Mintri ngak nong saong patagok palei pala bahrau hu Sarak ka bruk peih ngak Tết Nguyên đán thun sak Rimaong 2022. Asal kadha di Sarak ieu kakei dom gah di Mintri, Giám đốc Sở ngak nong saong patagok puk palei dom tỉnh, band di Trung ương peih ngak khang dom bruk pasang iek darak pasa dalam taneh ia, abih di nyu nan lac bruk hacih saat pandap mbang di dom darak đầu mối kaya nong, labik pablei salih pandap mbang, njam patam, baoh  kraoh pabak ka Tết; langyah ka dom bruk ngak suan piah khik tani tanat chất lượng, salamat hacih saat pandap mbang pabak ka caong pandar dalam tuk Tết Nguyên đán. Tui iek catang bruak pabak pandap saong bruk blei pandap pandar yaok harei dalam tuk Tết piah hu jalan langyah ka nyu samu piah oh caik rah tabiak bruk kurang pandap, tagok yaom.

Pagam tal bruk brei mesre, bảo lãnh dự thầu ka dom doanh nghiệp đấu thầu 4 labik taneh di Thủ Thiêm ban raya HCM, Cục Thanh tra, pasang iek gilang pariak  II (di jabat Thanh tra, pasang iek gilang pariak – Gilang pariak karja brei thau -, dom gilang pariak thương mại oh brei mesre ka  4 doanh nghiệp ngak mbang gah sang danaok taneh riya hu mbaok tame to yaom, mek hu quyền pandar taneh di  Thủ Thiêm. Urang pal akaok gilang pariak karja  ndom lac: brei pasang iek catang jang bruk brei mesre tame ngak mbang gah sang danaok, taneh riya, chứng khoán song trái phiếu doanh nghiệp. Daok bruk brei mesre piah ngak mbang gah sang danaok piah pabak hatai khin biak biai di bhap bini hu brei mesraiy dahlau saong mesraiy song yaom laba mbiah, lagaih.

Mintri Y tế hu harak payua tal jabat Rajaei ka bruk cuh phao bingu saong dom bruk pacang caga jit dalam tuk Tết Nguyên đán thun sak rimaong 2022. Tui nan, piah khik tani tanat bruk pacang caga jit Covid-19, abih di nyu nan lac dalam tuk Tết, Mintri Y tế ieu kakei dom tinh, ban siam di abih lac oh peih bruk cuh phao bingu, mayah cuh njauk khik kajap bruk ngak tui  5 paka di mintri y te, oh pataom rilo manuac vil val labik cuh phao bingu.

Melam  17/1, Sở ilamu song  Thể thao ban raya  Hồ Chí Minh pambuak bruk song  Cục Nghệ thuật biểu diễn peih bruk tamat Harei pataom  kịch nói pakat negar  2021 di ban raya  Hồ Chí Minh. Hu 20 kapul  song 26 kadha hu mbaok tame, Harei pataom kịch nói mbang ni brei mboh bruk kham merat biak prong di  sân khấu gah merong, hatai anit bruk ngak di rilo rai diễn viên tuk halei jeng cong mong, sahneng thau bahrau, yaom lac gaok kan kandah kayua jit ruak COVID-19. MBan peih bruk hu jao  40 Huy chương meh, 46 Huy chương pariak  ka dom  nghệ sỹ, diễn viên hu mbaok tame harei patom.

Yaom lac daok sa adit tra meng tame tuk tabung glaong paik bingu Tết Nguyên đán thun sak rimaong min urak ini yaom dom janih bingu cúc cacak dhar di ban Đà Lạt (Lâm Đồng) daok tagok ngak ka dom po bien biak bui sambai chrieh chrai. Abih di nyu nan lac dut saong tukvak tabung glaong paik bingu ka tuk ia bilan bak baoh bilan Mat meng blaoh, yaom binhu cúc tagok jang meng 5.000 – 7.000 đồng sa paok saong hu yaom meng 20.000 – 25.000 đồng sa paok. Dom po bien brei thau, makna ngak ka yaom bingu cúc tagok aval yau urak ini meda lac kayua mblang taneh bingu trun tuk dom po bien pala hasit kayua huac di jit ruak, bingu oh pablei hu.

Tui khaw tin bahrau abih, urang metai dalam mbang megei boh taneh  di gah pai Afghanistan harei  17/1, urak ni tagok jang 2 mbang, lac 26 urang. Mbang megei boh taneh ngak khut tayah rilo sang bhap bini di  huyện Muqr. Afghanistan bhian dang anak dom mbang megei boh taneh, abih di nyu nan lac di ceik Hindu Kush, dok jiak canah klauk jalan tapen negar Á-Âu song  Ấn Độ. Megei boh taneh ngak khut biak rilo kayua dom danak dak song dom boh sang di negar  Nam Á ni hu padang ngak oh khang kajap .

Dom urang ngak praong di Kadung jien uranaih Liên Hợp Quốc (UNICEF) brei thau, dom taneh ia kan kathaot dalam bilan dahlau oh tanduan labaih 100 triệu mbang vaccine caga COVID-19 di danak dak daong vaccine dunya COVAX, abih di nyu nan lac tukvak pandar daok biak katut. Taphia di nan, dom taneh ia kan kathaot jeng brei padieh viek bruk jao brei vaccine kayua oh ginup labik khik piah, dalam nan hu bruk kurang tu laar khik piah vaccine. 

  Trung Quốc hu tabiak harak brei thau lac oh peih pablei vé Thế vận hội bilan brak tabiak bhap bini  kayua jit ruak. MBan peih bruk tok brei adat ka dom urang hu harak da-a atau hu tacei brei hu mbaok tame Thế vận hội. Jeng tui harak brei thau nan, urang mai hu mbaok maong iek brei ngak catang tui dom bruk pacang caga jit dahlau, dalam song hadei di dom mbang pakacah.  Urak ni, oh ka thau cambaih dom urang mai maong iek hu palih ruah yau habar song dom urang nan brei dok karei dahlau atau hadei di tuk hu mbaok tame halei oh./.

Urang lang: Thu Thao & H.Pha – 18/1/2022