Bhap bini salut mbut ngak pachreih hatai tuai damuai dalam saong langiu negar

Mentri Ilamu the thao saong dulich pasang iek saong brei ngak danak dak peih ngak Thun Dulich pakat negar 2023 - Bình Thuận - Pataom hijao. Angan ieu Pataom hijao lac bruk pataom veik di rilo ilamu siam gheih, bruk pataom veik di langik tasik saong hatai menuac di bhum taneh Bình Thuận gheih mekre, dom harei pataom ilamu hadah krah, gam haong bhap bini salut mbut ngak pachreih hatai tuai damuai dalam saong langiu negar. Bruk nan rik tame biak siam ka bruk peih ngak veik gah dulich dalam tukvak siam mekre birau; ba bruk cak rok patagok gah dulich, rik tame patagok kinh tế -xã hội dalam dom thun anak tal.

Dalam quý 2 meng bloh, Kadung jien dong urang nong tỉnh Bà Rĩa Vũng Tàu hu peih jien brei 20 danak dak ka 191 boh sang mesraiy haong yaom jien abih tih 9,780 tỷ đồng. Urak ni, jiak abih dom hội viên pandar phun jien njauk jalan kham merat pandar ilamu khoa học, kỹ thuật tame bruk ngak mbang pal drak, patagok kein laba phun jien, bayar jien phun njauk tuk vak. Anak tal, Kapul urang nong tỉnh patagok siam lagaih kadung jien dong ka urang nong, meng bruk peih prong dom jalan ngak pambuak pagam tui jalan chuổi giá trị gam song pandap panda prong di puk palei.

Piah ramik pasiam bruk mek tame - pandar tabiak jien dalam thun ba ini, Sở Pato megru di Ban raya HCM birau hu harak pakauk dom labik pato megru, sang bac mek ngan lac Mban lambaok urang amaik ame anek saih piah mek dom jien langiu bruk ba tabiak. Phun jien ngak bruk di Mban lambaok urang amaik ame anek saih kayua mban ini khik , pamdar saong tok duh ka dom bruk ngak di mban lambaok amaik ame anek saih. Ngan saong bruk jak ba, taduan, khik piah saong pandar phun jien daong , pandap alin hadiah do dom sang bac brei mbaoh harak dahlau saong tui hatai halan hatian, oh chap hei.

Dalam jiak 2 thun tapa, hu jiak 800 urang ngak dalam gah Y tế song pato pakai di ban Cần Thơ likau padeih bruk. Ong Lê Hùng Yên, Phaok Yam ndok Sở Nội vụ ban brei thau, urang ngak likau padeih bruk hu rilo makna, min makna praong lac kayua jien bilan, jien duah hu glaong biar jang gauk biak rilo di gah dalam song langiu jabat karja. Piah nyaih kan kandah tal bruk praong, anak meta, Sở pato pakai , Sở Y tế samar kurhi kuhria, pabha labik ngak bruk veik ka nyu lagaih.

Ruak pandiak tabiak darah daok tagok samar di tỉnh Tiền Giang. Meng ahrei 26/9 tal harei 5/10 hu 7.096 mbang urang ruak pandiak tabiak darah, tagok 356% dut saong tukvak ini thun blaoh. Mbiah tal tukvak ini, tỉnh hu 4 urang metai kayua ruak pandiak tabiak. Anak bruk nan, Sở Y tế hu pakhang dom bruk tui iek, mek mẫu dut iek, samar thau, pabak chip, langyah catang sruh jit ruak, oh brei pambak praong saong dui atah dalam bhap bini. Tui nan, peih dom tal pasram, duah thau ka bruk mboh ruak saong taong ruak di taong abih dom pakat piah paglong ilamu urang jakar y tế.

Nga hu panuac sinya jalan ngak ka bruk nyaih sa bruk mesruh hạt nhân. Tui urang brei panuac Mintri Ngoại giao, Nga oh cong khin ngak patagok bruk mbuan si rah tabiak mesruh hạt nhân, gam song nan, chỉ trích phương Tây song truyền thông dok ngak ka dom bruk catang tagok. Panuac khan di Nga hu batabiak dalam tuk vak dunya daok huac rah tabiak dom bruk mesruh hạt nhân tuk Nga - phương Tây dok tacang tagok.

Gah Y tế dunya hu ba tabiak panuac kakei lac 4 janih jru siro taong ruak patuk saong ruak la-ar di labik ngak jru Maiden negar Ấn Độ hadei tuk hu 66 uranaih di Gambia metai. Gah Y tế dunya jeng kakei lac dom janih jru ini meda hu pablei tabiak ralo labik di dom taneh ia châu Phi. Yau nan ye, oh langiu di bruk njom mbak tabiak ralo taneh ia di dunya. WHO iew dom taneh ia pasang iek saong brei pakauk pablei saong pandar dom janih jru nan plaik njiak bruk jhak jang ka dom urang ruak.

Kayua hajan khang dalam dom harei tapa, nan ye, hajan dut hu di ban Sydney, Australia lac labaih 2.200mm, tanut glong di abih meng dahlau mai. Tui kuhria 3 bilan puac thun dok veik, Australia dok dom mbang hajan prong, kayua labik takai tasik gah Pai negar ni dok gaok kan kandah khang di bruk langik La Nina. Dalam 2 thun tapa, dom mbang ia sua ngak khut tayah trak labik ngoại ô di Sydney, ngak ka yaok pluh RIBAU urang klaak sang danaok./.

Urang lang: Hani Pha & Bhumi – 08/10