Gilang Karja hu tacei patao dom gilang pariak brei mesre phun jien peih ngak Danak dak 1 trieu ha padei asar glong di ĐBSCL laba lap trun daok 1% saong oh padang drap ar tagok tal 3 tỷ đồng. Gam haong nan, gilang jeng hu pachreih urang ngak nong, doanh nghiep hu blei bao hiem ngak nong hu mbang tui laba lap. Jien laba trun  biar abiah lac 0,2% yaok thun dut saong laba bhian di dom paok jien mesre yau gauk  saong hasa tukvak.

Ban raya HCM ngak hu jak jeng siam mekre dalam bruk paglong jalan ngak bruk ka urang, hu 87% dom urang ngak urak ini hu hcung chi atau harak taduan brei pato bruk ngak. Dalam tukvak 2020 -2025, Ban raya ngak tabiak 700.000 bruk ngak birau, kuhria rah tapa yaok thun labaih 140.000 bruk ngak. Bruk nan oh lac daong duah bruk ngak ka urang ngak bo daok rik tame ngak brei cak rok patagok kinh te di ban raya. Ban raya bhian pasang iek  saong langyah dom labik pato bruk ngak oh hu lagaih piah pato siam bruk ngak.

Tỉnh Đồng Tháp urak ini hu labaih 52 labik raong caik anek ikan pra ngan haong jaik 150.000 drei ikan binai tano, pabak ka darak pasar labaih 18 tỷ ikan anek pajaih, hu 850 labik labik raong ikan pra pajaih di taneh danao praong 800 ha. Urak ini, ikan pra pajaih janih 30 -35 drei sa kilo, yaom meng 25.000 – 30.000 đồng sa kilo. Urang raong ikan pajaih pamong tal bruk pambuak gauk raong pajaih siam, khang kajap, tani tanat labik raong, brei pabak ka dom labik raong dalam tỉnh jeng yau dom tỉnh jiak taphia.

Tukvak jaik ini,  baoh paneng  di Tiền Giang tagok glong, po bein pablei baoh paneng that yaom labaih 40 ribau đồng sa kilo, tagok meng 6 tal 7 mbang dut saong thun dahlau. Ngan haong yaom nan yaok kilo paneng laba labaih 30 ribau đồng. Kayua paneng mbuan pala, takik abih jien saong meda pala pablak haong dom janih phun karei yau nan ye taneh pala paneng  di Tiền Giang  birau ini mboh tagok. Hu urang blei  pataom pablei ka dom D.N ngak hacih blaoh pablei ka Trung  Quốc piah ngak keo paneng saong dom jru karei.

Tui Mban Bangsa tỉnh Hậu Giang, bruk peih ngak Danak dak 1 di Danak dak meng thun 2022 mbiah tal bilan 9 meng blaoh, ia hacih ka bhap bini bangsa takik, tỉnh hu brei ka 497 baoh sang bhap bini hu daong brei ia hacih. Tui nan, ngak salah bruk patagok jalan ba ia di xã Xà Phiên saong xã Lương Nghĩa. Tỉnh Hậu Giang ngak hu bruk praong lac brei sumu 90% bhap bini bangsa takik hu pandar ia hacih sa-at. Yau nan min, daok dom tanut oh ka ngak hu yau bruk kurang taneh daok, taneh pala drak saong ia pandar  ka taong abih baoh sang urang bangsa takik.

Lime taneh ia nan lac Indonesia, Malaysia, Philippines, Singapore và Thái Lan hu mbaok harak pahadar peih ngak bruk klak rabha khaw tin saong dữ liệu gah kapal haok, dalam nan hu dom harak pathau khan ka bruk langik oh siam lagaih trak, tapa nan khan brei ka gauk thau sumu piah plaik njiak dom  bala meda rah tabiak saong khik brei salamat jang ka tuai damuai. Bruk 5 taneh ia brei pambuak  saong klak rabha dữ liệu saong khaw tin kadauk angan piah samar hu thau dom bruk kan kandah jeng yau bala di gah kapal haok, tapa nan peih ngak dom jalan pacang caga bala saong khik brei salamat.

Danak dak Pandap mbang padai  brah di LHQ kuhria rah tapa meyah oh hu pamdap daong saong oh taduan hu pandap pandar nan ye meda abih pandap mbang raong ba bhap bini Palestine di Dải Gaza diuk labaih sa adit tra. Harak pathau khan Parabha tukvak khik pandap mbang hu khan lac labaih 345.00 bhap  bini Gaza  mbuan iek lapa di bilan La-ar  thun ini hadei  dom mbang pajeng ba pandap daong pahala.

Anak di Nyaom biai mbang 16 Dom gah hu mbaok tame Công ước Liên hợp quốc ka bruk parilo sinh học (COP 16), tui kuhria mboh dahlau meng harei 21/10 tal harei 1/11 anak, Colombia hu tvak veik sap di 41 drei cim yaok janih karei di gauk langiu langik tasik piah ngak jeng kadha daoh di negar biak karei abih kuhria meng dahlau mai. Dom urang ngak tabiak alat ragam nan khan lac dalam sap tavak veik  daok hu sap di  3 janih diuk di thu gam dalam ia, kiew, jamngu saong ikan lamen di Thái Bình Dương, janih hu sap biak karei. Langiu di nan, urang daok tavak hu sap di hangin, riyak tasik saong hajan./.