Mentri Công thương brei thau, rilo D.N Nhật Bản hu sanya daong palagaih bruk pablei tabiak negar langiu pandap panda Viet Nam. Tui nan, Kapol Fast Retailing (lac D.N hu ralo cửa hàng Uniqlo) brei thau, meda ngak bruk haong dom D.N dalam taneh piah peih ngak adit pablei khan ao pandap Viet dalam dom cửa hàng ini. D.N ini meda peih tabiak di taong abih cửa hàng Uniqlo di Việt Nam. Dom pandap hu ngak tabiak di Viet Nam meda pablei di taong abih dom cửa hàng Uniqlo di dunya. Dahlau di nan, lambaok he thong AEONMALL ngan haong labaih 20.000 labik pablei di dunya brei thau daok duah labik pabak pandap di Viet Nam.

Dalam adit blaoh, Thanh tra Sở Y tế TP.HCM hu tabiak rilo harak taong phạt hành chính dalam gah y tế. Bruk njauk biai nan lac, hu rilo bác sĩ di phòng khám tư njauk mek veik dalam 2 bilan harak brei adat ngak bruk iek ruak, saong phòng khám njauk mek veik dalam 3 bilan harak adat brei ngak bruk. Thanh tra y tế hu taong phạt 8 phòng khám ini hoang yaom jien abih tih labaih 93 triệu đồng. Makna lac kayua labik y tế ini pandar menuac oh hu harak adat ngak bruk iek ruak, yaih khan dom pandap, dom bruk oh hu jabat karja tabiak panuac ka asal kadha nan, urang ngak bruk oh tut angan ngak bruk

Peih ngak Danak dak pakat negar patagok KT - XH bhum urang bangsa takik saong bhum ceik vaktu 2021 -2030, mbiah tal ini, tỉnh Bình Phước hu ngak salah blaoh dom bruk hu ba tabiak. Taong abih phun jien hu parabha  brei labaih 450 tỷ đồng. Jien hu peih brei  tal harei 17/7 sumu 31,99% bruk ba tabiak ngak dalam thun 2023. Jaik abih dom huyện hu peih jien brei njauk tukvak, njauk bruk ba tabiak. Patagok bruk ngak hu nan, dalam 6 bilan  puac thun, Mban Bangsa tỉnh Bình Phước ba tabiak 12 bruk praong, dalam nan  pataom tame ngak patrun 1.000 baoh sang urang bangsa takik kathaot; peih dom tal pato bac pabak ilamu bangsa, sap bnagsa ka urang jakar, công chức, vien chức; peih ngak sarak daong sinh vien bangsa takik dalam tỉnh.

Yaom lac daok dalam labik mbuan glut jaleih khang, min rilo menuac di Bình Dương oh khin nao labik karei. Makna lac kayua jien daong biar, gam haong bruk huac lac oh hu bruk hit ngak mbang di labik daok bahrau. Anak bruk yau nan, Bình Dương daok likau paglaong sarak daong urang nao daok di labik karei saong duah bruk ngak ka dom urang nan. Akaok bilan 7/2023, di khu phố Ba Đình, phường Thái Hòa, ban Tân Uyên, tỉnh Bình Dương rah tabiak bruk glut jaleih khang ngak brei 400m2 taneh di sang ong Hồ Thanh Bình seik tui kraong Đồng Nai. Gut jaleih jeng ngak ka sang saong jalan jaik taphia nan ra-ai, mbaih mbaoh

Tapa 5 thun, peih ngak Danak dak ngak iek bruk khik iek radaih oto karja pataom sa labik, tỉnh Cà Mau patak pataom hu 9 tỷ đồng. Dahlau di nan, kuhria abih tih radaih ô tô brei ka dom sở, mban, dom gah pakat tỉnh lac 206 sruh radaih, ngan haong 109 urang peih radaih. Kuhria rah tapa yaok thun 1 sruh radaih  ô tô hu brei peih ngak bruk 65 mbang; dalam nan hu dom radaih tok peih 5 mbang dalam sa thun. Tuk peih ngak Danak dak, tỉnh Cà Mau ba radaih karja mai Pasak Dich vụ Jien padai karja( Sở Tài chính) parabba bruk. Radaih pandan njauk bruk, hu khik iek pataom tame, chuyen nghiep, tui nan rik tame ngak brei trun takik urang ngak bruk dalam khik iek, peih radaih. Urak ini, kuhria abih tih radaih daok khik iek, pandar ngak bruk daok 60 sruh, ngan haong 58 urang peih radaih ngak bruk. 

Bruk salih urang dang akaok di Campuchia tui kuhria lac di harei 22-8 tal daok dui pachreih bruk caik hatai sangka praong. Dalam nan, urang tagok ngak Thủ tướng bahrau, lac Đại tướng Hun Manet hu taong yaom lac biak siam hatai saong hu dam dara urang ranaih umo biak takre. Tui meta maong di rilo menuac, ong Hun Manet lac urang daok ranaih saong lac mbaok meta bahrau, lac urang meda daong ka Campuchia cakrok patagok jang. Đại tướng Hun Manet ndih tapui thun 1977, lac anek likei kacoa di Thủ tướng Hun Sen, daok ngak Phó tổng tư lệnh tapon nyaom bol pan phao kraong negar Campuchia (RCAF) gam lac urang dang akaok bol lin negar Campuchia (RCA). Ong Hun Manet lac urang dang akaok Gah pacang khủng bố taneh ia di Mintri Quốc phòng Campuchia. 

Harei 27/7, sa adit hadei di tuk Ấn Độ pakauk pablei tabiak negar langiu janih brah mbong patih piah mbang, Hiep hoi dom urang pablei brah tabiak negar langiu di Thái Lan brei thau yaom brah mbong  5% mekuac di taneh ia ini lac 603 USD sa tấn, glong jang 59 USD dut saong adit dahlau saong glong abih kuhria meng biln 4 thun 2020. Brah  lac pandap mbang hu makna  praong dalam var mbang huak yaok harei di yaok tỉ manuac sia di châu Á saong châu Phi. Tui dom urang pablei salih brah, adat pakauk pablei brah meng Ân Độ meda jhul yaom brah di darak pasar tagok glong abih kuhria dalam labaih sa pluh thun.

Cty HK Aero Tech di Hồng Công (Trung Quốc) daok padang pasak ngak tabiak vệ tinh camereip abih di đặc khu này. Tui kuhria, vệ tinh camereip abih hu ngak salah di akaok thun tal. Pasak ngak tabiak vệ tinh Hồng Công ASPACE di HK Aero Tech daok di mblang bein ilamu Khoa học Tseung Kwan O praong labaih 2,22ha, hu pabak 18 hệ thống anek saong labaih 200 thiết bị tantu cambaih laih. Sa thun, pasak meda ngak hu labaih 200 pandap vệ tinh thương mại trak meng 30 - 1.000kg, dalam nan hu gam vệ tinh thông tin liên lạc, định vị, radar, quang học saong duah mboh hu carbon../.