Ong Vuong Dinh Hue nao brei pandap ka urang ngak hu rai duik kathaot 

Mesup 24/1, njauk di tuk caga raok Tết nguyên đán anek sak rimong  2022, Akaok  Quốc hội Vương Đình Huệ song kapul ngak bruk di  Trung ương hu nao rivang song ngak bruk di tỉnh Đồng Nai; nao rivang song brei pandap Tết  ka gah tapol nyaom bol pan phao krong, gah nao dahlau dalam bruk pacang caga jit Covid-19, dom boh sang dalam sarak karja, công nhân, urang ngak, sang kan kathaot, sang kan kandah kayua jit  Covid-19. Lac tỉnh ngak cong  min bruk  đô thị hóa di Đồng Nai dok beir, dom kein lagaih ka công nhân, urang ngaj yau sang dok, sang ilamu , labik y tế, pato pakai … dok takik. Ndom tal bruk ni, Akaok  Quốc hội brei thau, pok jien dong yaom 350 ribau tỷ đồng bahrau hu  Quốc hội brei tapa hu caik prein daong padang ngak dom danak dak ka urang ngak.  Kayua yau nan ye, Đồng Nai samar kuhria caga, abih di nyu nan lac dom danak dak sang dok xã hội, sang dok ka urang duah hu jien takik, brei ka urang ngak pah, blei .

Biar harei 24/01, Rayo papar sap - papar binguk Hậu Giang dang tabiak, pambuak bruk haong Sở LĐTBXH, kapul dam dara CS HCM tỉnh Hậu Giang peih ngak danak dak “Xuân yêu thương” ngan haong kadha: “Khang hatai jia tame harei hadei.” Ini lac bilan xuân ka 6 gam gam, Rayo papar sap - papar binguk Hậu Giang peih bruk tabiak panuac ieu, jak ba dom kapul nyaom, menuac urang, dom menuac ngak pahla dalam saong langiu tỉnh, pambuak bruk haong Sở LĐTBXH, kapul dam dara CS HCM tỉnh peih ngak danak dak piah ba mai ka uraniah sang kan kandah hu bui sambai mbang Tết.

UBND tỉnh Bình Thuận bahrau tabiak tuk vak  peih bruk pato tapak di dom labik pato pakai dalam  tỉnh ngan song dom pakat bac. Tui nan, ngan song anek saih Trung học cơ sở (meng tal  7 – 9) song Trung học phổ thông, học viên pato pakai thường xuyên, hu bac tapak mrng harei som  7/2/2022; Uranaih  mầm non, anek saih  tiểu học song anek saih tal 6, hu tal sang bac  hadei di nan sa adit.

Meng harei 24/1, ban Cần Thơ brei pandar pakat jit lac pakat 1 (bhum hijao), hu 6 quận huyện hu jit pakat 1 (bhum hijao) saong 3 quận huyện pakat 2 (bhum katam). Di pakat xã, phường, ban sit, hu 59 labik pakat 1 (bhum hijao) saong 24 labik pakat 2 (bhum katam).UBND ban Cần Thơ brei bruk ka dom Yam ndok Sở, Akaok dom jabat, mban, ngành di ban raya, Chủ tịch UBND quận, huyện, xã, phường, ban sit samar peih ngak dom jalan pacang caga jit ka nyu lagaih haong yaok pakat jit, oh caik brei rah tabiak bruk hagait kan kandah tal bruk ngak mbang pablei salih, kan kandah tal raidiuk bhap bini, jhul khang bruk cakrok patagok KTXH.

Piah dong jhul gah du lịch Việt Nam samar ba drei tame jalan ngak di dunya, patagok dom jak jeng meng tuk ngak iek, patui jalan ngak, paglong pren khang meriak gauk  di  du lịch Việt Nam dalam tuk siam mekre bahrau, Mintri ilamu Thể thao song  Du lịch cong peih pabah mbang abih bruk du lịch dunya, raok tuai  du lịch dunya tal  Việt Nam, ba tuai nao du lịch negar langiu tapa tong abih dom pabah mbang dunya  meng harei  1/5. Dom chuyên gia ndom lac, myah peih ngak suai lavik  jang tuk vak ni  jeng patrun pren dui pachreih tuai dunya di  du lịch Việt Nam, kayua rilo taneh ia dalam bhum  jeng dok caga peih pabah mbang, pasiam veik du lịch dunya.

Rajaei negar Anh harei kabroi khan lac brei klaak bruk dut iek jit dom menuac urang hu klauk vaccine bloh, meng harei 11/02 tal, njauk di mbang padeih kreh thun bac di anek saih. Bruk ngak nan hu ba negar Anh jeng 1 dalam dom taneh ia pambuan abih di dunya ngan saong bruk du lịch dunya. Jaik 2 thun ini mai, kuhria meng tuk dom bruk brei takik ngak veik kayua COVID-19, bruk bahrau ba tabiak di negar Anh hu daong ba bruk du lịch dunya mai veik yau dahlau daih ngan saong dom menuac hu klauk ginup vaccine saong puac di abih lac nyu lagaih haong hatai rap ar tuai damuai saong bruk kinh tế Anh.

Pasak pasang iek song pacang caga jit ruak (CDC) Mỹ harei 24/01 (tui tukvak pak ni) hu pabak  15 labik nao tal tame angan dom labik mbuan si glong abih  dalam bruk nao mai, dalam nan hu Costa Rica, Peru song dom Tiểu vương quốc Ả-rập Thống nhất (UAE). Việt Nam urak ni dok dalam angan  “pakat 3”, lac mbuan si glong ka  jit Covid-19.

Dalam 1 thun tapa, yaok triệu jamriak pablei pandap automatic di negar Japon hu peih veik. Bruk ini, lac kayua jit praong COVID-19 ngak brei rilo menuac khin takik taom gaok gauk. Tui Kapul dom urang ngak jamriak pablei pandap automatic di negar Japon, urak ini, hu labaih meteh dom jamriak automatic nan pablei pandap mbang atau ia menyum, min urak ini dom janih pandap hu peih praong jang yau ye: truyện tranh, pandap lưu niệm, gai crah tagei, pataih pacang mbaok saong bộ kit dut iek Covid-19./.

Urang lang: Hanipha- Mousaphuong -25/1