Mentri Jalan mbak pajeng ba  meda brei roh duah peih praong dom jalan peih drah samar 2 jalan radaih tui bruk caong khin. Tukvak tapa, hu dom jalan peih drah samar brei buh jien tame ngak 2 jalan radaih, oh hu paga pacang gar kreh saong oh jalan padeih radaih chip. Dom jalan nan njauk brei peih suai damuai, takik lagaih salamat ka dom radaih peih nduac. Mentri langyah brei langyah peih praong dom jalan peih drah samar 2 jalan radeih yau urak ini tuk hu ralo radaih peih nduac. Urak ini, dom jalan peih drah samar prein pajeng ba praong trak hu pasang iek brei peih ngak takik abih 4 jalan radaih siam jang, hu jalan peih radaih chip rah tui jalan yau jalan  Phan Thiết - Dầu Giây, jalan cao toc Biên Hòa - Vũng Tàu…

Ong Nguyễn Văn Nên, UV Bộ Chính trị, Bí thư Thành ủy TPHCM bahrau jao Jabat Thường trực mBan Tacei jalan pacang caga tham nhũng, tiêu cực di TP daong bruk, patagok talei pambuak bruk haong dom jabat chức năng padang ngak saong peih pasang iek bruk peih ngak Sarak 98 di Quốc hội ka ngak iek dom sarak karei patagok TPHCM.  Gam haong nan, jabat ini daong ba tabiak dom janlan ngak tui Kết luận 14 di Bộ Chính trị piah gam pacang, cakak dom bruk tham nhũng, tiêu cực; gam khik caga urang jakar khin sahneng, khin ngak, khang hatai, sahneng duah bahrau dalam peih ngak dom sarak ngak iek ka ban raya.

Urak ini,  Bình Dương daok peih bruk padang ngak rilo jalan mbak piah pakhang bruk pambuak bhum. Yau nan min, dalam tuk peih ngak daok rilo tavak tavaiy. Tui UBND tỉnh Bình Dương, tỉnh brei buh jien kadung karja thun 2023 tame padang ngak dahlau saong phun jien karja katut panak  vaktu 2021 -2025 piah peih ngak dom danak dak jalan mbak praong. Ta-eng thun 2023, jalan peih ngak di karja lac jaik 21 ribau 800 tỷ đồng, dalam nan phun jien peih ngak dom danak dak jalan mbak praong meblah jaik 70%, ralo meng lac peih taneh. Ngan haong Danak dak paglong , peih praong jalan Roya 13, Bình Dương daok jhul pasamar  piah puac thun  hu salah blaoh.  

Sở Thông tin & Truyền thông tỉnh Hậu Giang bahrau mbaoh tangin tame harak pambuak bruk pabak chữ ký số công cộng ka bhap bini daok dalam tỉnh Hậu Giang. Ini lac sa dalam dom bruk ngak piah patagok bruk pandar chữ ký số, patagok parilo dom menuac di tỉnh Hậu Giang dalam umo thun praong hu chữ ký số pandar tame dom bruk ngak harak gar điện tử. Tui nan, Hậu Giang hu pabak chứng thư số piah pandar chữ ký số dalam bruk ngak harak gar online. Bol bhap rahra hu pabak brei chứng thư số công cộng oh mek jien dalam 1 thun kuhria meng harei hu pabak brei.

Di Nghĩa trang liệt sĩ tỉnh Bình Phước, Tỉnh ủy, UBND tỉnh peih bruk ngak padhi, ba dar 83 talang liet si ndih trun di negar Campuchia.  Hadei di 3 bilan kham merat, Kapol duah saong pataom mek talang liet si (Đội K72),  Bộ Chỉ huy Quân sự tỉnh Bình Phước peih bruk duah, mek, ba mai palei negar dom talang liet si saong urang ilamu bol lin Viet Nam var klak rup drei ndih trun di mblang mesruh metak Campuchia. Taong abih dom talang liet si hu duah mboh dalam mbang ini jeng oh ka thau hu angan je.

Harei kabroi (27/7), takik di abih 19 urang metai tuk sa sruh ghe gilai pajeng tuai tableik kayua ngin khang jaik ban ine Manila di Philippin.  Urak ini oh ka thau lac hu hadom menuac di angaok ghe gilai nan, min urang jakar brei thau lac hu 40 urang hu daong srong tagok dalam tuk dom bruk daong duah daok rah tabiak. Gah khik caga takai tasik brei thau, sruh ghe gilai atah ar tasik 45 mét tuk gaok ngin khang, ngak ka dom urang daok angaok nan huac saong nduac tapa sa gah ngak ka ghe gilai tableik.  Adit bloh, Philippin gaok rabuk Doksuri hu ngin khang tal 175 km/h nao tapa gah brak saong pulao Luzon hu rilo menuac abih di taneh ia ini.

Kapol dom taneh ia cong nghiep patagok (G7) jaik ini hu sanya brei patagok prein điện hangin langiu tasik tagok 150 gigawatt saong điện ia harei tagok labiah 1 terawatt di thun 2030. Min dom asar kadha njauk cakak trun kayua hu dom bruk oh ka njauk gauk di Nhật Bản lac Chủ tịch G7 thun 2023 haong dom taneh ia karei. Kayua taneh riya  saong kinh te, nan ye Nhật Bản hu taduan trung hòa carbon karei jang dom taneh ia phuong Tay. Negar Anh, Canada, Pháp saong Đức ba tabiak bruk lac meng thun 2030 lac tukvak piah klaak dom sang mac ngak điện meng dang, min Nhật Bản oh taduan tui tukvak ini.

Ấn Độ daok dang anak bruk srau kadau baoh traong ndaiy tuk yaom janih baoh ini tagok jang 500% dalam dom harei jaik ini. Makna praong ba tal yaom tagok glaong yau nan, lac kayua langik oh siam, padiak saong hajan ia sua gam gam, ba tal pala drak oh hu, nan ye kurang ngak klaih klaoh bruk pabak traong ndaiy. Hu pandar rilo dalam bruk ngak pandap mbang di urang Ấn Độ, min yaom traong ndaiy daok tagok khang, lac glaong di abih dalam dom adit jaik ini. Traong ndaiy nan ye daok lahik nao dalam mbang huak di urang Ấn Độ./.