Thủ tướng ba tabiak dom jalan ngak di nyaom biai 

Mesup ni, di  Hà Nội, Thủ tướng rajaei Phạm Minh Chính hu mbaok di  mbang nyaom biai pakat glong Diễn đàn Doanh nghiệp Việt Nam (VBF) yaok thun ngan saong kadha "pasiam veik  kinh tế song patagok chuỗi pabak pandap dalam tuk siam mekre bahrau ".Nyaom biai lac labik piah ka dom doanh nghiệp brei panuac, ba tabiak dom jalan ngak piah peih ngak sarak  ka 11/NQ-CP di rajaei ka  danak dak pasiam veik saong patagok kinh tế-xã hội; gam haong nan, tacei tabiak bruk di dom jabat khik ramik karja song  doanh nghiệp dalam pasiam bruk buh jien tame ngak mbang, pablei salih, jhul patagok kinh tế tư nhân song rik dong tame bruk patagok khang kajap di Việt Nam.

Akaok UBND tỉnh Bình Thuận bahrau brei pok angan 4 xã mek hu tanut chuan palei pala bahrau di thun 2021 lac: xã Bình An (huyện Bắc Bình), xã Hồng Liêm (h.Hàm Thuận Bắc), xã Hàm Thạnh (h.Hàm Thuận Nam) saong xã Gia An (h.Tánh Linh). Hu thau, meng 4 xã mek hu chuan palei pala bahrau nan, abih tih dom xã mek hu chuan palei pala bahrau dalam tỉnh tagok tal 69/93 xã, meblah 74,2%. Thun ini, dalam tinh kham marat hu viek 2 xã mek hu chuan palei pala bahrau saong 5 xã mek hu chuan palei pala bahrau paglaong.

UBND tỉnh Đồng Nai bahrau mbaoh tangin brei rami ramik bruk pandar taneh pakat huyện tal thun 2030. Dalam nan, tỉnh caik tabiak 17.900ha taneh piah padang ngak dom jalan nao mai pambuak dom puk palei  , abih di nyu nan lac padang ngak dahlau dom jalan nao mai. Tỉnh Đồng Nai urak ni hu rilo danak dak jalan mbak prong  yau mblang kapan haoh  Long Thành, dom jalan nduac samar Dầu Giây - Phan Thiết, Dầu Giây - Tân Phú, Tân Phú - Bảo Lộc, Bến Lức - Long Thành, Biên Hòa - Vũng Tàu, tatua Cát Lái, jalan  Vành đai 3...  

Anak bruk dom labik pablei xăng di TP.HCM padieh pablei, atau pablei takikt dalam tukvak tapa, harei 20/2 Cục Khik ramik darak pasa ban hu pasang iek rilo labik pablei xăng manyek di quận Gò Vấp, Quận 12, Ban Thủ Đức. Di tuk pasang iek, jaik abih dom labik jeng peih pablei tani tanat, hu dom labik padieh pablei kayua xang menyek hu pabak brei takik, oh ka hu pabak njauk tukvak. Cục khik ramik darak ban raya daok patagok bruk pasang iek di dom labik pablei xăng, mayah hu bruk khik padauk piah tagok yaom meda njauk langyah biak catang. Dalam tuk nan, di mbang tacei jalan harei ini, tui kuhria yaom xăng manyek dalam negar meda hu ramik tagok yaom. Urak ini yaom xăng dalam taneh ia daok di tanut glaong di abih dalam 8 thun tapa.

Sở pato megru tỉnh Tiền Giang brei thau, meng harei 21-2, anek saih dom labik pato pakai phổ thông, labik pato pakai thường xuyên, tal bac 1, 2, 5; tal  bac 6 tal tal bac 12, urang bac di dom pasak ngoại ngữ, tin học, pasak pato pakai kỹ năng sống; uranaih mầm non meng umo  5 tuổi thun di dom  labik pato pakai mầm non công lập, tư thục, nyaom uranaih  độc lập hu bac tapak di sang bac. Tui ong Lê Quang Trí, Yam ndoc Sở pato megru tỉnh Tiền Giang, dom labik pato pakai  peih bruk pato song bac tapak brei khik kajap “tanut siam mekre biak glong” tui Bộ tiêu chí tong yaom tanut siam mekre pacang caga jit Covid-19 song brei padang jalan ngak piah pacang caga jit dalam sang bac, abih di nyu nan lac jalan langyah cambaih laih tuk hu urang njom ruak.

Tui pathau khan bahrau, kinh tế Thái Lan hu cak rok patagok jang tui kuhria mboh dahlau dalam quý puac di thun 2021, tuk pablei tabiak negar langiu tagok saong dom bruk dalam taneh ia daok hu pacadu jang yau hu peih pambang gilac ka tuai du lịch. Tanut blei pandar di Thái Lan hu tagok 3,23% dalam bilan camriep di thun birau, glaong jang rilo dut saong jalan ba tabiak di Gilang pariak kanja Trung ương. Bruk pasiam viek di gah du lịch hadei di tuk brei peih pambang meda daong peih ngak veik gah kinh tế. Thái Lan hu raok labaih 230 ribau tuai du lịch dalam bilan 12 thun blaoh, lac glaong di abih kuhria meng di tuk jit praong tamuh tabiak.

Nhà Trắng brei thau, Tổng thống Mỹ Joe Biden njauk hatai ka bruk  peih sa bruk ginum biai song Tổng thống Nga Vladimir Putin meyah  Nga oh taong tame Ukraine. Dahlau di nan, công ty công nghệ Maxar di Mỹ khan lac, dom thaot binguk  vệ tinh brei mboh, dom mbang peih ngak bahrau bruk ba lin song phao ndao di Nga jiak jalan negar Ukraine. Dom thaot binguk brei mboh "rilo bruk peih ngak bahrau angaok mbaok haluk dom jamriak  bọc thép song urang lin" meng dom labik quân sự urak ni tame dom mblang glai song mblang hamu jiak tapen negar  Nga song Ukraine labaih 14-30km.

Rajaei Hàn Quốc brei peih praong bruk pabak jru menyum taong ruak COVID-19 di sang ka dom urang ruak mbuan njom ruak glaong saong hu ruak dahlau dalam rup di umo labaih 40 thun, salih ka umo labaih 60 thun yau dahlau dieh. Urak ini Hàn Quốc daok kham marat peih praong dom jalan khik ramik, pacang caga jit piah khik tani tanat dom bruk ngak yaok harei di xã hội hu peih ngak bo oh gaok kan kandah halei, kuhria gam tuk dom urang njom ruak daok tagok rilo. Hàn Quốc hu 95.362 urang njom bahrau COVID-19 saong 51 urang metai dalam 24 maong tapa./.

Urang lang: Hanipha- Thu Thảo - 21/2