Urang ngak hu taduan jien dong piah pah sang dok

Mintri Lao động - Thương binh saong Xã hội bahrau hu harak pathau khan Thủ tướng Rajaei brei patabiak adat ka bruk peih ngak sarak daong jien pah sang ka urang ngak. Dalam nan 2 nyaom urang hu mbang jien daong, lac urang daok ngak bruk dalam dom doanh nghiệp saong urang ngak mai ngak gilac veik. Yaom daong dom urang daok ngak bruk lac 500.000 đồng sa urang sa bilan (rilo di abih lac 3 bilan).Yaom daong ka dom urang mai ngak bruk gilac veik lac 1 triệu đồng sa urang sa bilan (rilo di abih lac 3 bilan).

Dalam thun ni, huyện Châu Đức, tỉnh Bà Rịa Vũng Tàu kuhria buh tabiak meng kadung jien karja  jiak  94 tỷ đồng ka dom danak dak patagok tong abih  gah kinh tế - xã hội bhum  bangsa takik. Dalam nan, pataom tame dom bruk: y tế, krong ribong, ia hacih, jalan mbak, sang dok…Dalam thun 2021, huyện Châu Đức hu buh tabiak labaih 20 tỷ đồng, peih ngak  9 danak dak cơ sở hạ tầng, pabak ka bruk ngak mbang, ngak huak di bhum urang bangsa takik; khik ramik song patagok ilamu meng kan di bhap bini bangsa takik. 

Meng harei paguh ( 24/3) tỉnh Đồng Nai meda brei patakik bruk nao mai angaok kraong Thị Vải labik nao tapa xã Phước An, huyện Nhơn Trạch piah duh ka bruk padang ngak tatua daok dalam paok thầu A7, danak dak jalan cao tốc Bến Lức - Long Thành.  Danak dak jalan cao tốc Bến Lức - Long Thành hu padang ngak di akaok thun 2015, atah jaik 58km nao tapa 3 tỉnh lac: Đồng Nai, Long An saong TP.HCM. Tui bruk ba tabiak tuk camriep, danak dak meda ngak salah di thun 2020, min kayua dom kan kandah ka phun jien, tal urak ini danak dak bahrau ngak hu labaih 80%  dom bruk di nyu.

Dalam 2 harei lac harei kabroi song harei ni, yaom taneh di  xã Tân Lợi, huyện Đồng Phú, tỉnh Bình Phước gam gam tagok havil akaok, rilo urang ngak mbang di dom tỉnh dok jiak tapen tuh mai duah blei taneh . Yaom taneh tagok samar , lac kayua mehit lac tỉnh Bình Phước daok hu panuac likau Thủ tướng pasang iek, mbaoh tangin brei ngak danak dak peih prong  jalan ĐT753 song padang tatua Mã Đà (xã Tân Lợi) pambuak song  tỉnh Đồng Nai nao mblang kapan haoh dunya  Long Thành song pabah lamnge  Cái Mép - Thị Vải. Karja pak ni hu panuac kakei tal bhap bini rahra  song gah đầu tư caik hatai sangka tuk pablei salih taneh  kayua bruk nan oh ka cambaih laih.

Dah page ini, di sang chung cư Carillon 5, jalan Lũy Bán Bích, phường Hòa Thạnh, quận Tân Phú (TP Hồ Chí Minh) rahtabiak mbang khuah ngak ka 2 urang metai. Makna di bruk khuah daok hu Công an quận Tân Phú pasang iek ngak brei cambaih laih. Tui gah chức năng, jaik abih dom bruk khuah praong ba tal khat lahik trak atau ngak brei metai menuac dalam tukvak tapa jeng rahtabiak di tuk melam, tuk bhap bini daok ndik. Cảnh sát pacang khuah padam khuah hu kakei bhap bini paglaong hatai sangka piah pacang caga khuah, patuh, njauk pasang iek talei điện, dom pandap điện, abih di nyu nan lac tuk melam dahlau di tuk nao ndik.

  Tui blah Bưu điện Jerusalem harei 22/3, Thủ tướng Israel Naftali Bennett brei thau, mboh hu dom siam lagaih dalam bruk mesruh gauk di  Nga-haong Ukraine tuk  Nga oh duah jalan salih Tổng thống Ukraine song  "phi quân sự hóa" tong abih  Ukraine, gam song nan Ukraine jeng taduan lac "oh meda tame hu NATO". Urang brei panuac di  Điện Kremlin jeng ndom lac mbiah tal urak ni, dom bruk ginum biai oh ka hu siam lagaih halei praong, kayua yau nan ye, Tổng thống 2 taneh ia oh ka hu  thỏa thuận halei brei tapa. Gam song nan, sa mbang tra ndom lac meblah mek Ukraine oh lac jalan ngak di Nga.

 Vaccine caga COVID-19 di hãng jru Novavax hu jabat pasang iek jru tavao Ấn Độ brei adat pandar chip dom urang umo meng 12-17 thun. Ini lac mbang brei adat camriep abih di dunya brei pandar janih vaccine ni ka dom urang umo meng 12-17 thun. Novavax brei thau, vaccine di hãng ba mai kein laba 80% dalam bruk pacang caga COVID-19 dalam mbang klauk iek tukvak puac di 2.247 ranaih meng umo 12-17 thun. Kayua yau nan ye, Covovax lac janih vaccine caga COVID-19 ka 4 hu brei adat klauk ka ranaih meng umo 12 thun tagok di Ấn Độ.

Meng akaok thun ni, bang California, Mỹ ba tabiak adat lac tong abih pandap mbang song dom phụ phẩm labaih brei ngak veik, oh brei dar yau dahlau deih. California batabiak bruk lac ngak veik hu 75% dom pandap mbang labaih song  phụ phẩm meng bruk ngak pandap mbang yaok harei  di  bang ni. Tui jabat khik caga  môi trường Mỹ, hu tal  40% dom pandap mbang pablei dalam negar ni njauk tuh klaak kayua labaih. Tuk dar , nyu ngak tabiak labaih  15%  dom khí metan par tabiak  di dalam negar Mỹ./.

Urang lang: Hanipha- Thu Thảo- 23/3