Rilo ragu tamia hu parang iek pak di harei pataom ilamu bangsa Khmer 

Mesup  24/10, Quốc hội ginum biai di hội trường ka hukum iek ruak, tong ruak. Tui Chủ nhiệm Ủy ban Xã hội di  Quốc hội Nguyễn Thúy Anh, hukum hu pabak panuac rik dong di dom urang song  Ủy ban Thường vụ Quốc hội. Abih di nyu nan lac, hukum ni pabak rilo paka pakauk. Dalam nan, dom bruk njauk pakauk lac ngak kan piah mbang jien, pambak tame angan je di menuac urang  dalam bruk ieuk ruak, ba tagok dom khaw tin quy kết ka trách nhiệm di urang ngak bruk iek ruak, labik tong iek ruak, tuk rah tabiak  bruk oh lagaih bo oh ka hu panuac brei thau di jabat hu thẩm quyền.

Mintri ilamu Thể thao saong Du lịch brei thau, Harei pataom ilamu, thể thao saong du lịch bhap bini Khmer Nam bộ mbang ka VIII hu peih tabiak meng harei 6 tal harei 8/11 di Sóc Trăng, hu mbaok dom nghệ nhân, urang daoh, urang tamia, vận động viên bhap bini Khmer 12 tỉnh, ban lac: Sóc Trăng, Bạc Liêu, Vĩnh Long, Trà Vinh, An Giang, Kiên Giang, Hậu Giang, Cà Mau, Tây Ninh, Bình Phước, TP Cần Thơ haong TP.HCM.Harei pataom hu rilo bruk ngak yau ye: nyaom darak peih bruk pablei salih pandap OCOP saong pandap bhum palei; harei pataom mbang huak jalan phố, pakacah dom janih thể thao meng kan, abih di nyu lac daok hu rija Oóc Om Bóc – Pakacah ghe ngo.

Harei  25/10,  Katê thun  2022 tỉnh Ninh Thuận jeng daok hu rah tabiak di dom palei, but pajaih song sang urang Chăm dalam tỉnh. Katê lac adat cambat praong abih  dalam thun di urang  Chăm Bàlamôn, bahrau hu peih tabiak di mblang bein  palei  Hữu Đức, xã Phước Hữu, huyện Ninh Phước di beir harei kabroi. Thun ni, Katê hu peih tabiak dalam  3 harei meng harei  23-25/10, tui adat cambat meng kan di dom labik bimon, kalan Chăm yau bimon Pô Inư Nưgar, bimon Pô Klong Garai; kalan Pô Rômê, lac tuk piah ka urang Chăm atah palei mai veik puk paga taom gauk. Urang Cam tui agama  Bà lamôn di  Ninh Thuận urak ni hu labaih 53.700 urang.

Piah dui pachreih rilo tuai nao mai meng radaih pasei, Cty cổ phần pajeng ba jalan pasei Sài Gòn daok peih danak dak khuyến mãi “4.600 harak vé trun yaom 30%” dalam bilan 11/2022 di taong abih dom kapul radaih kayua Cty khik ramik. Tukvak pablei harak vé meng mon 8 mesup harei 28/10 tal abih harei 27/11/2022, brei ka tuai blei harak vé dahlau meng 3 harei radaih peih, ngan saong dom toa, dom labik hu papan ndih saong khage daok lamin hu tacei tabiak cambaih laih. Langiu di nan, dalam bilan 11 haong bilan 12/2022, gah jalan pasei peih bruk trun yaom abih bilik, abih toa, haong yaom trun meng 10% tal 15%.

Sang bac Tiểu học B Vĩnh Hội Đông (huyện An Phú, An Giang) urak ni hu  64 anek saih dok dalam bhum njauk ia dauh pacang cakak, hu labik dauh dalam jiak  2m. Meng akaok thun bac, UBND xã Vĩnh Hội Đông hu peih  3 mbang raok  64 adei anek saih hu nao bac siam mekre. UBND huyện An Phú tacei ba ka jabat pato pakai pambuak bruk song  Jabat  Lao động - Thương binh song  Xã hội huyện gam song dom sang bac vak angan anek saih dalam bhum dauh ia, parabha menuac urang  peih gaiy atau  võ lãi mai tal sang ba dom adei. Yaok thun dalam tuk vak ni, labaih meteh anek saih di sang bac njauk klaih klaoh bruk bac daa, kayua nao mai kan kandah.

Mỹ, Prang saong Anh hu tabiak panuac haong gauk ka U-krai-na, brei mboh lac daok khang hatai daong an ninh, kinh tế saong nhân đạo, jeng yau dom kham merat piah khik caga taneh ia Ukraina. Panuac ba tabiak haong gauk nan jeng brei mboh akaok mintri quốc phòng 3 taneh ia hu dom mbang ndom biai tapa phone haong akaok mintri Quốc phòng Nga Séc-gây Soi-gu (Sergei Shoygu), tah klaak panuac di Nga lac U-krai-na daok caga pandar “bom bẩn” angaok taneh ia di drei.

Meng hadei di tuk  Triều Tiên cuh10 boh suik praong tabiak bhum tasik  gah pai negar ni piah cagar veik dom mbang cuh  cảnh cáo di  Hàn Quốc, Hội đồng Tham mưu trưởng liên quân Hàn Quốc (JCS) harei ni  (24/10) hu panuac chỉ trích dom bruk ngak di  Triều Tiên song brei thau dom boh suik phao di Triều Tiên oh laik trun bhum tasik di  Hàn Quốc. Dahlau di nan, JCS brei thau lac hu pateok sa kapan pablei salih di  Triều Tiên hadei di tuk kapan ni yam tapa jalan tapen negar  gah brak Hàn Quốc.  

Thun ini, Lễ hội That Luang – harei pataom ilamu Phật giáo praong abih di Lào hu peih tabiak meng harei 4-8/11. Tui UBMT Lào dak padang taneh ia ban ine Vientiane, bruk peih ngak lễ hội mbang ini piah khik ramik saong patagok dom yaom glaong ilamu siam mekre meng kan mai di rahra Lào, saong piah pasiam veik kinh tế hadei di jit praong Covid-19 tapa dom bruk pachreih, pabak du lịch saong pablei salih. That Luang lac sa dalam takik baha di dunya daok khik hu xá lợi di Phật Thích Ca Mâu Ni, hu padang ngak di thun 307 dahlau Công nguyên./.

Urang lang: Hanipha- Mousaphuong -24/10