Jit COVID-19 daok rah tabiak srau kadau di rilo taneh ia mangaok dunya

Mban Thường vụ Thành ủy TP.HCM birau brei padang Mban tacei jalan pacang caga tham nhũng, tieu cuc Ban raya, dalam nan hu 15 urang, Akok Mban lac UV Mentri Chính trị, Bí thư Thành ủy Ban raya HCM Nguyễn Văn Nên. Mban tacei jalan pacang caga tham nhũng, tieu cuc Ban raya hu brei bruk tacei pato jalan ngak, bruk ngak, quyền hạn, ngak bruk, pambuak bruk tui Quy định 67 harei 02/6/2022 di Ban Bí thư.

Mintri Y tế bahrau hu harak pathau tagok Rajaei dom jalan pacang caga jit COVID-19 dalam tukvak bahrau. Dalam nan, Mintri Y tế ba tabiak jalan likau lac meng pacang caga jit prong salih tapa khik ramik khang kajap saong oh ka tabiak panuac lac abih jit COVID-19.  Mintri Y tế ndom lac, anak bruk jit COVID-19 daok rah tabiak srau kadau di rilo taneh ia mangaok dunya, dalam nan hu Việt Nam, bruk khik ramik brei thau lac hu jit COVID-19 yau urak ini khik hu bruk sangka saong ieu pataom prein di abih  gah, abih menuac sia dalam bruk pacang jit. Mintri Y tế jeng mboh lac, njauk caik hatai sangka haong dom biến thể bahrau di virus, caga dom bruk meda tamuh tabiak di jit ruak.

Ninh Thuận kham merat piah tame nyaom dang kok ka bruk cak rok patgok karja số. Dalam nan tal thun 2025, kham merat 100% dịch vụ karja online pakat 4 hu ba tagok rilo jalan tame karei di gauk; 90% hồ sơ bruk ngak di pakat tỉnh. Urak ini UB bhap bini tỉnh Ninh Thuận brei ngak dahlau lac jhul pakhang bruk salih số di dom gah yau y tế; pato megru; jien padai – gilang pariak; ngak nong; jalan mbak pajeng ba saong logistics …tui jalan số hóa, tự động hóa dalam nền kinh tế piah ba mai kein lagaih dalam tukvak anka tal.

Kayua hu áp thấp nhiệt đới nan ye dom harei tapa di tỉnh Kiên Giang hu hajan, ribuk ngak brei yaok pluh baoh sang par tabung, jaleih abih 2 baoh sang, kram 2 kapal ikan, khat lahik tal 420 triệu đồng.  mBan tacei pato pacang caga bala meng langik tasik saong daong duah urang gaok bala Bộ chỉ huy quân sự tỉnh hu ba jaik 50 urang jakar, urang lin, dân quân tự vệ pambuak haong palei samar hu mbaok daong dom sang jaleih, khut, daong dom sang khut pasiam veik sang danaok, puh ramik haci hacih piah ka bhap bini samar tani tanat raidiuk.

Ar pacang kraong Măng Thít, tỉnh Vĩnh Long daok glut jaleih biak sraw kadau. Birau abih di ini bruk glut jaleih rah tabiak di melam 9/8 di palei Thanh Phong, xã Tân Long Hội ba tal ar pambuak haong jalan palei atah labaih 20m theik trun kraong. Labik glut jaleih mbang tame dalam taneh 7m. Meng kaok thun tal ini, ar pacang kraong rah tabiak 4 mbang glut jaleih atah 165m. Ar pacang kraong nan piah khik caga bruk pala, drak, gam lac jalan nao mai dalam palei nan ye glut jaleih ngak kan kandah biak praong tal raidiuk di bhap bini.

Mesup ini tui mon Việt Nam, Hội đồng Bảo an Liên hợp quốc peih mbang nyaom chip piah langyah bruk sang mac hạt nhân Zaporizhzhia di Ukraina. Dalam mbang nyaom, dom gah njauk gauk lac brei khik kajap siam mekre salamat ka sang mac điện hạt nhân Zaporizhzhia hadei di tuk labik ini rah tabiak rilo bruk mesruh gauk, ngak brei dunya huac lac meda mbuan hu bala di sang mac hạt nhân di sang mac điện praong abih di châu Âu ini. Sang mac điện hạt nhân Zaporizhzhia daok dalam quyền pasang iek di Nga kuhria meng bilan 3, hadei di tuk taneh ia ini peih bruk quân sự đặc biệt di Ukraina. Min sang mac jeng daok kayua dom urang ilamu di Ukraina peih, ngak.

Tổng thống Sri Lanka dahalu daih lac ong Rajapaksa hu mal Bangkok – Thái Lan hadei tuk tabiak truh Singapore. Thủ tướng Thái Lan brei thau, ini lac bruk ngak pahala, ong Rajapaksa tok brei daok di Thái Lan dalam 90 harei tui hộ chiếu ngoại giao di drei saong oh hu tame bruk ngak chính trị halei di labik ini.

Dom urang ilamu mboh lac di negar Nga hu janih virus SARS-CoV-2 bahrau, tabiak meng 2 biến thể Omicron haong Delta. Janih virus bahrau hu duah mboh dalam dom  gen bahrau abih meng ban St. Petersburg, Nga dalam bilan 7 meng bloh. Tui dom urang ilamu, virus pambuak gauk meng 2 biến thể Omicron saong Delta lac biak takik mboh kayua biến thể Delta meda lac nyu lahik abih mbong. Urak ini bruk njaom mbak di janih virus bahrau ini jeng daok biar saong brei duah thau rilo jang piah thau cambaih tanut kan kandah di biến thể ini.

 Urang lang: 12/08