Mentri Kong thuong iew brei padang ngak angan brah piah pablei tabiak negar langiu khang kajap jang, tui nan brei quy hoạch cambaic laic  bhum taneh ngak hamu padai pablei tabiak negar langiu. Brah pablei tabiak negar langiu dalam 7 bilan tapa di negar drei tagok 18,7%. Urak ini, yaom brah pablei tabiak negar langiu  tapa 600 USD sa tấn, glong abih kuhria dalam 11 thun tapa. Yau nan min, gah ngak tabiak padai brah  di khol drei daok sit sot, parai rai, nan ye hu tuk kan pasang iek padai brah pablei tabiak. Anak bruk nan, Akok Mentri Công thương Nguyễn Hồng Diên caong khin, njauk brei pambuak khang kajap dom mentri, dom gah; pambuak dom mentri, dom gah haong doanh nghiep, hiep hoi saong karja palei…piah ka bruk ngak tabiak padai brah hu siam lagaih.

Tui kuhria di nhà thầu Hitachi bahrau payau ka mBan Khik ramik Jalan pasei đô thị TP.HCM (lac po đầu tư), harei 31/8 tal, kapul radaih metro hu peih iek di abih jalan meng depot Long Bình tal ga Bến Thành saong nao veik depot Long Bình. Ini lac mbang camereip abih radaih metro 1 hu nduac iek angaok abih jalan hadei di tukvak nduac iek dom labik katut panak angaok glaong di dalam ban TP Thủ Đức; radaih metro 1 meda nao ginup abih jalan meng Suối Tiên (ban Thủ Đức) tal ga di mela lubang haluk Bến Thành (Quận 1) saong talauk nao veik. Dalam mbang nduac iek abih jalan ini, dom menuac angaok radaih oh tapa 20 urang.

Tỉnh Trà Vinh ba tabiak jalan brei trun yaom tapuk meng 5 tal 10% dut saong yaom angaok tapuk, gam haong nan, jak ba, daong brei tapuk bac da-a ka dom adei anek saih sang kan thaot. Thun bac 2023 -2024, Trà Vinh hu 181.000 anek saih dom pakat. Piah pabak tapuk bac da-a ka thun bac birau, Kong ty co phan tapuk saong pandap mac jamraih ka sang bac tỉnh Trà Vinh brei tabiak labaih 2,6 trieu baoh tapuk  meng tal 1 tal tal 12, tagok jaik 200.000 baoh tapuk duk saong thun bac dahlau. Langiu di bruk brei tabiak  rilo baoh tapuk, parabha samar, trun yaom pablei, gah pato megru  Trà Vinh saong Nhà sách ngak tabiak tapuk pato bac  Việt Nam daok lain brei 4.000 bộ tapuk bac da-a ka anek saih hu raidiuk kan kandah di dalam tỉnh.

Sang iek ruak đa khoa tỉnh Kiên Giang khan lac, harei 20/8, Sang iek ruak hu taduan 2 urang ruak lac B. Đ. L. (umo 41 thun) saong T.P.B. (umo 46 thun). Dua urang nan jeng lac urang ngak ikan di sruh gilai taong ikan di bhum tasik Kiên Giang njauk jru mek kayua mbang nok- cá nóc.  Dua urang ini tame sang iek ruak tuk rup daok handaoh, parin dalah, parin takai, pandik akaok, rup glaih glar. Hadei di tuk hu cấp cứu samar drah, urak ini prein yava di dua urang ngak ikan nan hu tani tanat, ndom biai hu siam veik. Dahlau di nan, harei 19/8, ong L, ong B. saong ong Ng. X. H (daok di ban Hà Tiên, Kiên Giang) ba gauk mbang menyum angaok sruh gilai taong ikan daok pataok langiu tasik Nam Du, dalam nan hu nok - cá nóc.  Tal mon 1 kreh melam 20/8, ong Ng. X. H handaoh rup thaik bloh metai hadei di nan.

Biar harei 21/8, Kong an huyen Hàm Tân, tỉnh Bình Thuận pambuak haong dom gah pambuak tal brei pasang iek bruk urang likei metai di kraong Chùa, palei Suối Tứ, xã Thắng Hải. Urang nan angan H.H umo 55 thun, daok di palei Bàu Giêng, xã Thắng Hải, huyện Hàm Tân. Tapa duah thau camereip hu mboh klik akok di gait hu rilo labik barah njuk. Dahlau di nan, mong 9 tuk harei 21/8, dalam tuk urang pak ini daok vah ikan di kraong Chùa  di palei Suối Tứ, xã Thắng Hải, ye hu mboh rup tau urang theik angaok ia kraong. Bhap bini srong tagok ar, saong khan brei kong an palei ini thau.

Anak bruk nerak tachauk alam langik tasik saong kaya pandap meng langik tasik dak harei dak takik nao, ngak kan kandah tal raidiuk anek menuac, rilo taneh ia brei padang ngak saong patagok kinh tế tuần hoàn – sa bruk ngak  kinh tế pasiam di abih kein laba kaya pandap di langik tasik saong ndung bak bruk khang kajap.  UB châu Âu ieu dom gah pambuak tal, meng jabat rajaei, doanh nghiệp khai thác, labik chế biến, ngak pandap, ba pablei, urang blei, menuac pataom mek nerak... hu mbaok tame janih ngak kinh tế ini. Tui kuhria mboh dahlau, kinh tế tuần hoàn meda daong ka châu Âu mek tame hu jaik 600 tỷ EUR (lac 651 tỷ USD) yaok thun, ba tabiak 580.000 bruk ngak bahrau saong daong patrun bruk tathuak tabiak khí sang camin.

Hàn Quốc meda ba tabiak kaoh tui hukum jaik 300 gru pato pablei tai lieu bac pakacah đại học ngak tabiak eng ka dom labik pasram pakacah gah langiu. Kuhria tal harei 21/8, dom gru pato nan halan tian khan brei karja thau ka bruk pablei  đề pakacah iek, giáo trình saong dom tài liệu  bac pasram pakacah đại học ka dom pasak pato megru  gah langiu piah duah jien tame. Dom gru pato nan, ralo meng lac gru pato bac pakat THPT, pambuak bruk hoang dom labik pasram pakacah đại học gah langiu piah pablei dom đề pakacah iek, giáo trình, tàiliệu pasram pakacah đại học. Gru pato mon hóa di sa sang bac trung học di Seoul brei thau hu jien mek tame labaih 284.000 USD meng bruk ngak nan.

Harei 21/8, Trung Quốc cuh tagok sa vệ tinh pasang iek baoh taneh rai bahrau tame langik meng pasak cuh vệ tinh Tửu Tuyền di gah barak taneh ia.Vệ tinh ini hu angan ieu lac Gaofen-1204, hu cuh tagok meng tên lửa đẩy Trường Chinh-4C tuk mon 1- 45 minit dah page harei nan (tui mon Bắc Kinh) saong nyu par tame quỹ đạo njauk tui jalan ba tabiak hu jak jeng. Vệ tinh ni hu pandar dalam rilo bruk, dalam nan hu bruk pasang iek mbaok taneh, quy hoạch hóa đô thị, padang mạng lưới jalan radaih, kuhria mboh dahlau năng suất phun pala saong daong ka dom bruk njauk bala meng langik tasik./.