Bruk diukrai mbuan mbiah, mbuan jaik bhap bini, dom panuac ndom, kakei di Tổng Bí thư njom tame dalam hatai baoh di bhap bini tuk halei mikva Kon Tum jeng hadar kanal miat. Ong A Bát, daok di palei Kon Rờ Bàng 2, xã Vinh Quang, ban Kon Tum, biatr drut drui khan lac: “ Thun 2017 mikva palei ini hu taom gaok tapak Wa Nguyễn Phú Trọng di labik ini, taha palei hu alin brei ka Wa sa blah ao bangsa  mikva pak ini. Wa Tổng Bí thư rivang mikva, Wa chap tangin yaok urang…Tuk mehit Wa plang lahik, khol dahlak biak drut drui, thei jeng anit ranam wa, thei jeng hia”.

Lac urang hu angan je dalam bhum bangsa Ê Đê rilo mbang hu mbaok tame dom bruk ilamo bhap bini di ban ine Hà Nội, Nghệ nhân Ưu tú Ama H’Loan, daok pak puk Ako Dhông, phường Tân Lợi, ban Buôn Ma Thuột, tỉnh Đắk Lắk brei thau, Tổng Bí thư Nguyễn Phú Trọng lac urang pan akaok tuk halei jeng daok jaik, caik hatai tui pang panuac caong di rahra. Meng nan bo dom sarak njauk di Trung ương haong bruk pato tacei di Tổng Bí thư, labik bhum ceik, bhum tapen negar, bhum mikva bangsa takik hu salih mbaok mata, cak rok patagok samar drah. Taha palei Ama H’Loan brei mboh hatai pandik harao tuk Tổng Bí thư Nguyễn Phú Trọng palang lahik saong kham marat yam tapa dom kan kandah ngak tui panuac pato tacei di Ndang, Kanja, dak padang palei pala dak harei dak kaya mada, siam makre jang.

Taong abih 1.100 urang ngak di Kong ty TNHH Kỹ Nghệ pabah mbang  Ý - Á Châu (phường Khánh Bình, TP. Tân Uyên, tỉnh Bình Dương) harei kabroi caik sa minit hadar tal Tổng Bí thư Nguyễn Phú Trọng. Kong ty hu tuan hala dok meteh gheng saong caik thaok binguk di Tổng Bí thư Nguyễn Phú Trọng di labik praong abih dalam bilik ngak bruk. Gah langiu Công ty TNHH Kỹ Nghệ pabah mbang Ý - Á Châu, rilo D.N hu phun jien meng negar langiu dalam tỉnh Bình Dương jeng hu peih bruk pahadar Tổng Bí thư Nguyễn Phú Trọng, hu tauna hala dok meteh gheng saong padeih dom bruk ma-in sambai.

Thủ tướng Rajaei Phạm Minh Chính bahrau mbaoh tangin tame Sarak brei padang ngak Kadung jien taneh ia ba tangin tame palahik sang taik tahak, sang kathaop ka urang kathaot, sang jaik kathaot. Bruk ngak di kadung jien lac taduan mek, ba pandar dom pok jien daong meng jien mbaok atau chuyển khoản di dom kapul nyaom, manuac urang dalam taneh ia saong langiu negar saong dom pok jien njauk adat hukum piah daong ka bruk palahik sang kathaop, sang taik tahak ka sang kan kathaot, sang jaik kathaot ka oh hu daong meng kadung jien kanja tui adat hukum. Gam haong nan, pambuak haong dom jabat, dom kapul nyaom pambuak tal dalam bruk jak ba rik tame, daong kadung jien piah daong ka bruk palahik sang kathaop, sang taik tahak ka urang sang kan kathaot, sang jaik kathaot.

Tỉnh Tiền Giang hu labaih 83.000 ha taneh bein phun mbang baoh. Mbiah tal ini, hu brei 404 mã số bhum pala saong 257 mã số labik papaok baoh kayau pablei tabiak negar langiu, dalam nan hu 155 mã số bhum pala phun durian. Tapa pasang iek, jabat chuc nang  hu duah mboh dom labik hu pandar mã số bhum pala tui adat min oh mboh bruk blei di labik pala yau panuac sanya. Langiu di nan, dom mã số  bhum pala oh ngak tui njuak bruk ba tabiak di negar blei tame.

  Dom taneh ia di dunya daok payua harak thu, dien saong peih ngak Quốc tang Tổng Bí thư Nguyễn Phú Trọng:

Harei kabroi, Jabat Thủ tướng Rajaei Lào hu tabiak harak khan tal abih rahrah Lào ka bruk peih ngak quốc tang meng harei 25-26/7 piah hadar tal Tổng Bí thư Nguyễn Phú Trọng. Dalam tukvak rah tabiak quốc tang brei tual hala dok meteh gheng saong patakik dom bruk ma-in sambai. Kapul lambaok pakat glaong di Ndang – Kanja Lào kayua đong Tổng Bí thư Mban chấp hành trung ương Đảng bhap bini cách mạng Lào, Akaok negar Cộng hòa dân chủ bhap bini Lào Thongloun Sisulith ba akaok meda tapa hu mbaok di ndam lahik ong Tổng Bí thư Nguyễn Phú Trọng di Ban ine Hà Nội.

Tui pathau khan di Mentri Ngoại giao Mỹ harei kabroi, Ngoại trưởng Antony Blinken jaik mai Việt Nam piah hu mbaok dalam ndam metai di ong Tổng Bí thư Nguyễn Phú Trọng pak Hà Nội saong payua panuac klak rabha pandik harao tal bhap bini Viet Nam. Jeng dalam mbang rivang, Ngoại trưởng Blinken daok brei mboh prein khang di talei pambuak bruk abih gah haong Viet Nam. Dahlau di nan, Tổng thống Mỹ Joe Biden hu payua panuac klak rabha pandik harao tal bhap bini Viet Nam saong baoh sang Tổng Bí thư Nguyễn Phú Trọng tuk mehit lac ong plang lahik. 

Thư di Đại tướng Raúl Castro Ruz saong Bí thư ka sa Mban Chấp hành Trung ương Đảng Cộng sản Cuba, Akaok negar Cộng hòa Cuba Miguel Díaz Canel-Bermúdez vak: Kol dahlak likau payua panuac klah rabha pandik harao tal sang di ong Nguyễn Phú Trọng saong rahra Việt Nam adei saai. Dalam tuk pandik harao ini, kol dahlak jeng hadar mbang mai rivang hu makna tal Cuba di ong Nguyễn Phú Trọng di bilan 3 thun 2018 piah brei mboh hatai iek glaong ngan haong ayut saabat di ong saong Urang pan akaok sajarah di Cách mạng Cuba, Fidel Castro Ruz./.