Mentri Ngak nong saong Patagok palei pala birau khan brei Thu tuong Rajaei bruk padai metai kayua pandar cuah tasik ngak jalan peih drah samar Bắc- Nam. Dahlau di nan, hadei tuk  bhum palei khan brei thau, Chi cuc Pala saong Khik caga phun pala gam Sở Ngak nong saong Patagok palei pala tỉnh Hậu Giang brei pasang iek, dut iek ia mbak dalam hamu padai metai. Urak ini hu 9 baoh sang di palei 9, xã Vị Thắng, huyện Vị Thủy taneh hamu padai labiah 3 ha gaok kan kandah. Yuak padai di 2 hecta 23 sao taneh hamu tok hu 6 tấn sa ha, dalam tuk nan padai yuak bhian hu 7,6 tấn sa hecta. Tui kuhria mboh  khat lahik 5 tấn meteh dut saong dom hamu oh gaok ia mbak.

Sang bac Đại học Quốc gia TPHCM meda dui atah tukvak tut angan chấm phúc khảo mbang pakacah taong yaom prein bac mbang ka 2 tal abih harei 17/6, điểm phúc khảo meda hu pathau khan dahlau di harei 20/6, makna lac kayua suan gah ky thuat dalam tuk ba diem pakacah tagok blah web. Dahlau di nan, di bier harei 13/6, dom anek saih hu pathau khan taduan hu diem pakacah Taong yaom prein bac mbang ka dua sarau kadau. Dalam nan, mbang taduan hu diem camriep, diem bier jang mbang ka dua. Sang bac Đại học Quốc gia TP.HCM brei thau, bruk suan gah ky thuat ini nyu ngak oh siam tal hatai sahaneng di anek saih saong ngak kan kandah ka bruk anek saih pandar diem pakacah piah tut angan tame pilih ruah.

Mban Pato pakai Jak ba halain hatain alin darah tỉnh Đồng Tháp bahrau peih Danak dak “Jalan nao bhong – pambuak ralaow darah Việt” mbang ka 3 saong pok mayaom urang alin darah angan je pambuak haong Harei pataom alin darah, ngan haong asal kadha “ Caraih bak sambo mau”. Tui jalan ba tabiak ngak di danak dak ini, Đồng Tháp kuhria meda taduan labaih 5.000 đơn vị darah. Meng akaok thun tal ini, Đồng Tháp hu jak ba, taduan hu labaih 5.500 đơn vị darah. Urak ini dalam tinh hu 569 kapul nyaom, baoh sang saong manuac urang hu pok mayaom ka dom bruk ngak biak naih dalam bruk halain hatain alin darah saong halainhatain jak ba alin darah.

Yaom baoh maraik di rilo tinh, ban di bhum ĐBSCL daok tagok glaong. Yaom maraik “chỉ thiên” yaom meng 45.000-50.000 đồng/kg, tagok 10.000-12.000 đồng/kg dut saong bilan dahlau. Min, yaom panat Thái saong panat tai bhong Indonesia lac daok trun khang. Panat janih 1 (mek hu tanut chuan pablei tabiak negar langiu) urang kak kaiy tok blei meng 23.000-25.000 đồng/kg. Yaom panat Thái trun kayua pablei tabiak negar langiu suai, min rilo sang bein pala panat jeng hu jien mek tame siam jang rilo janih phun pala karei.

Meng akaok thun tal urak ini, dom pakat Kapul urang kumei dalam tỉnh Kiên Giang hu daong ka labaih 1.000 sang urang kumei dalam kapul lac urang Khmer kathaot meng rilo jalan ngak lagaih, yau ye jao bruk ngak duah mbang ngui, daong masaiy jien laba lap meng jalan ngak bao lanh tin chap meng phun jien Gilang paraik kanja, Kadung jien daong urang kumei cak rok bruk ngak mbang; alin sang anit ranam; jak ba padang ngak dom kapul pambuak gauk pambuak haong haong daong dom urang kumei dalam kapul ka phun jien, ilamo, pandap panda ngak mbang. Dalam 6 bilan akaok thun ini, kapul urang kumei hu dang tapak khik ramik 7 danak dak ngan haong phun jien abih tih lac 2.300 tỷ đồng, ngan haong 60.700 urang daok tavak saiy. Tinh jeng hu peih ngak danak dak yaok sa labik daong takik di nyu 1 urang kumei peih bruk mbang ngui, peih bruk pablei salih.

Dom urang ruak njom jru mek liên cầu khuẩn, atau jit ruak njom khuan “mbang ralaow manuac”, daok di tanut glaong abih di Nhật Bản. Tui Viện Ruak njom mbak negar Nhật Bản, meng akaok thun tal urak ini, tui kuhria lac hu 977 urang ruak. Ini lac paka glaong abih bhian hu mboh meng jalan pataom mek khau tin urak ini. Giáo sư Kikuchi Ken, Đại học Y khoa urang kumei Tokyo brei mboh lac vi khuan ini bhian hu maong lac njom tame rup tapa dom labik laka huan, kayua yau nan ye ong hu ieu yaok urang nao tal sang iek ruak chip  mayah labik brah njom pambak samar, pandiak glaong atau mboh dalam rup glaih glar.

Mintri Y tế Campuchia bahrau pa tabiak asal kadha kakei rahra caik hatai ka bruk mbuan njom mbak jit kum mua saong COVID-19, tuk bo dom urang ruak di negar ini daok tagok glaong. Piah pacang caga bruk njom mbak ruak, gah y te hu ieu kakei rahra patakik nao mai atau pataom gauk. Tuk mboh pandiak atau njauk hagait di prein yava, njauk nao iek ruak dak samar dak siam. Gam tui di nan jeng kakei dom urang mbuan njauk njauk ruak atau njauk ruak glaong njauk nao klauk jru vaccine paglaong piah pacang caga ruak COVID-19.

Pasak kuhria mboh dahlau bruk langik tasik negar Trung Quốc daok ba tabiak panuac cảnh báo sambo mau kanjik ka nhiet do glaong dalam tuk rilo bhum palei di taneh ia ini daok rah tapa mbang pandiak biak khang. Di rilo bhum palei, nhiet do tui kuhria tagok meng 37 tal 40 độ C. Piah plaih nyaih dom kan kandah kayua nhiet do glaong, jabat kuhria mboh dahlau bruk langik tasik negar Trung Quốc brei thau lac njauk brei padeih dom bruk ngak gah langiu saong pandar dom jalan pacang caga piah khik ka dom kapul urang mbuan gaok kan kandah yau ye uranaih saong urang praong thun.