Dalam taneh ia hu 63 hội đồng pakach gam haong 42.293 bilik pakacah

Di var ginum biai oh hu caga dahlau peih tabiak tuk page harei 6/7, UBTVQH brei tapa Sarak ka bruk pasiam tanut jien je khik caga alam moi truong ngan saong xang, menyek, mỡ nhờn, nhiên liệu kapal haok piah rik tame trun yaom dom janih pandap gam hu makna bruk ngak suai lavik gam bruk njauk ngak. Tui nan, jien je Xăng (langiu etanol) trun meng 2.000 đồng sa lít trun yaom 1.000 đồng sa lít; Menyek kapal haok trun yaom meng 1.500 đồng sa lít trun 1.000 đồng sa lít; Menyek diesel  trun  meng 1.000 đồng sa lít trun  500 đồng/lít; Menyek  mazut, menyek  nhờn, mỡ nhờn trun meng  1.000 đồng sa lít trun 300 đồng sa lít; menyek khaih dang tanut jien je 300 đồng sa lít. Gam haong yaom trun biar abih di sarak jien je, Akok QH Vương Đình Huệ caong khin Rajaei samar roh duah dom bruk pambuak tal jien je giá trị gia tăng, jien je blei pandar đặc biệt ngan haong xăng menyek piah pathau khan QH hu jalan langyah lagaih.

Mesup ini  7-7, dom anek saih yam tame mbang pakacah tamat Trung học Phổ thông thun 2022 haong janih pakacah camereip lac Ngữ văn. Dalam taneh ia hu 63 hội đồng pakach gam haong 42.293 bilik pakacah. Harei kabroi hu 989.863 anek saih ngak harak gar tame pakacah, samu 98,75% duk haong abih tih anek saih tut angan tame pakacah. Dalam nan, hu 38 anek saih lac F0. Dom anek saih F0  hu dom labik pakacah brei pakacah di bilik karei.

Tui pathau khan di Sở Y tế tỉnh Bà Rịa – Vũng Tàu, meng bian 4 thun 2022, dalam tỉnh kurang dom janih jru yau ye: jru tê, jru mê, taong ruak suy baoh hatai, taong ruak me-ik saradang saong dom janih jru karei kayua dom sang iek ruak tavak sre tapa tukvak labaih 90 harei yau nan ye dom c.ty oh pablei jru atau pablei biak takik dut saong bruk caga blei di Sở. Langiu di nan, meng akaok thun mbiah tal ini hu 168 bác sĩ, urang y tế  padeih bruk  kayua jien bilan biar yau nan ye kateik trak damah ralo ka dom sang iek ruak dalam bruk bruk taong ruak. Akok UB bhap bini tỉnh Bà Rịa – Vũng Tàu  Nguyễn Văn Thọ hu tacei ba dom gah pambak tal samar langyah  dom kan kandah, tavak tavaiy piah dom labik y tế  tame ngak bruk hu tani tanat.

Thiếu tướng Đinh Thanh Nhàn – Phaok Yam ndok CA TP.HCM – brei thau, tukvak jaik ini, kol tội phạm pachot menuac tapa mạng hu biak rilo saong biak srau kadau. Dalam 6 bilan akaok thun 2021, CA TP.HCM taong tayah hu 1.442 vụ án, cap mek labaih 2.300 urang, dalam nan hu 177 bruk pambuak tal tội phạm pachot menuac, cap mek 50 urang. Thiếu tướng Đinh Thanh Nhàn brei thau, gah tố tụng oh tuk halei ieu rahra payua jien tapa phone, meyah hu thei mek angan, bhap bini njauk samar khan brei CA thau.

Bruk “ tal bac Công an xã” kayua Công an xã Hồng Nam, huyện Hòa An, tỉnh Cao Bằng peih ngak lac sa bruk biak gheih karei dalam bilan hè brei ka urang bac lac uranaih daok di bhum atah bayah. Hu mbaok tame bac, uranaih xã Hồng Nam hu pato pakai ilamu, pasram ngak dom asar kadha yau: Pato ilamu meng kan, ilamu daok dang, bruk ngak di bhap bini, jalan sahaneng yam tapa kan kandah  patagok dalam raidiuk; Hukum Jalan mbak; pacang caga bruk taong paoh gauk dalam sang bac; pasram bruk khik rup eng tuk njauk urang ngak jhak tal rup pabhap, chap; pasram pacang blung ia ka uranaih…Ini lac jalan sahaneng  hadah krah  di urang jakar, urang lin Công an xã Hồng Nam njauk pambak praong, daong uranaih bhum ceik hu bilan padeih hè biak siam mekre salamat.

Sa adit hadei di bruk 53 urang “di cư” metai di gah langiu ban San Antonio, bang Texas, Mỹ, karja jeng oh ka thau cambaih 5 urang dalam dom urang metai nan, lac menuac di taneh ia halei. Tui Hãng tin Reuters, Mexico saong 3 taneh ia Trung Mỹ (lac Honduras, Guatemala saong El Salvador) thau hu quốc tịch di dom urang metai nan. Tui nan, dom menuac di Mexico metai dalam bala nan, cambaih laih lac 26 urang. Karja Guatemala jeng mboh hu 16 menuac di taneh ia drei saong karja Honduras mboh lac hu 6 rahra di drei metai dalam bala nan tapa  dấu vân tay.

Prang harei kabroi brei mai veik taneh ia 51 urang kumei saong uranaih di dom labik kayua Kol IS pacang khik  di  Xy-ri. Tui Jabat công tố pacang khủng bố  negar Prang, mbang mai veik taneh ia mbang ini hu 16 urang kumei, umo meng 22 tal 39 thun saong 35 uranaih. Langiu 2 urang kumei, taong abih lac bhap bini Prang. Ini lac mbang mai veik taneh ia di urang kumei saong uranaih ralo abih di Prang meng dom trại di Đông Bắc Xy-ri kuhria meng hadei tuk kol IS taong lah di bilan 3 thun 2019. Prang hu rilo bhap bini di drei tabiak truh negar tame Kol IS jang taneh ia karei di châu Âu.

440 urang guk nduac truh sa sang guk di ban ine Abuja di Nigeria hadei di tuk kol khủng bố IS jan palai saong ngak srau kadau. Kol IS harei 06/7 hu tabiak panuac khan lac drei jan palai sang guk Abuja. Kol khủng bố Boko Haram nyu ngak bruk nan piah paklah menuac di nyu daok hu kreik dalam guk ini. Mintri Nội vụ Nigeria brei thau, 1 urang an ninh metai saong 3 urang karei njauk rambus. 4 urang guk metai saong 16 urang guk karei njauk rambus dalam bruk jan palai sang guk ini./. 

Urang lang: M. Phuong & Bhumi – 07/07