Mentri Kong an birau payua harak tal dom mentri saong UB bhap bini dom tinh, ban tacei pato dom asar kadha pambak tal bruk ramik don vi karja saong padang karja dua pakat. Dalam nan Mentri Kong an pachreih bhap bini brei salih, ngak veik can cuoc bhap bini tuk hu salih, pagam tinh piah hu lagaih dalam bruk meyao meyit, nao mai di drei…Bhap bini ngak salih can cuoc oh abih jien. 

Bi thu Thanh uy Ban raya HCM Nguyễn Văn Nên caong khin Ban raya HCM pambuak khang tani tanat haong tinh Binh Duong saong Bà Rịa -Vũng Tàu peih ngak danak ramik, pagam tame dom don vi karja pakat tinh, kham ngak salah saong tame ngak bruk dahlau harei 15 bilan 9. Kham merat piah peih ngak Nyaom roya Đảng bo Ban raya dahlau harei 31 bilan 10 thun ini, piah ka dom danak dak praong patui di nan hu siam veik. Bruk dak padang  karja dua pakat saong ramik dom don vi hanh chinh pakat tinh piah hu siam lagaih dalam bruk ngak gah karja saong paglong  bruk ngak di urang jakar.

Pahadar 50 thun Harei peih paha gah Meraong negar, yasa taneh taneh ia (30/4/1975 - 30/4/2025) tinh Binh Thuan peih bruk Prang iek thaok binguk  gam parang iek, yaih khan pandap pablei salih - yulit. Ngan haong kadha “ Binh Thuan - 50 thun dak padang, salih birau saong patagok”, parang iek hu 300 thaot binguk, harak tư lieu, yaih khan tal urang mai mong iek hu thau bruk ngak cach mang khang kadang di bol lin saong bhap bini Binh Thuan tuk mesruh metak, dom bruk ngak hu siam dalam 50 thun dak padang saong patagok tinh.

Dalam tinh Gia Lai hu padang birau saong ramik pasiam 5.620 baoh sang. Yaom jien daong 60 trieu dong sa baoh sang ngak birau saong 30 trieu dong sa baoh sang pasiam veik, rilo bhum palei  brei kuhria ngak tui rilo jalan lagaih, hadah krah, jak ba abih bruk gah jien padai, prein ngak bruk di bhum palei saong patagok bruk ngak po di bhap bini dalam bruk dak padang. Tui bruk ba tabiak, Gia Lai daong ka 8.485 baoh sang, kuhria abih tih labaih 459 ti dong. Tinh kham merat ngak salah danak dak  dahlau harei 30 bilan 6 anak tal.

Glut jaleih sa sang xuong biak trak di page ini harei 17/4 di sa  danak dak padang ngak pasiam veik Khu kong nghiep KSB Đất Cuốc, huyện Bắc Tân Uyên, tỉnh Bình Dương, ngak takik abih 2 urang metai. Urak ini, bruk glut jaleih nan hu gah kong an  pacang piah duah thau kayua halei ba tal bala. Mban khik iek Khu kong nghiep  tinh Binh Duong daok caong khin po ngak Khu kong nghiep KSB Đất Cuốc khan brei thau cambai laic.

Rajaei Nhat Ban brei padeih bruk jao brei jien mbaok ka taong abih bhap bini yau sa dalam dom jalan caga bruk jhak kan kandah kayua sarak jien je di karja Tong thong My saong bruk ndap nda tagok yaom. Piah caga bruk lam phat, Rajaei Nhat Ban pandar kadung jien piah caga daong jien khik tani tanat yaom xang menyek, ngak veik danak dak daong bayar jien pandar ndien saong khi dot, jeng yau peih gilang khik piah brah brei tabiak piah khik yaom. 

Canada oh taduan jaik 2 trieu 3 rituh 60 ribau harak likau thi thuc tukvak anak meta ka urang negar langiu dalam thun 2024. Bruk nan piah trun takik kan kandah ka sang daok, co so ha tang saong dom jitvu kong, abih di nyu lac iek glang prein yawa di Canada, brei mboh taneh ia ini oh daok lac labik palih ruah rilo di anek saih, urang ngak atau tuai damuai di dunya tuk ngak catang bruk brei tame negar piah khik iek hu siam jang bruk parilo bhap bini negar langiu tame.

Uy ban chau Au mbang akaok meti brei patrauk urang negar langiu tame mai suan hukum dom negar saong bhum taneh ia langiu chau Au. Dom taneh ia di Lien minh chau Au trauk tabiak di 7 labik nan lac: Bangladesh, Colombia, Ai Cập, Ấn Độ, Morocco, Tunisia saong bhum taneh Kosovo. Bruk nan piah trun takik urang tame suan hukum, parilo urang gilac veik nao palei negar, gam pacang cakak bruk ngak tapa prein khik iek urang negar langiu tame dom taneh ia chau Au./.