Anak bruk rahtabiak sarau kadau di jit ndaih baoh, patuk ho gà, Mintri Y tế kakei Sở Y tế dom tinh, ban di Trung ương saong Y tế dom gah duah mboh aval. Brei daok karei dom urang njom ruak. Sang iek ruak peih ngak siam bruk taduan taong ruak dom urang ruak ndaih baoh, patuk ho ga; samar drah taong ruak, patakik abih dom urang ruak trak, metai. Urang dang akaok  Y tế dom gah peih ngak siam bruk klauk jru pacang caga ruak ndaih baoh, patuk ho gà thun 2024 saong peih ngak siam bruk klauk jru pacang caga yaok bilan ka dom urang di dalam Danak dak klauk jru peih praong…

Di mbang nyaom ka 22, HĐND tỉnh Sóc Trăng mbang X, sa dalam dom bruk hu cử tri sangka lac bruk kurang ia hacih, ia pandar oh siam. Ong Trần Văn Lâu, akaok UBND tỉnh Sóc Trăng brei thau, makna lac kayua langik tasik, ia mbak njom tame, ia tasik tagok glaong ngak ka halau ia kurang, takik. UBND tỉnh Sóc Trăng hu roh duah, brei ngak veik dom bingun padang ia, iek bruk khik kajap ia pandar ka rahra lac bruk brei ngak dahlau abih. 

Mban khik ramik danak dak buh jien tame padang ngak dom danak dak jalan mbak nao mai di tỉnh Bến Tre daok caga peih ngak danak dak tatua Ba Lai 8. Danak dak tatua Ba Lai 8 di labik jalan  tapen tasik, hu UBND tỉnh Bến Tre brei ngak haong yaom jien abih tih lac 2.255 tỷ đồng, pambuak xã Bảo Thạnh (huyện Ba Tri) saong xã Thạnh Phước (huyện Bình Đại). Danak dak piah jhul samar bruk buh jien tame padang ngak jalan mbak nao mai di jalan tapen tasik, ngak brei pambak tabiak, dui pachreih bruk buh jien tame padang ngak saong cak rok patagok dom bhum kinh te, ngak nong, raong kaya ikan tui jalan kong nghe glaong, du lịch… ka bhum tapen tasik di tỉnh Bến Tre saong ĐBSCL.

Dalam 6 bilan tapa, gah Cảnh sát pacang khuah padam khuah - Công an TP.HCM taduan hu panuac khan saong hu nao daong ka 31 mbang urang chat tatua pametai rup eng, tapa nan daong hu 1 urang. Piah patrun patakik bruk ini, Thượng tá Lê Mạnh Hà, Phaok akaok Jabat Tham mưu – Công an TP.HCM ndom lac, gah chức năng njauk caik hatai sangka jang tal bruk iek glang prein yava tâm thần ka rahra, hu dom jalan daong brei bruk ngak. Gam haong nan, ieu bhap bini caik hatai tui iek, daong gauk tuk kan kandah. Hu yau nan meng pacang cakak, patrun patakik veik dom bruk hu hatai sahneng pametai rup eng. 

Đồng Tháp – lac labik raong rilo athur, manuk ada abih dalam bhum, nann ye bruk pambuak khau tin di urang raong saong jabat chuc nang piah ba gauk khik ramik, pasang iek siam dom tapon athur raong di drei piah ba mai ka mikva peih ngak hu kein laba. Meng akaok thun tal urak ini, gah thú y tỉnh jeng hu jalan pathau khan piah ka mikva saong urang raong thau cambaih khau tin. Dom khau tin ka bruk langik pandiak dui atah, atau dom bruk pambuak tal prein di athur, hacih saat dịch tể, pruh jru pametai anek ruak,.. jeng hu pathau khan praong dalam tal bhap bini dalam tỉnh.

Tổng cục Du lịch Thái Lan bahrau ba tabiak jalan ngak dui pachreih labaih 40 triệu mbang tuai dunya saong mek jien tame meng du lich hu labaih 3.400 tỷ Baht (lac 113 tỷ USD) di thun 2025. Dom jalan ngak praong lac dui pachreih dom bruk praong dalam taneh ia saong pabak dom pok tour hu padang tabiak piah pabak hatai takre di yaok urang tuai. Bruk ngak ini jeng lagaih haong panuac khan di Rajaei Thái Lan lac yaih khan  "palei baha ameh" yau sa labik ravang iek praong. 

Dữ liệu di rajaei Nhật Bản ba tabiak brei mboh dom anek kaman manek tabiak pak Nhật Bản trun di thun ka 8 gam gam trun tal tanut bier abih ka oh bhian mboh di thun 2023. Dalam tuk ni, rilo công ty ngak tabiak dom pandap panda ka uranaih hu salih tapa jalan ngak pandap panda ka urang praong thun. Tui công ty roh duah darak pasa Fuji Keizai, thun 2027, darak pasa ngak bỉm duh ka urang praong thun pak Nhật Bản tui kuhria meda tagok, meng 16% tagok 98,9 tỷ yên (samu 612 triệu USD), dalam tuk darak pasa duh ka anek kaman meda daok 84,6 tỷ yên.

Gah Y tế thế giới (WHO) hu ba tabiak panuac cảnh báo khang ka bruk mbuan tamuh jit ruak cúm manuk ada H5N1, gam haong nan hu panuac ieu dom taneh ia brei ngak samar drah piah patagok bruk pasang iek, khan brei thau saong roh duah piah pacang cakak jit praong. Adit blaoh, Mỹ hu khan brei thau bruk urang ka 4 njom virus cúm menuk ada H5N1 di menuac hadei di tuk taom gaok lamo ia tasau njauk njaom ruak, dalam tuk Campuchia khan lac hu 2 uranaih njom ruak hadei di tuk gaok menuk matai./.