Jalan hu peih prong ka urang peih radaih 

MIntri Jalan mbak pajeng ba bahrau hu harak caong Thủ tướng Rajaei mbaoh tangin brei ngak bruk buh jien tame danak dak padang ngak jalan cao tốc Dầu Giây - Tân Phú (tukvak 1) tui jalan công tư pambuak gauk. Jalan ini atah abih tih 60km, hu 4 jalan radaih nduac, labik akaok jalan pambuak haong jalan roya 1, lac labik jhung jalan cao tốc TPHCM - Long Thành - Dầu Giây (di labik xã Xuân Thạnh, huyện Thống Nhất, tỉnh Đồng Nai); labik puac pambuak haong QL20 di labik xã Phú Trung, huyện Tân Phú, tỉnh Đồng Nai, pambuak pagam haong danak jalan cao tốc Tân Phú - Bảo Lộc.

Piah peih bruk patak pataom, pacang palai pajoa song patagok siam lagaih bruk pandar tapuk giáo khoaAkaok mintri pato megru bahrau hu harak ieu tacei dom  Sở pato megru pato tacei dom labik pato pakai oh hu jak ba anek saih  atau amaik ame di anek saih blei xuất bản phẩm langiu  angan tapuk  giáo khoa; oh peih bruk ngak danh mục, đóng gói jeng bộ tapuk  giáo khoa gam tapuk  bài tập, tapuk duah thau song dom  tài liệu karei , langiu  tapuk  giáo khoa piah anek saih, amaik ame blei. Gam song nan, dom  Nhà xuất bản hu  tabiak tapuk giáo khoa brei hu jalan patrun  yaom tapuk  giáo khoa dahlau di tuk patabiak atau tái bản.

Tui yaok pataom, Bình Dương hu jaik 1 triệu 200 rabau urang ngak, dalam nan hu labaih 972.000 urang hu blei BHXH bắt buộc. Langiu dom doanh nghiệp, đơn vị ngak njauk adat gah BHXH, jeng daok hu dom labik ngak suan. Tui nan, Bình Dương hu 23 doanh nghiệp oh khin đóng BHXH ngan haong yaom jien yaok piluh tỷ đồng, jabat BHXH tỉnh Bình Dương hu payua harak tapa gah Cong an pasang iek, langyah.

Sở Y tế TPHCM bahrau patabiak tacei pato di anak meta bruk pasang iek pacang caga ruak đậu mùa khỉ. Tui nan, tacei pato, pasang iek  langyah  “urang medhi” song  “urang meda njauk ruak” tui 4 jalan, dalam nan hu: pasang iek ; duah thau khaw  tin ka dịch tễ; tacei pato “urang medhi”, “urang meda njuak ruak” ngak njauk tui dom jalan pacang caga jit; dut iek “urang meda njauk ruak” song khan brei thau. Meyah lac dương tính song ruak đậu mùa khỉ, urang ruak brei dok karei, iek ruak di sang iek ruak Bệnh nhiêt đới ban raya HCM.

Tok kuhria meng bilan 5 tal urak ini, Sang iek ruak uranaih Cà Mau hu taduan saong taong ruak ka labaih 60 ranaih njauk ruak tamgin, takai, cambuai.  Bác sĩ chuyên khoa I Bùi Kim Đắng, Akaok Khoa ruak njom mbak Sang iek ruak Sản Nhi Cà Mau hu panuac lac, tuk mboh ranaih njauk laka cambuai, ndaih baoh ia, pandiak glaong suai thit gam haong bhian tatuak drei, var drei jar, tangin takai laar, baoh hatai magei samar njauk nao tal labik iek ruak jaik di abih. Dahlau di nan, akaok UBND tỉnh hu ieu Sở Y tế pambuak haong dom kapul hu pambuak tal samar drah duah dom sruh jit bahrau tamuh, pacang cakak, langyah chip sruh jit tuk hu mboh.

Mesup ni, Quốc hội Lào mbang IX peih mbang nyaom ka 3. Di mbang nyaom dom urang Quốc hội hu ginum biai song brei tapa  dom bruk prong  di taneh ia dalam nan hu pathau khan di Thủ tướng rajaei  ka bruk peih ngak jalan patagok kinh tế xã hội, kadung jien karja, bruk jien padai 6 bilan akaok thun song  6 bilan puac thun 2022 ; pathau khan di rajaei  ka bruk peih ngak  2 danak dak ginum biai  pakat negar , langyah dom kan kandah gah  kinh tế - jien padai song jru phien. Mbang nyaom peih tabiak meng ni tal abih harei  08/07 di ban ine  Vientiane.

Thủ tướng Palestine Mohammed Ishtaye hu panuac ieu padang 1 mặt trận dunya piah kateik greik Israel padeih bruk meblah mek dom bhum taneh di Palestine, gam haong bruk khik caga dua taneh ia. Thủ tướng Ishtaye ndom lac bruk padang sa mặt trận dunya piah kateik greik Israel hu makna biak praong, ieu Thụy Sĩ saong dunya tagok bruk pacap Israel ngak njauk saong iek glaong dom sanya hòa bình hu mbaoh tangin blaoh, padeih dom bruk ngak suan di bhum taneh Palestine. Liên minh châu Âu (EU) kuhria buh phieu ka bruk pambuak veik bruk daong ka Palestine di harei ini.

Khaw  tin meng rajaei  Malaysia brei thau, negar ni dok kurang takik di abih 1,2 triệu urang ngak gah sản xuất, đồn điền song padang ngak. Bruk kurang urang ngak, daok ngak ka dom  công ty Malaysia dalam gah đồn điền dầu cọ, ngak tabiak janih  bán dẫn oh taduan dom harak  đặt hàng tagok tal yaok tỷ đô la Mỹ. Bruk kurang dak harei dak trak damak jang, kayua cong hu urang ngak patagok, tuk dom bruk pacang caga jit prong  Covid-19 dak harei dak hu yah klak./.

Urang lang: Hanipha- Thu Thảo -13/6