Langyah bruk kurang taneh dok, sang dok, taneh pala drak, ia pandar ka mik va Khmer

Hadei di labaih 4 bilan ngak iek, meng harei ini harak hóa đơn điện tử hu peih tabiak ngak di 63 tỉnh ban dalam taneh ia. Bruk pandar hóa đơn ini ba mai rilo kein lagaih, rik daong patrung tukvak, jien padai ka doanh nghiệp, takik dom bruk bleik saliek ka hóa đơn.

Meng ni tal thun 2025, tỉnh Trà Vinh meda buh tabiak labaih 271 tỷ đồng dong paglong rai duik song patagok abih gah bhum urang bangsa takik. Dalam nan pataom tame dom danak dak, dự án prong langyah bruk kurang taneh dok, sang dok, taneh pala drak, ia pandar ka mik va Khmer; peih ngak dom danak dak dong ka mik va Khmer patagok bruk ngak nong, ngak glai khang kajap, song dui pachreih urang buh jien tame ngak mbang di bhum urang Khmer. 

UBND tỉnh Long An hu brei adat peih gilac bruk tame, tabiak negar, blei tame, pablei tabiak negar langiu di taong abih dom pabah mbang negar, jalan peih di labik tapen negar haong Campuchia. Dua gah peih ngak njauk khik kajap bruk pasang iek, pacang caga jit ruak, khik kajap dom adat ngak harak tame, tabiak negar tui njauk adat hukum, dom Sarak, sanya ka jalan tapen negar, pabah mbang negar hu mbaoh tangin haong Campuchia... gam haong nan oh caik rahtabiak bruk pablei salih lau, biek saleik dalam pablei salih saong khik tani tanat an ninh trật tự labik pabah mbang negar.

Hadei di dom mbang megei boh taneh gam gam rah tabiak di Kon Tum dom harei tapa, tal mesup ni , tỉnh ni hu 3 mbang megei boh taneh tra. Ni jeng lac dom mbang megei boh taneh biak hanjual, pakat khat lahik di bala daok di pakat 0. Phó Thủ tướng rajaei Lê Văn Thành jao ka Viện Hàn lâm Khoa học song Công nghệ Việt Nam tacei pato Viện Vật lý địa cầu peih bruk pasang iek, duah thau bruk megei boh taneh di labik ni, khan brei dom jabat song rahra thau chip piah samar pacang cakak ka nyu lagaih . 

 Dah page ini di phường Kim Liên, Quận Đống Đa, Hà Nội hu pui khuah biak khang ngak brei 5 urang metai, 2 urang njauk rambuac. Hadei di tuk rahtabiak bruk khuah, akaok UBND ban Hà Nội pato tacei Công an ban pasang iek duah thau manka rahtabiak bala; Sở Lao động Thương binh saong Xã hội gam haong UBND quận Đống Đa peih bruk rivang, daong ka sang hu urang njauk bala. 

Dom akaok mintri jien padai Nyaom dom gah ngak cong patagok dang akaok dunya (G7) brei thau, urang hu pabak song hu panuac sinya hong bhap bini dunya dong pabak ka Ukraine labaih 24 tỷ USD dalam thun ni song dalam tuk vak hadei di nan. Dom akaok mintri jien padai G7 jeng caga ngak rilo jang tuk mboh njauk ngak piah dong ka Ukraine.

Akaok Gilang pariak dunya hu panuac brei thau lac, bruk srau kadau lahik an ninh pandap mbang meda dui atah dalam rilo bilan saong meda dui tapa tal thun hadei, dalam tuk yaom pandap mbang daok njauk jhul tagok glaong, ngak kan kandah biak trak damak tal urang kan kathaot. Kurang năng lượng saong khak drak nan lac dom bruk praong ngan haong bruk pala drak, hu mboh lac makna praong ba tal srau kadau lahik an ninh pandap mbang.

Tui sa roh duah bahrau ni di Đại học California, Mỹ, labaih 30% urang ruak hu tong ruak COVID-19 hu patagok Di chứng hadei cấp tính di COVID-19, dok hu ieu lac hội chứng “COVID dui atah”. Hội chứng hadei di tuk ruak Covid-19 lac bruk rah tabiak di dom urang dahlau deih njom virus SARS-CoV-2 hu abih ruak dalam 3 bilan song mboh triệu chứng ruak dui atah takik di abih 2 bilan , oh meda langyah meng chẩn đoán. Dom triệu chứng bhian mboh lac: gleih glar, kan suak yava, patuh, srau kadau jalan sahneng./.

  Urang lang: Thu Thao – Hani Pha – 21/04