Mentri Lao dong, Thuong binh saong Xa hoi daok mek panuac 16 mentri, dom gah pambuak tal bruk padeih Tet Nguyen dan sak Lanaih- Ất Tỵ 2025. Tui bruk ba tabiak, urang jakar, kong chuc, vien chuc brei padeih 9 harei taphia gauk. Tui nan, urang jakar, kong chuc, vien chuc padeih Tet Am lich thun 2025 meng harei Sanecar  25/1/2025 mbiah tal abih harei Adit 2/2/2025 saka ia bulan, lac meng harei 26 bilan Mat thun nasak Ine Girai Giáp Thìn mbiah tal abih harei 5 bingun bilan Tha thun sak Lanaih Ất Tỵ. Yau nan, tui jalan ngak ini, tuk padeih Tet Am lich, kong chuc, vien chuc hu  padeih 9 harei, dalam nan 5 harei padeih Tet Am lich saong 4 harei padeih yaok adit.  

Piah patui bruk daong ka sinh viên gaok kan kandah kayua rabuk ka  3 samar tani tanat bruk bac megru, Mintri Pato Megru ieu dom labik pato pakai đại học, dom sang bac Cao đẳng sư phạm sangka, oh mek jien bac atau trun meneing jien bac saong hu dom sarak daong gah jien padai ka nyu lagaih haong bruk di yaok sinh viên. Kuhria tal harei ini, abih tih dom khat lahik gah labik bac saong pandap pato bac lac 1.260 tỷ đồng; khut labaih 41.000 baoh tapuk giáo khoa.

Kong an tỉnh Bình Thuận, Jabat UB bhap bini tỉnh pambuak haong xã Phan Thanh, huyện Bắc Bình birau peih danak dak “ Tet Trung thu thun 2024” di Sang bac tieu hoc Phan Thanh 1 saong dom labik sang bac sit di Ngã Hai. Dalam danak dak, dom đơn vị  hu jao brei 400 paok pandap ka dom adei anek saih, kuhria tui yaom jien lac abih tih labaih 40 trieu dong. Ini lac bruk ngak hu makna piah pachreih ba, sangka, klah rabha dom kan kandah di mikva saong pachreih  dom kamuan uranaih kham merat yam tapa kan kandah bac da-a naih joi.

Di bhum taneran kraong Cuu Long, mikva urang ngak nong pala pajaih padai ST25 daok chreih chrai tuk padai hu yaom 11.000 - 13.000 đồng/kg, glaong jang labaih 3.000 đồng/kg duk haong tukvak ini thun blaoh. Yaom ini hu maong lac glaong di abih, ngak ka urang kak kaiy nao grauk dom tỉnh, ban miền Tây piah blei. Tui Hiệp hội Padai brah Việt Nam, yaom padai brah dalam taneh ia daok di tanut glaong, daok tagok gilac veik kayua doanh nghiệp daok jhul khang bruk blei padai piah khik kajap bruk pablei brah tabiak negar langiu tui harak pambuak bruk. Gam haong nan, tukvak ini, bhum ĐBSCL jaik abih bilan yuak padai hè thu nan ye yaom tagok glaong.

Tui Rayo Khi tuong thuy van bhum Nam bo, meng harei ni 17/9 mbiah tal harei 20/9, di bhum Nam bo saong dom tỉnh Tây Nguyên hu hajan praong dui atah saong kan thau dahlau. Kuhria  abih tih hajan praong meng 50-100mm, hu labik hu labaih 100mm. Tỉnh Bình Dương, Tây Ninh kuhria abih tih hajan meng 70 - 120 mm…Daok di tỉnh Bình Phước, hajan dui atah tal page 17/9 ngak ia tagok glong, ba tal dauk ia dom labik di xã Đắc Ơ, huyện Bù Gia Mập. Dalam nan, bhum gaok kan kandah ralo abih lac 3 baoh tatua di jalan 14C saong jalan xã Đắc Ơ. Di TPHCM, hajan praong di ralo labik kuhria mboh dahlau meng 40 -100mm. Dalam hajan khang mbuan rah tabiak hangin gaving, jakala  tam mblat saong hangin khang.

Mintri Y tế Sudan brei thau, taneh ia ini hu 9.533 urang njauk ruak aih craoh, dalam nan hu 315 urang metai. Ini lac mbang tamuh jit tả bahrau abih di taneh ia ini. Dahlau di nan, Mintri Y tế Sudan hu tabiak panuac khan lac tamuh jit tả harei 17/8 saong mboh lac jit tả njom mbak lac kayua alam langik tasik jhak nao, kayua mesruh metak saong pandar ia nerak. Langiu di jit tả, rilo jit ruak karei yau la-an dom, sởi, pandiak tabiak darah ngak brei yaok ratuh menuac metai di Sudan.

Tui kuhria mboh di Mentri Y te, Lao dong saong Phuc loi Nhat Ban, kuhria tal harei 15/9, urang umo meng 100 thun tagok di taneh ia ini tagok glong abih hu 95.000 urang, brei mboh thun tagok ka 54 gam gam. Dalam tuk nan, dom urang yam tame umo 100 thun lac jaik 48.000 urang. Mentri Y te, Lao dong saong Phuc loi Nhat Ban khan lac daok kham merat ngak pasiam dom  jalan tani tanat xa hoi, yau iek glang gah y te saong iek glang prein yawa piah daong dom urang umo taha meda dui atah umo.

Tui khau tin meng karja Myanmar, kuhria tal abih harei 16/9, ia dauk ia sua kayua rabuk Yagi ngak brei 226 urang matai, 77 urang lahik, jaik 260.000 ha padai saong dom janih phun pala karei njauk ia dauk palai pajoa. Tui taong yaom di rajaei Myanmar, rabuk Yagi ngak brei  khat lahik kinh tế tui kuhria tuk camereip lac 1 tỷ 600 triệu đô la Mỹ (USD). Dalam tuk nan, hu jaik 631.000 menuac gaok kan kandah saong dom urang ini caong hu bruk daong brei./.