Rilo jalan ngak hu peih tabiak di  nyaom biai

Ủy ban Thường vụ Quốc hội hu brei tapa Sarak ka yaom jien je khik caga alam yau haong xăng, manyek, mỡ nhờn. Dalam nan, meng harei 1/4 anak tal meda trun jien je khik caga alam xăng daok 2.000 đồng/lít; manyek diesel, manyek mazut, manyek nhờn trun 1.000 đồng/lít; manyek gheh trun 700 đồng/lít… hadei di harei 31/12/2022, jien je khik caga alam ngan haong xăng, manyek meda hu mai veik tanut daok pandar urak ini lac 3.800 - 4.000 đồng 1 lít xăng, 2.000 đồng 1 lít ngan haong manyek.

Mesup ni, di Jabat rajaei rah tabiak Nyaom biai tong abih  Ủy ban pakat negar ka dam dara Việt Nam mbang ka sa. Nyaom biai piah pataom iek veik bruk ngak thun  2021, ba tabiak jalan ngak ka bruk dam dara thun  2022; jalan peih ngak danak dak patagok  Việt Nam tuk vak 2021-2030. Tui panuac khan di Tổng cục yaok pataom thun 2021, dam dara  Việt Nam urak ni hu labaih  22 triệu urang, meblah 22,5% menuac urang dalam negar. Bruk dam dara hu ginup bruk ngak dalam tong abih dam dara dalam umo ngak bruk meblah jiak  99%. Bruk dam dara dalam umo  ngak bruk oh hu bruk ngak mboh tagok hasit meng  5% tagok 5,2%.

Hadei di 30 thun padang viek tỉnh, tal urak ini mbaok meta đô thị saong puk palei tỉnh Ninh Thuận dak harei dak hadah hadai, abih di nyu nan lac bhum bhap bini bangsa takik. Kinh tế - xã hội bhum bhap bini bangsa takik hu cak rok patagok taong abih gah. Dom baoh sang kathaot bhap bhap bini bangsa takik trun samar, urak ini daok 14,46%,  jien mek tame tui kuhria sa urang tagok labaih 30 triệu đồng puac thun 2021. Piah paglaong raidiuk di bhap bini bangsa takik, dalam tukvak anak tal mban bangsa tỉnh meda ba jalan ka bruk peih ngak siam lagaih dom sarak bangsa, abih di nyu nan lac danak dak bruk ngak negar ka cak rok patagok kinh tế - xã hội bhum bhap bini bangsa takik saong bhum ceik tui Sarak 88 di Quốc hội.

Tui Cục khik caga phun pala, Tiền Giang lac labik hu mblang taneh phun mbang boh prong  song dom janih boh kayau hu cấp mã số bhum pala, mã số labik tame paok kadung rilo abih dalam taneh ia. Dalam nan, boh kayau di  Tiền Giang rilo meng hu cấp mã số pablei tapa  Trung Quốc song dom drak pasa kan tame hu yau Mỹ, Nhật, Hàn Quốc, Úc song  NewZealand.  Min, ni jeng lac tỉnh hu mã số njauk mek veik rilo di abih. Piah pasiam dom tavak tavaiy ni, dom gah chức năng di  tỉnh njauk patagok bruk pasang iek, khik ramik, kham merat pathau khan piah ka bhap bini thau hu makna praong di bruk cấp mã số bhum pala  song mã số labik tame paok kadung dalam bruk ngak tabiak khang kajap janih pandap boh kayau, abih di nyu nan lac pabak ka bruk pablei tabiak negar langiu.

Piah khik ramik catang bruk pablei salih jru taong ruak Covid-19, akaok UBND tỉnh Cà Mau bahrau peto tacei dom jabat pambuak tal saong UBND dom huyện, ban paglaong bruk mek mau dut iek piah pasang iek chất lượng jru; pasang iek bruk blei tame, pablei tabiak jru taong ruak Covid-19 di dom labik pablei salih jru tavao piah duah thau, pacang caga dom bruk pablei salih lau, bleik saleik dalam pablei salih, pandap ja dalam bruk ngak, pablei salih jru taong ruak Covid-19. Di Cà Mau, jit Covid-19 jeng daok rahtabiak sarau kadhau, harei 22.3, tỉnh hu 3.053 urang dương tính Covid-19.

Jabat mbao chí di  Tổng thống Ukraine brei thau, taneh ia ni hu padang  9 jalan ngak pahla, brei adat ka rahra tabiak truh dom labik rah tabiak meriak gauk song pabak bruk ngak pahla. Dalam tuk nan, Mintri Quốc phòng Nga jeng hu peih dom jalan ngak pahla yaok harei song panduan ba rahra  tabiak truh dom labik dok. Pagam tal bruk ginum biai di Nga song  Ukraine, harei  23/3, Ngoại trưởng Nga Sergei Lavrov hu panuac lac Mỹ khin pacang cakak bruk ginum biai piah padeih bruk meriak gauk dui atah jiak sa bilan tapa.

Hãng jru tavao Moderna di Mỹ kuhria lac meda payua tagok Jabat khik ramik jru tavao saong pandap mbang Mỹ saong châu Âu harak likau adat brei pandar samar drah ka vaccine caga COVID-19 di hãng ini ka ranaih umo ala 6 thun. Moderna ba tabiak bruk ini hadei di tuk klauk iek brei mboh, bruk klauk 2 mbang vaccine liều lượng bier di hãng ini ka ranaih umo ala 6 thun ngak tabiak bruk pacang caga virut lac biak khang, dalam nan hu gam anek kaman. Urak ini, Mỹ hu labaih 18 triệu ranaih umo ala 5 thun di kapul ka oh ginup prein piah klauk vaccine caga COVID-19. 

Tổng Thư ký Liên Hợp Quốc Antonio Guterres bahrau ba tabiak sa danak dak piah ba  menuac urang angaok boh taneh  tame hệ thống brei thau ka langik tasik avar dalam 5 thun tal. Hệ thống nan brei adat tui iek dom bruk di khí quyển tui tuk vak biak angaok tasik song angaok boh taneh, piah pathau khan dom bruk langik tasik anak tal. Dalam meteh abhap tapa, dom bala meng langik tasik pambuak tal khí hậu song ia di dunya, ngak ka  115 urang metai song khat lahiik labaih 200 triệu đô-la yaok harei. Piah patrun dom kan kandah dak harei dak trak damak nan, Liên Hợp Quốc song rilo rajaei dok kham merat mek hu bruk patrun tanut patagok  nhiệt độ ala  1,5 độ C (2,7 độ F)./.

Urang lang: Hanipha- Thu Thảo -24/2