Mintri Jalan mbak pajeng ba bahrau hu harak pathau khan payua tagok Thủ tướng Rajaei ka bruk brei tapa rami ramik jalan buh jien tame danak dak tatua Rạch Miễu 2 pambuak tỉnh Tiền Giang saong Bến Tre. Mintri jalan mbak pajeng ba hu likau tanut taong abih buh jien tame danak dak tagok tal labaih 6.800 tỷ đồng, tagok labaih 1.600 tỷ đồng dut saong jalan ngak hu brei tapa dahlau di nan. Di makna tagok phun jien buh tame, Mintri jalan mbak brei thau lac, dalam bruk pasang iek kuhria yaok pataom, brei tapa yaom biyar jien bồi thường saong pandar yaom brei mboh lac, phun jien biyar bồi thường, daong ba saong tái định cư gaok kan kandah praong, ngak tagok labaih 1.964 tỷ đồng, ba tal bruk taong abih tih phun jien buh tame hu brei ngak di danak dak. Danak dak tatua Rạch Miễu 2 hu peih ngak meng harei 29-2-2022. Kuhria tal tukvak urak ini, dom bruk padang ngak di paok thầu di danak dak buh jien tame padang ngak Rạch Miễu 2 mek hu jaik 300 tỷ đồng, mek hu labaih 9% yaom harak hợp đồng.

Tỉnh Đồng Nai urak ini daok gaok rilo kan kandah , tavak tavaiy dalam tuk peih ngak dom danak dak yau ye mblang kapal haoh Long Thành, cao tốc Biên Hoà-Vũng Tàu, Bến Lức-Long Thành, jalan Vành đai 3 – TP HCM. Dalam nan, cao tốc Biên Hoà-Vũng Tàu labik tapa Đồng Nai atah labaih 34km; jalan Vành đai 3-TP HCM labik tapa Đồng Nai atah labaih 11km. Piah peih ngak 2 danak dak nan, tỉnh brei mek veik taneh di labaih 4.000 sang, dalam nan hu yaok rabau sang brei ramik labik daok bharau. Tal urak ini, bruk peih taneh piah ngak daok suai damuai, dom puk palei oh ka ngak salah bruk tabiak harak brei thau ka bruk mek veik taneh, rilo labik tái định cư oh ka hu padang ngak.

Kapul pambuak bruk Khik caga langik tasik dunya (IUCN) pambuak haong tỉnh An Giang, Đồng Tháp, Long An peih ngak danak dak “padang ngak dom bruk tagok yaom khang kajap dom pandap panda meng talei caraih di Việt Nam piah daong ka jalan ngak khik piah ia sua di bhum ĐBSCL”. Danak dak hu peih ngak dalam 3 thun (2023 – 2025). Dalam, danak dak pabak daong jien padai, ilamo saong pasram ka urang nong pala dom bruk mbang ngui pamaong tame caraih, tagok mblang taneh di bhum khik piah dalam bilan ia sua saong padang ngak chuỗi giá trị khang kajap ka dom pandap ka talei caraih meng bruk daong ba pambuak haong darak pasa saong paglaong bruk mbang ngui ka urang pala caraih saong dom urang kumei ngak bruk thủ công di dom palei manyim meng kan.

67 triệu uranaih di dunya, dalam nan hu jaik 250.000 uranaih Việt Nam klaak tapa sa atau rilo mbang vaccine dalam labaih 3 thun jit COVID-19. Việt Nam daok dalam 20 taneh ia hu uraniah oh hu klauk vaccine mbang halei rilo abih di dunya. Urak ini, dom tinh ban oh daok vaccine 5 dalam 1, vaccine yau sởi, DPT abih mbong di dom tinh ban, meyah daok jeng tok ginup piah klauk tal bilan 7. Anak bruk ini, Thủ tướng Rajaei hu ieu Mintrei Y tế pambuak bruk haong Mintri Jien padai peih bruk to yaom dom janih vaccine saong parabha vaccine viện trợ ka dom tỉnh, ban.

Tui Mban khik ramik Salamat pandap mbang TP Hồ Chí Minh, 15 mẫu hu bánh mì, chả lụa lmek meng pandap mbang labaih di urang ruak saong labik ngak jeng mboh âm tính, oh duah mboh vi khuẩn C. botulinum. Urak ini ka oh mboh cambaih asal njom mbak jru mek botulinum ka dom urang ruak bahrau blaoh lac meng halei. Dahlau di nan, 3 uranaih di ban Thủ Đức njauk jru mek botulinum, tok thau lac dom adei hu mbang bánh mì chả lụa. Tuk pasang iek labik ngak chả lụa, jabat chức năng hu brei thau lac labik ini ngak bruk oh hu harak adat saong ieu  brei padeih ngak. Gam haong nan, mek mẫu chả lụa meng labik ngak, mẫu pandap mbang labaih di dom urang ruak ba nao dut iek.

Dom taneh ia dalam Kapul ngak kong patagok G7 meda taom gauk ginum biai di adit tal piah sahneng kuhria dom bruk bo dom công cụ trí tuệ nhân tạo (AI) yau ChatGPT  daok caik tabiak urak ini. Akaok Mintri Truyền thông Nhật Bản brei thau, dom urang dang akaok dom taneh ia meda pataom tame ginum biai dom bruk yau khik caga quyền sở hữu trí tuệ, thông tin suan saong jalan khik ramik công nghệ…. Lac taneh ia chủ tịch di G7 thun ini, Nhật Bản meda ba jalan ginum biai di G7 ka bruk pandar công nghệ trí tuệ nhân đạo tui jalan sahneng duah bahrau siam mekre saong hu trách nhiệm.

Dalam dom harei jaik di ini, rahra di ban Vũ Hán, Trung Quốc daok hu ba drei tame sa janih jalan mbakbahrau biak chreih chrai, nan lac radaih pui tuan di mangaok glaong. Radaih pui hu tuan di mangaok glaong hu nduac tự động, oh hu manuac peih. Ini lac dom radaih pui di mangaok glaong eng drei nduac camriep abih duh ka jalan mbak ka rahra di Trung Quốc. prein nduac glaong di abih di radaih pui lac 60 km/h. Sàn radaih pui hu ngak meng kreih camin hadah, ba mai meta maong gheih makre ka tuai damuai ba drei tame janih radaih bahrau ini. Radaih pui bahrau ini daok  hu pok meyaom saong lagaih haong jalan cak rok patagok ban thông minh di Vũ Hán.

Nam Phi khan lac, jit aih craoh tamuh tabiak di tỉnh Gao teng ngak brei 21 urang metai. Anak bruk ini, karja Nam Phi hu panuac kakei bhap bini caik hatai sangka jang. Tui urang jakar y tế, hu 100 urang tame sang iek ruak kayua aih craoh, pandiak tung saong taglaoh ta-ok. Tapa dom dut iek mboh lac,  takik di abih hu 41 urang njauk ruak. Tui WHO, jit aih craoh daok njaom mbak samar dalam tuk bhap bini oh hu ginup bruk vệ sinh saong kurang ia menyum.