Di nyaom biai, dom taha palei, akaok puk, urang hu angan je hu brei dom panuac rik daong tame piah ka bruk khik ramik saong patagok dom yaom ilamu di dom bangsa hu hu siam lagaih jang, yau ye bruk: dom pakat karja sangka patagok ilamu meng kan di dom bangsa pambuak haong cakrok du lịch bhap bini; brei hu dom sarak, jalan ngak lagaih, daong phun jien piah padang ngak veik dom ilamu meng kan, peih bruk roh duah, khik piah, yaih khan dom janih ilamu, nghệ thuật bhap bini…

Kapul urang kumei TPHCM bahrau peih mbang taom mbaok dom urang kumei dalam kapul saong tadhau ayuh Tet meng kan Chôl Chnăm Thmây di mikva bangsa Khmer. Di danak dak, kapul urang kumei TPHCM hu pok mayaom 49 “kreih camin hadah krah urang kumei bangsa”. Ini lac dom urang hu rilo kham maray, yam tapa dom kan kandah, yam tagok dalam bruk ngak, bac taa saong hu rilo prein yava rik daong tame dalam danak dak di urang kumei dalam ban. Tapa nan, Kapul urang kumei TPHCM jeng hu alin 100 paok pandap ka urang jakar, kapul urang kumei bangsa Khmer daok  dalam ban.

Kapol urang ngak nong tỉnh Bến Tre birau mbaoh tangin tame harak pahadar pambuak bruk haong kenh papar sap papar binguk khởi nghiệp pakat negar saong Kong ty TNHH Truyền thông Live Chanel ka bruk patagok pablei salih so ngan haong dom pandap OCOP di tỉnh. Danak dak piah palong yaom pandap đặc sản di tỉnh, abih di nyu lac pandap OCOP brei tapa bruk pandang thaot binguk meng dom kenh pablei pandap online, danak dak live stream pambak tame dom ứng dụng Youtube, Tiktok…Mbiah tal ini, tỉnh Bến Tre hu 264 pandap OCOP hu ndung bak ilamo siam gheih karei di bhum taneh ini.

Tỉnh Long An hu ginum biai njauk gauk ba tabiak bruk ngak jalan Vành đai 4 TPHCM, labik nao tapa Long An tui jalan ngak lac jalan nduac samar drah hu prein nduac hu ngak lac 100km/h, 4 jalan radaih nduac, mbaok jalan praong 25,5m. Labik padeih takai di dalam huyện Đức Huệ, praong labaih 10ha, dalam nan bilai padeih takai praong labaih 1ha, binah daok veik lac quy hoach pambuak padang ngak dom labik pablei salih, jit vu. Phun jien tái định cư njauk gauk kuhria tame abih tih tanut buh jien tame piah ba tabiak ka Trung ương daong phun jien.

Di tỉnh Bà Rịa - Vũng Tàu langik pandiak khang dui atah, njauk di tuk phun durian tabiak bungu, ndam baoh, nan ye rilo taneh pala durian tabiak bingu oh sumu gauk, rilo baoh meda jruh kayua pandiak. Anak bruk nan, gah ngak nong kakei mikva brei pruh gunup ia ka phun durian. Langiu di nan, pandar pong nerang, dhar hala kayau thu thauk ala vin val gha phun atau abih phun dalam bein piah khik tathah ka taneh. Urak ini, tỉnh Bà Rịa - Vũng Tàu hu labaih  1.300 ha phun durian dom janih pajaih, ralo meng lac durian Ri6, durian Thái, brei paik baoh kuhria rah tapa  meng 6 – 8 tấn sa hecta, kuhria hu jaik 5.000 tấn baoh.

Rahra Ấn Độ harei ini daok ba gauk nao buh phieu dalam mbang pilih ruah praong abih di dunya ngan haong 7 tukvak, dui atah dalam 6 adit. Dom mbang pasang iek brei mboh Ndang Nhân dân Ấn Độ mbuan mek hu rilo phieu di abih, yaom lac daok hu dom cử tri haduh hatai ka bruk lahik bruk ngak, lam phat saong kan kandah di bhum palei pala. Dalam pathau khan di mbang pilih ruah di Ndang Nhân dân Ấn Độ, Thủ tướng Mô-đi brei thau lac dalam 5 thun anak tal, ong meda ba tame neh tame dang ka 3 di gah kinh te dang akaok dunya.

Rajaei Hàn Quốc bahrau ndom lac halan hatian ramik veik bruk patagok dom anek saih hu pilih ruah tame trường y, piah tamat abih bruk  padeih ngak di dom bác sĩ. Bruk pasang iek prein yava daok gaok kan kandah kayua hatai sahneng oh njauk gauk dui atah di Rajaei haong dom bác sĩ ka bruk patagok pilih ruah anek saih tame trường y rilo jang 2.000 urang yaok thun. Harei kaboi, dom akaok khoa trường y hu panuac ieu brei adat ka dom sang bac đại học hu tabiak bruk pilih ruah di drei, yau sa jalan ngak piah mek hu bruk njauk gauk.

Pablei salih nerak suan adat hukum meng châu Âu tal Đông Nam Á daok jeng bruk ngak suan hukum ba mai laba biak glaong, takik njauk bala saong ngak kanjak jhak tal alam môi trường, gah kinh te gam gaong prein yava anek manuac. Pablei salih nerak tachrauk hu jeng lac sa dalam dom bruk ngak suan biak trak damak abih meda ngak kanjak jhak tal alam labik daok. Ủy ban châu Âu kuhria lac 15 - 30% lô pandap nerak tachrauk hu asal meng EU lac suan adat hukum, ngak tabiak yaok tỷ euro jien mek tame meng bruk ngak suan ini yaok thun./.