Mentri Y te brei padang 6 kapol rajakar nao pasang iek bruk pacang caga jit saong peih bruk klauk jru vaccine caga ruak soi dalam negar. Bruk ngak di dom kapol urang jakar nan pasang iek bruk ngak tui jalan tacei ba di Thu tuong Rajaei  saong Mentri Y te  ka buk pacang caga soi, taong yaom bruk klauk jru caga ruak, pataom iek veik abih blaoh khan veik saong pambuak bruk langyah dom kan kandah di bhum palei ini. Ruak soi mbuan njom mbak saong meda ba tal ruak karei trak jang. Meng thun 2025, dalam negar hu labaih 40.000 mbang urang ruak soi saong 5  urang metai, ralo di gah Meraong negar. Mentri Y te kakei bhap bini ba uranaih nao klauk ginup jru vaccine soi saong njauk tukvak piah pacang caga ruak hu siam.

Harei kaboi, di xa An Hữu, huyen Cái Bè, tinh Tien Giang, So Ngak nong saong Moi truong Tien Giang pambuak haong dom doanh nghiep peih bruk pathau khan dua radaih pa-ok xoai tuong  kalik hijao akaok meti di tinh  lac 7 tan pablei tapa negar Hoa Ky saong Australia. Tinh Tien Giang urak ini hu labaih 88.000 ha phun kayau mbang baoh, dalam nan hu labaih 2.000 hecta pa-ok, labaih 50.000 tan. Tukvak tapa, baoh pa-ok di tinh Tien Giang oh lac pablei ka darak pasar dalam negar bo daok pablei tabiak ka negar Trung Quoc, Han Quoc, Nhat Ban, Hoa Ky, Newzealand saong darak pasar Chau Au.

Melam kabroi, tinh An Giang pambuak bruk haong Mentri Ilmao, The thao saong Yulit peih ngak dalam praong prang Adat taduan raok Harak di UNESCO ba angan tame sarak “Adat ngak yang Po Amaik negar Ba Chua Xu Ceik Sam” drap ar ilamo oh mboh di meta di dunya ini saong peih ngak Adat ngak yang Po Amaik negar  thun 2025. Harei 4/12/2024, UB Lien Rajaei Gah Pato megru, Khoa hoc saong Ilamo di LHQ (UNESCO) ka bruk khik iek drap ar ilmao oh mboh di meta  hu ba tabiak Sarak tavak angan “Adat ngak yang Po Amaik negar  Bà Chúa Xứ Ceik Sam” tame Sarak angan drap ar ilamao oh mboh di meta  di dunya ini.

Di ban tasik Quy Nhơn, UB Bhap bini tinh Binh Đinh pambuak bruk haong Rayo papar binguk Viet Nam peih pakak Nyaom pataom Raya Papar bingu pakat negar mbang ka 42 di melam kabroi. Nyaom pataom mbang ini hu 734 kadha di 100 don vi payua tame pakacah. Bruk njauk hadar di Nyaom pataom ini lac bruk brei tanut pakacah saong alin yai ka 11 kadha padang ngak: Danak dak ka uranaih, flim tai lieu, kadha cih vak, kadha cih vak panak, Danak dak pathau khan, Danak dak tangi sua -ndem meyai nao mai, danak papar sap bangsa takik, danak dak daoh tamia, san khau, flim saong video ngak tui taka so.

Tinh Ca Mau daok hu labaih 17.000 hecta glai brei mboh mbuan apui mbang glai saong rah tabiak bala dalam taong abih tih labaih 45.600 ha glai, pataom tame ralo lac glai U Minh ha saong meneing di dom kaoh pulao Hon Khoai, Hon Chuoi. Brei mboh bruk pacang caga apui khuah glai di bilan ini lac bruk praong, tinh Ca Mau  daok pataom tame ngak brei catang tui dom jalan ngak bruk “ 4 di labik” saong “ 5 caga tani tanat”. Oh lac urang jakar khik iek glai bo bhap bini  diuk rai ala phun glai U Minh ha jeng hu kuhria caga  ka bruk pacang caga apui khuah glai, rik tame khik iek glai.

Tong thong Indonesia Prabowo Subianto khan lac, Rajaei taneh ia ini ba tabiak jalan padang ngak 30 danak dak buh biak ralo phun jien  di rilo gah dalam thun piah pachreih bruk ngak mbang patagok kinh te saong ngak tabiak labaih 8 trieu bruk ngak  ka bhap bini. 30 danak dak praong meda pataom tame ngak hatang bo daok buh jien tame ngak dom gah jitvu hu suai karo. Urak ini, bruk buh jien tame ngak mbang di Indonesia rik tame hu labaih meng 25 -26% bruk cakrok patagok taneh ia.

Bruk pajeng ba pandap meng radaih tai tal labik taduan di urang blei lac sa bruk lahik abih rilo tukvak. Mboh yau nan ye Công ty RIVR di Thụy Sĩ daok roh duah ngak  sa robot  meda ba pandap jao ka urang. Robot kayua  RIVR ngak tabiak  hu angan Milo meda tapa hu dom hagait pacang kandah di jalan nao. Robot hu 4 gah takai meda chat meng radaih tai trun haluk, hu baoh radaih daong ka robot nao samar angaok tapen jalan saong hu tangin yer pandap tabiak ka urang.

Akok Mentri Lâm nghiệp Indonesia Raja Juli Antoni brei thau lac duah mboh sa mblang hamu pala can sa dalam Bein bingu negar di gah Pur Java. Yau nan min, ong atah klak bruk panuac lac taneh pala can sa kayua dom urang ngak bruk pak ini khik iek. Dom urang jakra, dalam nan hu gah khik iek glai, pandar kapl ahaok oh hu manuac peih  piah dauh thau labik pala can sa. Taneh pala can sa nan hu pacang ala phun kayau kapal di tapen mbon glong kan tame saong daok atah tuai jirah rivang.