Dalam tukvak 2021-2025, meda hu labaih 230.000 sang kan kathaot di bhum palei meda hu daong jien piah hu sang daok siam mekre, salamat, tani tanat, dak harei dak paglaong raidiuk, rik daong patruh eik patrun kathaot khang kajap. Ini lac asal kadha hu ba tabiak dalam dự thảo sarak di Thủ tướng Rajaei ka sarak daong urang kan kathaot oh hu sang daok tukvak 2021 – 2025. Piah rik daong tame langyah bruk caong hu sang daok biak rilo di labik bhum palei tukvak 2021-2025, urak ini hu 2 danak dak bruk ngak negar daong sang danaok ka dom sang kan kathaot gaok kan kandah, nan lac: Danak dak bruk ngak negar ka cak rok patagok kinh tế-xã hội bhum bhap bini bangsa takik saong bhum ceik tukvak 2021-2030, tukvak 1 meng thun 2021-2025 saong danak dak bruk ngak negar patruh eik patrun kathaot khang kajap tukvak 2021-2025. Min, bruk peih ngak di 2 Danak dak ini oh lac hu peih di grauk labik dalam taneh ia bo bahrau daong ka dom sang kan kathaot di bhum bangsa, bhum ciek saong di dom huyen kan kathaot.

Dalam adit tapa, dom urang ruak Covid -19 bahrau  di jiak abih dom quận huyện dalam ban raya. Hồ Chí Minh song  Đông Nam bộ jeng tagok glong. Dom tỉnh yau Bình Phước, Đồng Nai brei ramik veik bruk bac di anek saih meng bac tapak tapa bac  online ka dom khối tal bac. Dom sang bac di ban raya Hồ Chí Minh song dom labik dalam bhum peih bruk pato bac tapak di sang bac. Taphia di nan, dom khối tal bac kayua hu anek saih njauk F0 nan ye peih bruk bac online, ngak kan kandah dalam bruk pato song bac, abih di nyu nan lac bhum urang bangsa takik. Dom tỉnh ban hu tagok bruk pasang iek, duah thau song langyah catang dom bruk ngak suan; patagok bruk pathau khan pacang caga jit Covid-19 piah diukrai lagaih, siam mekre, sami samar, pasang iek hu jit Covid 19 di dom tỉnh, ban dalam bhum.

Ndem ka bruk kít dut iek Covid-19 srau kadau yaom di urak ini, Thứ trưởng Mintri Y tế Đỗ Xuân Tuyên ndom lac, sa binah kayua gah pabak daok kurang, Mintri Y tế hu ginum biai haong dom doanh nghiệp blei kít dut iek meng negar langiu tame brei thau cambaih laih yaom pablei, labik pablei jru tavao njauk tauk yaom pablei, karja pak nan pasang iek piah oh caik rahtabiak bruk khik  padauk pandap dut iek. Thứ trưởng Mintri Y tế kakei lac: “Bhap bini jhui khik piah jru taong ruak, kít dut iek, oh njauk dut iek yaok harei bo 2 tal 3 harei meng dut iek, meda dut iek haong gauk dom urang dalam sang”.

Nga lac drak pasa hu praong di kaya nong Việt Nam meng bruk pablei nao saong blei mai. Min, hadei dom srau kadau, hadei di tuk Nga peih bruk quân sự di Ukraine ngak kan kandah tal bruk xuất nhập khẩu di Việt Nam ngan song drak pasa ni. Urak ni, kan kandah prong di abih bo doanh nghiệp Việt Nam dok gaok  lac bruk bayar jien di  doanh nghiệp di  02 taneh ia. Ong Nguyễn Đỗ Anh Tuấn, Akaok Vụ Pambuak bruk dunya, mintri ngak nong song patagok palei pala ndom lac, dalam katut panah ngak kan kandah rilo tal bruk pablei kaya nong tapa Nga saong blei dom pandap meng Nga mai Việt Nam. Anak meta dom doanh nghiệp xuất nhập khẩu njauk duah thau ginup dom bruk brei thau bahrau meng dom gilang pariak di Nga.

  Urak ini, yaom xang daok di tanut glaong di abih kuhria meng dahlau mai, tagok tal jaik 27.000 đồng/lít ngak ka dom doanh nghiệp pajeng tuai gaok kan kandah ka bruk tagok yaom harak radaih. Di mblang radaih Miền Đông, TP.HCM, urak ini hu 11 doanh nghiệp tagok 20% yaom vé. Dom doanh nghiệp daok viek jeng daok ngak harak gar piah tagok yaom. Jeng dreih yau nan, dom doanh nghiep pajeng tuai di Mblang radaih Miền Tây di TP.HCM jeng daok hu panuac likau tagok yaom harak ve min ka oh hu adat brei tagok, nan ye ka oh ba tabiak yaom bahrau.

Di melam kabroi, tui tukvak Australia, urang pal akaok 4 taneh ia dalam kapul lac Mỹ, Japon, Ấn Độ song  Australia hu taom gaok ginum biai tui jalan online. Dalam panuac hu batabiak hadei di mbang nyaom,dom urang pal akaok brei thau,  4 taneh ia njauk hatai padang ngak sa bruk dong pahla piah dong ka 4 taneh meda pacang caga dom kan kandah dalam bruk pahla di anak tal di Ấn Độ Dương-Thái Bình Dương song pabak sa jalan pambuak gauk tuk langyah song pacang caga haong bruk srau kadai di Ukraine.

Sa paok jien mbaok peih brei chip di Glang pariak dunya brei ka Ucraina meda tagok tal 460 triệu ơ-rô (samu 509 triệu đôla Mỹ) ngan haong bruk rik tame di gah Thụy Điển saong Hà Lan saong meda hu pok tagok piah mban khik ramik ramik Gilang pariak pasang iek, brei adat dalam harei ini. Sa dalam dom khau tin bahrau brei thau di gah Reuters khan lac, rajaei Ucraina meda taduan hu dom paok jien masaiy chip hadei di tuk mban khik ramik gilang pariak brei adat.

Harei ni, cử tri Hàn Quốc nao buh phiếu avar pilih ruah Tổng thống piah palih ruah urang tagok ngak  Tổng thống hadei di ong Mun Chê In. Meng dahlau di harei buh phiếu avar, ứng cử viên Yoon Suk-yeol di  đảng Quyền lực Nhân dân đối lập chính dok mek hu siam lagaih, tuk taduan hu bruk pachreih tui  meng  ứng cử viên Tổng thống  Ahn Cheol-soo di Đảng Nhân dân Trung dung. Dom labik buh phiếu hu peih pabah mbang meng 6 tuk mesup tal 6 tuk bier harei  dalam harei ni song harei page. Buh phiếu avar hu peih ka urang halei khin buh phiếu dahlau di harei Bầu cử, lac harei 09/03 anak tal./.

Urang lang: Thu Thảo & H.Pha – 4/3/2022