Nyaom biai hu ginum biai, taong yaom ka pathau khan bruk ngak KTXH saong bruk dak padang Đảng 6 bilan akaok thun

Bruk kurang jru, jamriak, pandap panda y tế; peih phun jien buh tame ngak dom bruk di karja, song dom danak dak pakat negar, oh ka yau cong khin , lac dom bruk tamuh tabiak, song brei pataom tame pasiam veik, hu batabiak di nyaom biai online rajaei hong dom tỉnh, ban song nyaom biai yaok bilan di bilan 6 thun 2022 ka bruk kinh tế - xã hội bilan 6 song 6 bilan akaok thun 2022, kayua Thủ tướng rajaei Phạm Minh Chính pal akaok hu peih tabiak di harei kabroi. Nyaom biai tong yaom, bruk kinh tế - xã hội 6 bilan akaok thun 2022 mek hu rilo bruk prong di rilo gah, biak hadah hadai njauk caik hatai tal. Dalam negar pasang iek siam jit COVID-19. Tani tanat kinh tế vĩ mô; khik kajap ka nyu samu gauk. Rai duik di bhap bini dak harei dak hu siam tagok

Mesup ini (5/7), mBan Chấp hành Đảng bộ TPHCM mbang XI (tukvak 2020-2025) peih nyaom biai mbang ka 15 peih praong. Tui kuhria, nyaom biai hu ginum biai, taong yaom ka pathau khan bruk ngak KTXH saong bruk dak padang Đảng 6 bilan akaok thun; jalan peih ngak bruk 6 bilan puac thun 2022.Tui UBND TPHCM, dalam 6 bilan akaok thun 2022, KTXH TPHCM daok hu siam veik khang kadang, saong tal harei ini hu tani tanat. TPHCM daok pasang iek hu siam jit ruak, pakhang bruk y tế daok hu ba tabiak ngak, pambuak bruk y tế haong dom bruk, dom jalan ngak karei.

Melam 4/7, di Nhà hát TP.HCM, Sở ilamu Thể thao ban raya hu peih bruk brei thau song pok brei giải thưởng bruk jak ba urang paneh, dàn dựng song pathau khan dom kadha văn học, nghệ thuật ka bruk pacang caga jit ruak Covid-19 thun 2021 ngan song angan “Sa hatai jia tame jayah ”. Peih tabiak di bilan 7/2021 – pak di tuk tabung glong jit COVID-19 di ban raya HCM, bruk jak ba paneh kadha pachreih hu rilo văn nghệ sĩ chuyên song không chuyên dalam taneh ia. Hu 1.877 kadha hu payua mai, Hội đồng chấm giải hu palih ruah tabiak 68 kadha piah jao giải. Dalam nan, văn học hu 10 giải, điện ảnh 4 giải, mỹ thuật 10 giải, nhiếp ảnh 8 giải, sân khấu 11 giải, tamia 7 giải song ragu ragam 18 giải.

Bác sĩ Hoàng Hải Phúc, Phaok Yam ndok dang akaok Pasak pasang iek ruak kik (CDC) tỉnh Đaklak brei thau, pasak daok peih ngak dom bruk njauk tui adat piah palai klaak labaih 70.000 mbang vắc xin caga COVID-19 abih tukvak pandar. Langyah ka makna labaih rilo vắc xin yau nan, ong Hoàng Hải Phúc brei thau, bilan 4 haong bilan 5 meng bloh, kuhria rah tapa yaok harei dalam tỉnh hu jaik 3.000 menuac njauk COVID-19, nan ye urak ini hu rilo rahra oh ginup kadha piah klauk mbang patui di nan. Langiu di nan, daok kayua hatai sahneng di bhap bini lac jit daok ladam trun, saong meneing gauk oh khin klauk kayua huac hu hagait rah tabiak hadei di tuk klauk jru...

Dalam taneh ia, urak ni hu 4.200 labik ngak ia mesin song tui kuhria, yaok thun ngak hu jiak 380 triệu lít. Urak ni, mintri NN-PTNT hu brei adat ka 17 labik ngak ia mesin ginup paka hacih saat pandap mbang , hu pablei tabiak negar langiu di dom drak pasa. Min, ia mesin di Việt Nam pablei tabiak negar langiu bahrau meblah hu 12,6% dom ia mesin ngak tabiak. Rilo angan je ia mesin di Việt Nam oh lac hu takre dalam taneh ia, bo dok hu rilo urang ngak ging di dunya dak harei dak takre pandar piah ngak dom janih ia tuh atau ngak gia vị ka dom pandap mbang karei.

Bruk hu mbaok di 2 biến thể phụ BA.4 haong BA.5 daok ngak ka yaok rituh taneh ia hu menuac njauk COVID-19 tagok meng 10 tal 50% dalam adit meng bloh. Rilo urang ilamu gah dịch tễ mboh lac, meng prein njaom mbak khang, metai lahik glaong, piah diuk haong jit praong suai lavik, dom jalan pacang caga jit brei gam gam hu khik ramik.

Rilo bruk ngak uan harei Quốc khánh 04/07 dalam nan hu dom mbang diễu hành song cuh phao bingu hu peih tabiak di grauk labik dalam taneh ia Mỹ. Di ban ine Washington, Tổng thống Mỹ Joe Biden song duik di ong hu taduan raok sa ribau urang ngak dom bruk praong song menuac di dom sang urang lin di Nhà Trắng. Ni lac bruk prong hu peih ngak tapak camereip abih di Nhà Trắng meng di tuk Tổng thống Biden tagok ngak. Min, bruk chreih chrai di harei lễ nyu trun rilo meng bruk cuh phao tame labik rilo menuac hu mbaok tame bruk diễu hành di bang Illinois dalam harei Quốc khánh Mỹ ngak ka 6 uramg metai song 31 urang njauk rambuac.

Sa tin tặc bahrau khan lac klaik mek hu thông tin cá nhân di 1 tỷ rahra Trung Quốc meng kho dữ liệu di cảnh sát Thượng Hải (Trung Quốc). Dom chuyên gia ndom lac, meyah bruk ini lac biak, ini meda lac sa dalam dom bruk rò rỉ dữ liệu praong abih dalam sajarah./.

Urang lang: M. Phuong & Hani Pha – 05/07