Mintri pato magru brei thau, bruk pilih ruah anek saih tame đại học thun 2023 meda hu khik tani tanat yau thun 2022. Mintri oh patabiak adat pilih ruah bahrau min meda hu dom rami ramik gah ilamo, giao diện… mangaok phần mềm di Hệ thống pilih ruah. Tapa nan, piah daong siam jang ka bruk pilih ruah di dom labik pato magru saong anek saih dalam tuk pilih ruah; patakik di abih bruk maluk. Urak ini, dom sang bac đại học daok taduan harak gar tut angan pilih ruah tui jalan xét học bạ Trung học Phổ thông, pilih ruah karei saong meda pathau khan kết quả pilih ruah aval.

Piah daong urang ngak duah hu bruk ngak birau, tani tanat raidiuk meng hadei Tet tal ini, Trà Vinh duah hu bruk ngak birau ka labaih 1.400 urang ngak di dom công ty, doanh nghiep dalam saong langiu tỉnh. Langiu di nan, daok hu 159 urang ngak hu ba nao ngak bruk di negar langiu hu tukvak. Tui So LĐ, TB saong XH Trà Vinh, urak ini tỉnh daok hu 800 urang ngak hu ngak bloh harak gal, nao ngak bruk di negar langiu dalam thun ini, dalam nan hu labaih 400 urang ngak hu brei thau harei ndik kapal haok dalam bilan 2 saong bilan 3 ini.

Tui Liên đoàn Lao động TP.HCM, kuhria mboh dahlau lac bruk ngak mbang, pablei salih di doanh nghiep daok gaok kan kandah, bruk ngak takik tal abih quý 1, meda tapa quy 2 thun ini, ba tal bruk rilo urang ngak kurang bruk ngak, lahik bruk ngak, ngak brei kan kandah khang tal raidiuk. Kayua yau nan ye, dom pakat công đoàn ban brei duah thau cambaih bruk piah hu jalan daong samar drah. Gam haong nan, daok hu mbaok tame ndem mayai nao mai haong dom urang pandar urang ngak, padang dom jalan ngak, patakik di abih bruk brei urang ngak padeih bruk.

Meng akaok bilan 2, ia njom mbak tagok samar di bhum taneran kraong Cuu Long haong độ mbak glong saong aval jang rilo thun tapa. Kayua hu ramik caga dahlau nan ye gah ngak nong jeng yau bhap bini dom bhum palei  hu jalan caga plaik njiak khat lahik. Tuk tabung glaong, độ mbak dut mboh di pabah ribong Vũng Liêm, tỉnh Vĩnh Long tagok tal 4,2 angaok sa ribau. Pabah rabaong Vũng Liêm, hu kreik 2 harei sa mbang saong peih  6 mong  tuk ia tagok biar. Meng hu peih kareik sumu, lagaih yau nan ye labik pala drak gah dalam oh kan kandah hagait. Ia mbak 4 angaok saribau  njom tame dalam meng 50 – 55 km di kraong Cổ Chiên; 40-45 km di kraong Hậu; 55-70 km kraong Vàm Cỏ.      

Công an ban Biên Hòa, tỉnh Đồng Nai daok peih bruk pasang iek, duah thau bala jalan mbak ngak ka sa anek saih bac tal 3 metai. Tui khau tin tuk camriep, tuk maong 12 mateh, harei 8/2, radaih buýt pajeng ba anek saih hu biển kiểm soát 60B-043.93 pajeng anek saih tal sang bac tiểu học Hà Huy Giáp (phường Trảng Dài, TP.Biên Hòa). Hadei di tuk dom anek saih trun radaih, urang peih radeih  brei kaduan gilac ye ginuh njauk rup adei anek saih bac tal 3, ngak ka adei metai di labik. Tui dom urang maong mboh brei thau lac, urang peih radaih kurang maong iek tuk kaduan radaih ba tal bruk pandik harao ini.

Gah Y tế Dunya ( WHO) daok ba dom kapol urang ilamu saong rilo mbang par pajeng pandap y tế  tal  Thổ Nhĩ Kỳ saong Syria (Xi-ri) piah daong pasiam dom khut khat hadeidi mbang megei baoh taneh khang di akaok adit. Urang lambaok WHO di Syria brei thau, bruk caong khin daong ka prein yawa  di Syria lac biak praong, tuk yaok ribau urang njauk rambuac dalam tuk bruk iek glang prein yawa  di taneh ia ini  oh daok hagait hadei di rilo thun mesruh metak. Daok di Thổ Nhĩ Kỳ labaih 53.000 urang njauk rambuac daok cang taong ruak saong dom bruk tatuan megei jeng daok hu mboh.  

Yaok rabau urang ngak di Sri Lanka, di jaik 40 công đoàn di dom gah dịch vụ pandar yaok harei, hu pataom gauk di grauk ban ine negar ini di harei 8/2 piah brei mboh oh njauk hatai bruk Rajaei tagok jien je, meng 12,5% tal labaih 36% dalam tuk lạm phát jeng daok di tanut glaong abih. Dom urang ngak pataom gauk vil val dom baoh sang ngak bruk dil di rajaei ba tui hala dok jhuk saong tapal lac "tok njauk hatai haong tanut kak je lagaih”, piah oh pachreih tui adat bahrau. Sri Lanka jeng daok rah tapa mbang sarau kadhau jien padai trak damak abih ngan haong bruk kurang ngoại tệ biak trak, lạm phát tagok glaong saong kinh tế laik tame suy thoái.

15 trieu urang daok di dom bhum ceik glong meda laik tame bruk njauk ia dauk ia sua, kayua nhiet đo glong ba tal dom kraong ia patau di Baoh taneh ralai. Ini lac panuac tamat hu dom urang ilamu  New Zealand ba tabiak dalm roh duah hu ba tagok Tạp chí Nature. Tui roh duah, dom krong ia khan ralai nan lac bruk  mbuan gaok bala praong ka bhap bini daok gah ala, kayua ia sua meda rah tabiak tuk halei oh thau dahlau tuk binek ribong calah. Kuhria meng thun 1990, dom ia khan saong dom binek  prong ia khan ralai samar saong 15 trieu urang di dunya meda gaok kan kandah kayua ia sua meng dom binek ia khan ralai./.