Liêu. Thun ini Bruk ngak meriak bhong meda peih ngak dalam bilan 6 saong bilan 7 di 48 tỉnh, ngan haong bruk pathau khan saong tacei pato ka 1 trieu mbang urang halan hatian brei darah saong ruak ralai darah meng tuk daok sit; kuhria mboh dahlau taduan hu takik di nyu lac 120.000 đơn vị darah; jak ba takik abih 8.000 urang halan hatian hu mbaok tame. Hadei pluh thun peih ngak, Bruk ngak meriak bhong hu 58 tỉnh, ban dalam negar hu mbaok tame, pachreih yaok trieu urang tame, taduan hu jaik 700.000 đơn vị darah.   

# Liên hiệp Hợp tác xã pablei salih TP.HCM (Saigon Co.op) hu mbaoh tangin  pambuak bruk pablei dom pandap panda di Tây Ninh haong labaih 20 kapul ngak saong pablei pandap panda di tinh3, yau ye njam glai, tapei cam, sara maraik, asal pa-aok blaic, alak brah meng kan Bà Đen, cùi kruac bhung bluh thu, baoh kadiuk, dưa lưới… urak ini dom pandap di Tây Ninh hu mbaok di 800 siêu thị, cửa hàng di Saigon Co.op dalam taneh ia. Gam haong nan, Saigon Co.op saong tỉnh Tây Ninh brei peih praong bruk pambuak gauk, blei abih pandap panda, rik daong ngak jeng dom chuỗi giá trị pambuak gauk dalam bruk ngak, pablei hu siam lagaih dom janih kaya nong hacih saat. 

Di tỉnh Bà Rịa - Vũng Tàu hu 100% gilai ikan daok taong chap di labik tasik hu pagam jamraih tui iek bruk peih ngak. Urak ini daok labaih 100 gilai  oh ka pagam jamraih tui iek brei daok angaok ar, oh brei nao ngak bruk, atau daok dalam bruk pambuak blei, daok pablei oh ka ngak harak gar salih angan, tut angan veik. Tỉnh tacei ba dom bhum palei pasang iek,  brei mboh labik daok di ar khik iek di tỉnh ngan haong dom gilai oh ka pagam saong iew dom gah Bien phong, dom Jabat lambaok oh brei dom kapal gilai nan tabiak tasik.   

Mỹ hu peih praong dom jalan taong phat Nga. Dalam angan taong phat hu 7 urang saong sa pháp nhân Nga. Tui langyah di Mintri jien padai Mỹ, bruk taong phat dom urang ini kayua “dom bruk ngak di dom urang nan dalam danak dak di Nga piah ngak sarau kadau di Moldova".  Dalam tuk nan, EU hu ba 9 urang Nga tame angan jhuk, dalam nan hu Thứ trưởng Tư pháp saong 4 thẩm phán, ndom lac dom urang ini ngak suan quyen anek manuac dalam bruk kaoh duas  sa urang ngak gah dân chủ 25 thun guk. EU maong iek bruk kaoh duas ini lac “mai meng bruk chính trị saong tui dom cáo buộc suan”.

Karja Thái Lan pachreih bhap bini brei caga bruk kurang ia kayua langik pandiak bhang  El Nino meng bilan 7 tal bilan 9, ngan haong hajan meda trun tal 10% dut saong thun dahlau. Tui Cục Khí tượng Thái Lan, nhiệt độ di Thái Lan tagok mboh anak meta kuhria meng akaok thun ini, ngan haong dom labik tabung glong 44,6 độ C, sumu hoang nhiet hu mboh di thun 2016. Jabat nan kuhria mboh  dom bilan anak tal  di Thái Lan meda pandiak jang kayua dom harei takik hajan, bilan hajan meda khaong abih di bilan 8.

Di Nhật Bản, dom anek saih trầm cảm brei hu sangka iek glang gah y te kayua njauk kan kandah di jit ruak COVID-19. Taeng dalam bilan 10 thun blaoh, hu tal 13% dom anek saih pakat tiểu học tal trung học phổ thông mboh lac trầm cảm. Tui Pasak pakat negar ka prein yava saong patagok di uranaih Nhật Bản, dom adat patakik bruk ngak di anek saih piah pacang caga njom mbak di jit ruak COVID-19, hu brei thau lac sa dalam dom bruk pambak tal prein yava, hatai sahaneng di uranaih. Yaom lac dom jalan ngak patakik daok hu pacadu saong yah klaak, min dom uranaih jeng caong hu tukvak piah pasiam veik hatai sahaneng saong prein yava. Kayua yau nan ye, urang praong thun njauk caik hatai saong tui pang hatai sahaneng di uranaih rilo jang.