Nan lac asal kadha bahrau hu ba tame pandar ngak tui meng harei 1/8 thun ini

Hadei di 15 thun peih ngak Sarak 53-NQ/T.Ư harei 29/8/2005 di Mentri Chính trị ka bruk patagok kinh te - xã hội, khik caga quốc phòng, an ninh bhum ĐNB saong Bhum Kinh tế praong gah Meraong tal thun 2010, pamong tal thun 2020, bruk ngak kinh te di tỉnh Ba Ria - Vung Tau tagok 3 mbang dut saong thun 2005; jien mek tame di bhap bini yam tagok dang akok negar; dom gah ngak kong, ngak nong, dịch vụ jeng hu tagok khang, tagok jang meng 2 tal 9 mbang dut saong thun 2005…Bà Rịa - Vũng Tàu kham merat tal thun 2030 lac tỉnh patagok dalam dom bhum dang akok dalam negar, paglong gah dich vụ dalam bruk ngak mbang kinh tế, abih di nyu lac dich vụ dulich, logistics pambuak saong patagok cong nghiep ngak menyek.

Menuac payua jien suak mek dahlau tukvak meneing jien dalam sổ tiết kiệm ye hadom jien daok veik jeng hu khik tamo yaom jien laba yau tuk camereip, oh njauk kateik trun tanut oh hu tukvak yau urak ini. Nan lac asal kadha bahrau di Sarak 04 bahrau hu Gilang pariak karja patabiak, hu ba tame pandar ngak tui meng harei 1/8 thun ini. Dahlau di nan, asal kadha ini hu dom gilang pariak pok panuac caong ramik veik, piah khik kajap quyền lợi ka menuac payua jien.

Tui yaok pataom di Pasak Pasang iek ruak kik tỉnh Bình Dương, urak ini, bruk klauk jru vaccine pacang COVID-19 klauk pabak veik ka bhap bini daok suai, oh ka ginup bruk ba tabiak. Jneg kayua yau nan ye, dom jru vaccine daok kandong di dom bhum palei dalam tỉnh biak ralo. Tui nan, dalam tỉnh daok labaih  214.000 mbang, dalam nan rilo di abih lac vaccine Pfizer labaih 162.000 mbang, Moderna 51.000 mbang saong Vero cell daok 1.105 mbang.

Melam bloh (22/6), Sở Du lịch ban Đà Nẵng pambuak bruk haong Cty CP Đầu tư Khai thác Nhà ga Quốc tế Đà Nẵng peih bruk taduan raok 200 tuai mai meng Hàn Quốc kayua Hãng kapal haoh Korean Air pajeng ba. Ini lac Hãng kapal haoh praong abih di Hàn Quốc pajeng ba tuai tal ban Đà Nẵng.

Tuk mon 3 page ini, radaih container BKS 51C- 415.23 katung rơ mooc trak 40 feet peih meng canah 4 jalan Bảy Hiền mai pasak Ban raya Hồ Chí Minh, tuk tal canah jalan nan nyu blait tangin ginuh par paga pacang kreh jalan blaoh nduac tapa jalan gah diah, ginuk tame sa sruh radaih patuh blaoh ginuk tapak tame tiem pablei ameh meng padeih veik. Biak patuah, 2 urang peih radaih patuh oh njuak rambuac. Bala nan ngak brei bruk nao mai di angaok jalan Cách Mạng Tám 8 gar veik rilo mong tuk page, radaih dak atah tui gauk biak kan nao mai.

Dalam mbang giao dịch harei ini 23/6, mbang camereip abih dalam jaik 13 thun tapa, jien won di Hàn Quốc trun mala tanut 1.300 won sa USD anak dom duh hatai dak harei dak tagok ka bruk khik catang jien padai di dunya saong mbuan rah tabiak bruk suy thoái kinh tế.  Jien won trun jaik 8% duk saong jien đô la Mỹ dalam thun ini. Dalam mbang pathau khan anak Quốc hội Mỹ harei 22/6, akaok Cục Dự trữ Liên bang Mỹ (Fed) Jerome Powell ndom lac dom mbang tagok jien laba piah dui patrun lạm phát meda ba tal suy thoái kinh tế, meng nan jhul patagok hatai caong ngan saong dom drap ar hu siam mekre, salamat jang.

Jabat Khik iek Pandap mbang saong Jru tavao Mỹ (FDA) brei thau, daok pasang iek bruk birau abih lac uranaih metai hadei di tuk pandar ia tasau công thức kayua Abbott ngak tabiak. Dalam tuk nan, Mỹ daok dang anak bruk kurang ia tasau công thức dalam taneh ia. Rajaei Tổng thống Biden harei 22/6 khan brei thau lac urang jakar daok daong bruk gah likuh piah blei meng Mexico tame labaih 16 trieu lon ia tasau công thức ka uranaih meng puac adit ini.

Harei 22/06, urang brei panuac di Mintri Ngoại giao Nga Maria Zakharova brei thau, Mỹ oh brei adat ka 1 mbang par đặc biệt meng Nga piah ba dom menuac di jabat lambaok ngoại giao saong diuk anek di urang nan nao palei negar yaom lac dahlau di nan hu tabiak harak “tối hậu thư” ka dom urang ngoại giao Nga saong diuk anek di dom urang nan njauk tabiak truh Mỹ dahlau di puac bilan ini. Tui Mintri Ngoại giao Nga, ini lac bruk nhân đạo, min karja Mỹ oh caik hatai tal./.

Urang lang: M. Phương & Bhumi – 23/06