Rajaei birau patabiak sarak ka bruk jak ba phun jien mesre ODA, brei mesre laba lap di negar langiu saong yaom mesre veik phun jien negar langiu di dom danak  bhum taneran kraong Cuu Long. Tui nan, Rajaei  njuak hatai bruk jak ba hu 2,53 tỷ USD phun jien ODA mesre laba lap negar langiu 16 danak dak cak rok patagok  khang kajap bhum taneran kraong Cuu Long piah caga BĐKH. Rajaei iew Mentri ngak nong saong Patagok palei pala, Mentri Jalan mbak pajeng ba  saong 13 tỉnh, ban bhum taneran kraong Cuu Long brei peih ngak njauk tui bruk ba tabiak, khik brei oh lahik, palai pajua, tham nhũng, tieu cuc saong kein laba tui kapol nyaom; peih ngak dom harak gal pambuak tal bruk đấu thầu, to yaom.

Mesup ini (21/7), di Cần Thơ hu peih Nyaom biai mbaoh tangin tame harak sanya pambuak gauk gah y tế di TP. Hồ Chí Minh haong dom tỉnh, ban bhum ĐBSCL vaktu 2023 - 2025. Nyaom biai brei thau lac pambuak gauk piah khik ka rahra hu pandar dom kỹ thuật chuyên khoa mbuan lagaih jang, samar drah jang, daong patrun patakik menuac metai, paglaong siam mekre raidiuk, trun bruk tapa prein ka dom sang iek ruak praong di TP.HCM; khik kajap bruk pambuak gauk siam dalam iek glang urang ruak chuyên khoa. Dalam nan, iek praong salih số saong padang mạng lưới pacang caga ung thư, ruak tim mach ka abih bhum.

Tamat bruk duah atau talang liet si di xã  Châu Bình, huyện Giồng Trôm, tỉnh Bến Tre meng harei 12/7 mbiah tal ini, gah chức nang kuac rok, pataom hu 121 atau talang liệt sĩ. Urak ini, talang liệt sĩ  hu ba tame Kubo Liệt sĩ  xã Lương Qưới, huyen Giồng Trôm cang ba dar. Dahlau di nan, di thun 2017, gah chức năng kuac mek  hu 3 atau liet si, peih bruk ngak dhi di Nghĩa trang Liệt sỹ tỉnh Bến Tre. Harei 26/3/2023, dua atau talang liet si hu kuac mek saong ba mai dar.

Tal tukvak ini, dom anek saih daok hu 10 harei piah tut angan caong pilih ruah đại học tagok Hệ thống daong bruk pilih ruah di Mintri Pato Megru. Nan ye, Mintri Pato Megru hu panuac kakei, dom anek saih jhui tut angan caong pilih ruah đai hoc di dom harei puac piah plaih bruk gưl mạng. Hadei di tuk tamat bruk tut angan caong pilih ruah, anek saih meda hu 7 harei piah buh jien phí pilih ruah, tukvak meng harei 31/7 tal harei 6/8. Meyah anek saih oh buh jien phí ye hatai caong nan oh hu angan dalam harak angan tame bac di sang bac nan.

Di Nyaom biai “ Jalan langyah alam moi truong patagok khang kajap gah ngak hadang” peih ngak di page ini 21/7 di tỉnh Bạc Liêu, Akok UBND tỉnh Bạc Liêu Phạm Văn Thiều brei thau, ngan haong taneh praong abaih 140 ribau ha, Bạc Liêu lac 1 dalam 3 bhum palei hu taneh saong hadang ralo dang akok negar. Yau nan min, bruk raong hadang patagok ba tal bruk kan kandah gah alam moi truong. Yau yau nan ye tỉnh Bạc Liêu  caong khin dom gah ba tabiak jalan cong nghe langyah alam moi truong, hạ tầng thủy lợi  ba ia tame saong tathuak ia tabiak, dom sarak pachreih D.N, urang raong buh jien padang jam raih hlang ia hacih hu tanut chuan piah duh ka bruk patagok khang kajap gah raong hadang Viet Nam.

Bruk ba Hàn Quốc mai veik “harak angan mbong patih” dom gah pambuak bruk pablei salih dahlau abih di Nhật Bản daok hu ngak tui. Bruk ini brei mboh lac tamat bruk meriak gauk pablei salih dui atah dalam 4 thun di 2 taneh ia, saong peih tabiak jalan pambuak bruk praong jang ka 2 taneh ia Đông Bắc Á ini. Meng bruk ini, tukvak pasang iek, brei harak adat ka dom Cty di Nhật Bản pablei nguyên liệu chiến lược tapa Hàn Quốc hu trun, meng 2-3 bilan trun daok 1 adit.

Truyền thông Mỹ brei thau cảnh sát taneh ia ini duah mboh 12 urang di cư suan hukum dalam thung radaih pajeng pandap praong 16 baoh dalam tuk pagui chap di bang Texas, bhum Trung Nam negar Mỹ. Tuk psang iek radaih, cảnh sát mboh dalam thung hu 10 urang likei saong 2 urang kumei, dalam nan hu sa urang kumei metian. Dom urang ini, jeng lac urang di cu suan hukum, mai meng Honduras, Guatemala saong Mexico. Dalam 3 thun  tapa, Mỹ patauk tabiak labaih 2,8 trieu urang di cư suan hukum di dom labik pabah mbang negar taneh ia ini.

Gah Y tế Dunya (WHO) hu pachreih rajaei dom taneh ia padang  bruk tui iek prein yava ka dom urang mbuan gaok ruak kik kayua pandiak. Tui Gah Y tế Dunya, urang njauk ruak tim mạch, ruak jalan suak yava saong me-ik saradang, kumei metian, uranaih sit saong urang oh hu sang danaok, daok ban glai ban klo lac dom menuac mbuan gaok kan kandah di abih anak dom mbang pandiak ini. Pandiak jeng ngak jhak tal akaok sahneng di dom urang siam mekre, oh njauk dom ruak gah glo akaok. Kayua yau nan ye, Gah Y tế Dunya mboh lac njauk langyah siam lagaih bruk trung hòa carbon, nan lac meng dom khí CO2 tathuak tabiak, njauk patrun dom khí CO2 dreih nan di labik karei./.