Mentri Tu phap bahrau peih Nyaom biai bac pasram paglaong prein ngak, ilamo ka bruk daong hukum ka kapul urang jakar, mbon palei, urang jakar chi hoi ndoan the saong urang hu angan je dalam bhap bini di tinh Dak Lak. Tapa dom tal bac pasram, urang jakar mbon palei saong urang hu angan je di tinh Dak Lak hu caga veik ilamo ka lagaih, mbuan thau, pagam haong bruk rah tabiak dalam raidiuk piah pambak praong jang dom adat hukum, ngak jeng talei rohim khang kajap di bruk daong hukum haong bhap bini rahra.

Pahadar 80 thun Harei bangsa Negar 2/9, Bein athur - Thảo Cầm Viên Sai Gon, Ban raya Ho Chi Minh peih ngak rilo danak dak daoh tamia, rivang ma-in saong iek dom asar kadha biak gheih  ka tuai damuai mai. Gheih abih lac Adat ilamo “ Bui uan Tet Doc lap – Yakyum jum pataom palei negar”  hu peih ngak meng ini tal harei 2 bilan 9 anak tal, pok meyaom bruk iek praong bebat tu do, pambak praong bruk hadah mbaok meta bangsa saong pambuak bhap bini tapa dom ilamo meng kan saong 50 labik pablei kaya mbang. Abih di nyu, tuai damuai hu tame iek oh abih jien meng mon 17 tuk tal 20 tuk meteh peih ngak adat ilamo.

Bo tu lemnh Bhum Canh sat tasik 4 pambuak haong kapul Dam dara Dac khu Phu Quoc, tinh An Giang bahrau peih ngak “Harei sanecar halan tian” ramik hacih taong abih, ngak sa-at labik di pabah lamnge labik ar tasik lamnge An Thới. Ngan haong hatai xung kich, thau ka bruk di drei kayua bol bhap rahra di labaih 60 urang jakar, bol lin, kapul dam dara, dơn vi hu peih bruk ramik pataom labaih 1 tan hareik harom, rilo meng lac dom kadung nilon, kalaok katak, harei harom karei karei,…ba nao caik njauk labik di nyu, daong khik ramik ka labik hu hadah, hijao – hacih – gheih dalam bhum.

Tui So Ilamo - The thao saong Yulit Ban Can Tho, meng akok thun tal ini, yulit ban raya taduan raok hu labaih 4 trieu mbang tuai damuai, labaih 68% bruk ba tabiak dalam thun. Kuhria jien mek tame hu labaih 4.000 ti dong, labaih 62% bruk ba tabiak dalam thun. Hu kuhria caga dahlau rilo kaya ndap nda, bruk pachreih urang mai rivang ma-in bingun padeih padei Harei bangsa Negar 2 bilan 9 anak tal caong khin bruk rivang main Can Tho parilo tuai damuai gam duah jien tame rilo, ngak ka hu bruk ba tabiak dalam thun 2025 ini.

Tinh Doan Dong Thap bahrau peih harei tabung glaong “Bol lin halan tian bilan pandiak hu mbaok tame harei Adit hijao mbang ka 5” piah jum tangin padang palei pala bahrau, ban medin hadah krah, pacang khik alam langik saong ngak bruk salih lek taka so. Di harei tabung glaong, Tinh Doan Dong Thap hu pasiam, ngak bahrau 28 km jalan mbak palei pala haong jien buh tabiak labaih 780 trieu dong; Ngak 61km “Jalan hadah – hijao – hacih – gheih ghang – siam mekre, salamat” hu yaom jaik260 trieu daong saong alin brei labaih 2.500 paok pandap ka uranaih kan kandah, urang taha daok sa drei jan, baoh sang kathaot…

Pataom flim Venice mbang ka 82 hu peih ngak di kaoh pulao Lido, Italia saong hu jeng sa dalam dom bruk gah flim binguk hu rilo urang caong takre abih dalam thun. Oh lac mblang parang iek di dom flim nghe thuat biak gheih, Venice 2025 daok pataom hu rilo urang angan je di Hollywood dhi A gam haong dom urang padang flim naih joi, ngak jeng harei pataom flim thun ini hu rilo uang ngak flim dunya caik hatai sangka. Pataom flim Venice lac urang di dunya cang iek dom asar kadha piah thau ka bilan taduan yai anak tal.

Ban ine Buenos Aires, Achentina jeng sa labik sangka maong tal di dom urang takre seni nghe thuat tuk Yai kacah Tango pakat dunya hu peih pakak, hu dom mbang kacah gauk biak chreih chrai. Bruk ini dui pachreih yaok rituh yau likei kamei meng grauk labik dalam dunya, dalam nan hu dom urang mbang akaok meti hu mbaok tame. Di angaok phling ragam Tango, dom yau likei kamei mai meng chau My, chau Au saong chau A danak gauk plaong tamia karei di drei tui yaok phling ragam. Yaok takai yam, yaok mbang payeng jeng brei mboh sa bruk kham merat di yaok urang saong sambo bar ilamo karei biak siam gheih.

Trung Quoc khan ka bruk jak jeng patagok di gah y hoc tuk pagam phoi pabui piah pasiam gen tame rup manuac metai glo akaok. Ini lac mbang akaok meti di dunya hu klau mbang blaic raic  yau nan, peih tabiak caong khin langyah hu bruk kurang tang alin brei ka dom urang pagam phoi. Hadei blaic raic, dom taka so suak yawa, darah dong hoc saong thaok binguk y te brei mboh phoi hu pagam hu ba suan tame tabiak  dalam 9 harei  bo oh mboh hagait karei./.