Bruk ba gru pato tame pato pakai ka uranaih biak kan kandah 

Mesup 25/2, Ủy ban Ilamu, pato pakai di  Quốc hội peih mbang langyah ka bruk peih ngak sarak hukum  dalam bruk palih ruah, pandar, khik ramik kapul gru pato mần non phổ thông. Di var langyah, Thứ trưởng mintri pato megru  Nguyễn Hữu Độ brei thau, gah pato megru jeng dok labaih, kurang di dom môn bac, pakat bac song dom tỉnh, ban. Makna lac, kayua bruk parabha gru pato oh ka njauk tui dom labik . Langiu di nan, dok hu bruk patagok  menuac sia yaok thun, jiak abih dom tỉnh ban oh  brei  pabak  biên chế ka gru pato , dalam tuk dok peih ngak 10% bruk tinh giản biên chế dalam tuk vak anek saih daok tagok rilo …

Kuhria meng harei ini, Mintri Công an meda pabak “tài khoản định danh điện tử” ka rahra piah ngak harak gar tapa web. Tuk bhap bini pandar “tài khoản định danh điện tử” meda abih takik tukvak piah vak brei thau veik dom “thông tin cá nhân” tuk nao ngak harak gar, patrun patakik dom janih harak gar njauk ba tui. Pandar “tài khoản định danh điện tử”, rahra hu khik kandauk thông tin, plaih njauk ngak ja, daong ka dom bruk ngak harak gar hu siam mekre, salamat.

Thành đoàn TP.HCM hu pok meyaom song jao  giải thưởng Phạm Ngọc Thạch ka  80 gru jru ranaih umo  naih gheih di ban raya. Giải thưởng pok brei ka dom urang  hu umo 35 thun trun,  lac  bác sĩ, y sĩ, dược sĩ, điều dưỡng, urang ngak y tế... biak kham merat hu mbaok dalam mbang pacang caga  COVID-19, hu urang jeng F0, hu iek ruak song tong ruak abih, blaoh mai ngak bruk veik di dom sang iek ruak  dã chiến, taong ruak ka urang ruak COVID-19.

Tỉnh Bình Thuận daok jhul samar bruk peih ngak danak dak bruk ngak negar padang ngak palei pala bahrau. Thun ini, tỉnh kham merat  hu gilac 2 xã mek hu angan palei pala bahrau, piah patagok abih tih dom dom xã mek hu angan palei pala bahrau lac 71 dalam 93 xã, saong 5 xã mek hu angan palei pala bahrau paglaong. Gam haong nan, ieu pataom dom prein yava, jien padai meng Trung ương, puk palei saong dom prein khang karei piah peih ngak danak dak haong phun jien tui kuhria lac 1.400 tỷ đồng. Meng nan, daok brei buh jien tame ngak dom danak dak hạ tầng ka nyu samu gauk, siam mekre saong pacang biến đổi khí hậu; patagok kinh tế ngak nong, ngak tabiak pandap panda praong, pandar ilamu công nghệ glaong.

Mesup ni, gah chức năng tỉnh Đồng Nai hu langyah, duah thau makna bruk khuah radaih  đầu kéo di angaok jalan nduac samar TP Hồ Chí Minh - Long Thành - Dầu Giây. Hu thau, tukvak 4 tuk  25 minite mesup ni , 1 radaih đầu kéo, dui tui  rơ-mooc kayua urang peih radaih  angan Đào Đức Thoại daok di  Thái Bình peih, pajeng  3 sruh ô tô con song  3 jamriak yuak  liên hợp, peih di angaok jalan nduac samar TP Hồ Chí Minh - Long Thành - Dầu Giây, tuk tal  km48 di  huyện Thống Nhất, Đồng Nai, nyu khuah tagok. Tapa nan, tong abih radaih  ô tô con, jamriak yuak  liên hợp song 10 lưỡi cày di angaok radaih jeng njauk pui mbang abih

       Gam gam dalam tuk jiak di ni  angaok dom jalan nduac samar  rah tabiak dom mbang khuah radaih  ô tô, gah CSGT dok kham merat pambuak bruk song  Công an dom tỉnh ban  duah tabiak makna, piah hu panuac pathau khan song jalan pacang caga dom bruk  dreih yau nan.

Di mbang nyaom chip ka bruk catang tagok di Nga haong Ucraina, dom urang pan akaok dom taneh ia dalam kapul G7 hu panuac oh njauk hatai haong bruk quân sự di Nga saong ndom lac bruk nan meda ngak trak damak tal bruk sron mbon di dunya, meda yam tapa langiu châu Âu. Panuac ieu taong abih dom gah saong dom taneh ia di dunya lên án bruk ngak nan di Nga dalam khang kadang di abih saong yam takai nao gam haong Ucraina. Gam haong nan, hu panuac ieu Nga brei trun bruk ngak brei catang saong brei ba lin tabiak truh Ucraina.

Cục khí tượng Queensland – Australia, batabiak panuac khan brei thau dahlau ka bruk biak trak damak labik gah  Brak di bang Queensland. Tui kuhria, dom mbang hangin gam tui hajan praong  ba tal ia sua trak, mbuan ngak brei metai lahik bhap bini di ban. . Dalam adit tapa, rilo labik di  bang  New South Wales song Queensland yaok harei hu  hajan  meng  100mm tal  200mm ngak ka ia krong tagok glong, labik pasak ban ine dauk dalam ia sua, rilo jalan nao mai njauk klaih klaoh.

Hãng jru Moderna di Mỹ caong lac jit praong meda lahik abih dalam thun ini, min mboh lac brei klauk vaccine mbang pabak yaok thun di bilan thu anak tal piah daong ka rahra plaih njauk ruak. Cty jeng brei thau lac daok patagok vaccine hu pabak 2 janih, lai srau Spikevax haong vaccine patagok taong ruak Omicron. Janih vaccine bahrau ini, hu maong lac khik caga hu suai lavik anak dom anek ruak karei gauk di virus corona duk haong dom janih urak ini. Tui Yam ndok điều hành di hãng, yaok thun urang umo labaih 50 thun, urang mbuan ruak kayua prein pacang ruak oh daok khang, jeng brei klauk mbang patagok, mbang klauk veik./.

Urang lang: Hanipha- Mousaphuong- 25/2