Mentri Pato megru birau khan brei thau harei di Mbang pakacah tamat THPT saong bộ đề thi iek di Mbang pakacah tamat THPT thun 2023. Tui nan, mbang pakacah meda hu peih tabiak dalam 4 harei, meng harei 27 tal harei 30/6. Dalam nan, harei 27/6/2023 anek saih brei ngak harak gal pakacah; Harei 28 saong harei 29/6/2023: Peih bruk khik iek pakacah; harei 30/6/2023 brei ka dom anek saih pakacah caga dahlau. Bộ đề pakacah iek Tamat THPT hu 9 janih mon thi: Toán, Vật lý, Hoá học, Sinh học, Ngữ văn, Địa lý, Lịch sử, Giáo dục công dân saong Ngoại ngữ. Dalam nan, mon Ngoại ngữ hu đề pakacah di 7 sap nan lac Anh, sap Pháp, sap Nhật, sap Trung, sap Đức, sap Hàn, sap Nga.

Cục Jalan mbak Việt Nam hu pabak Dịch vụ công online tanut 4 salih harak adat peih radaih di mangaok Cổng Dịch vụ công pakat negar dalam taneh ia meng bilan 11/2022. Rahra meda ieu tame laik phone 1900.599.870 piah brei thau dom khau tin pambuak tal dom bruk salih harak adat peih radaih, dom khau tin pambuak tal salamat jalan mbak saong brei thau dom bruk khik ramik, pasiam veik jalan mbak. 

Urang ngak sara di Ninh Thuan daok njauk sara rilo tuk yaom sara 2 trieu 200 ribau dong sa tấn, glong abih kuhria meng dahlau mai. Tui rilo urang ngak sara, yaom sara hu tagok glong meng dahlau Tet Nguyen dan thun 2023. Hu tuk, yaom sara di mblang hamu tagok tal 2,6 trieu dong sa tan, yaom sara hu tauk mbat labaih 2,7 trieu dong sa tan. Tỉnh Ninh Thuận urak ini hu jaik 2.450 ha ngak sara cong nghiep parabha tui laoh, hu tauk mbat saong 630 ha ha sara di taneh hamu, pabak labaih 50% sara dalam taneh ia.

Tỉnh Kiên Giang bahrau ba tabiak danak dak pacacah pacang caga bruk taong mek kaya ikan suan adat hukum, oh pathau khan saong oh tui adat (IUU), parabha jeng 2 mbang. Mbang ka 1 meng bilan 1 tal bilan 5 thun 2023, saong mbang ka 2 meng bilan 6 tal bilan 12 thun 2023. Tui UBND tỉnh Kiên Giang, tapa danak dak pacacah cagar IUU piah peih ngak siam lagaih dom adat hukum kaya tasik saong pacang caga IUU, pacang cakak, trun takik di abih, yah klaak IUU, rik daong haong taneh ia yah klaak panuac ieu kakei “thẻ kanjik” di Uỷ ban châu Âu (EC). Gam tui di nan, patagok bruk peih ngak adat hukum, langyah dom bruk ngak suan IUU, pacang caga, brei padeih dom sruh gilai di urang taong cap ikan di dalam tinh ngak suan bruk taong cap kaya ikan di dalam bhum tasik negar langiu.

Tui Pasak Duk iek langik tasik pakat negar meng harei 5-9/3 anak tal, ia mbak njom tame bhum taneran kraong Cuu Long meda tagok veik. Ndo mbak glong abih di dom labik pabah kraong biar jang ndo mbak di bilan 3 thun 2022. Meng harei 1-10/3, ia mbak njom dalam 1‰ meda njom tame dom kraong Vàm Cỏ Đông, Vàm Cỏ Tây; kraong Hàm Luông, Cổ Chiên ...Anak bruk nan, dom bum palei njauk brei samar piah caga ia taba tal tuk ia trun hu ia pandar saong pala drak, gam brei pandar ia pruh patak pataom piah takik khat lahik ka bruk pala drak.  

Thổ Nhĩ Kỳ hu tabiak bruk padang ngak dom baoh sang bahrau salih ka labaih 1,5 triệu baoh sang anak bruk mbuan hu dom mbang magei baoh taneh khang meda rahtabiak di anak tal. Bruk ngak ini daok dalam danak dak salih đô thị kayua rajaei Thổ Nhĩ Kỳ peih tabiak di bhum Marmara – lac labik bhian rahtabiak bala magei baoh taneh. Dahlau di nan, labaih 44.000 urang metai, labaih 12.000 baoh sang praong njauk tayah biak trak damak dalam bala magei baoh taneh biak khang di harei 6/2 di taneh ia ini. Yaom lac ka oh hu khau tin cambaih ka labaih 20 triệu baoh sang glaong tal di dalam taneh ia, min akaok mintri Đô thị hóa dahlau deih brei thau lac “labaih meteh dom baoh sang glaong tal di taneh ia ini” ngak suan adat gah sang danaok.

Gah pacang khuah padam khuah Hy Lạp brei thau, urang metai kayua gilai kapal pajeng tuai saong kapal pajeng pandap ginuh gauk rah tabiak tuk melam 28/2 di ban Larissa, bhum kreh negar ini tagok tal 26 urang. Urang brei panuac di Gah pacang khuah padam khuah khan lac bruk daong dom tuai daok hu peih ngak dalam kan kandah kayua kapal gilai ginuh tame gauk biak trak. Tui kuhria mboh dahlau, urang metai meda daok tagok veik. Bruk ba tal bala nan daok hu samar duah thau ngak brei cambaic laic.

Harei pataom xì gà Habano di Cuba hu peih ngak gilac veik hadei di 2 thun padeih kayua jit praong COVID-19. Bruk ini hu dui atah meng harei 27/2 tal harei 3/3 di ban ine La Habana di Cuba daok ngak pachreih rilo urang takre xì gà di dunya. Harei pataom ini pachreih hu labaih 2.000 tuai damuai, 250 chuyên gia saong 260 kapul parang iek meng dom taneh ia. Thun 2022, salih ka bruk taom gaok tapak, labaih 9.000 urang takre xì gà mai meng labaih 140 taneh ia hu mbaok tame online Harei Dunya Habanos piah gam klah rabha saong ba drei tame ilamo pambuak haong bruk ma-in sambai ini./.