Ndem biai Kinh tế Ban raya HCM mbang ka 4 tui kuhria hu peih tabiak di harei 13/9 tal harei 17/9/2023. Nyaom biai meda pataom tame 6 bruk praong. Dom asar kadha hu ngak brei cambiac laic piah ndem biai nao mai tapak saong siam abih, yau: Pamong tal bruk cak rok patagok hijao saong kinh te tuan hoan ngan hoang dom sieu do thi, prein khang patagok kinh te tuan hoan, bruk rah tabiak di Ban raya HCM saong jalan ba pandar patagok hijao… Dom asar kadha nan di ndem biai  piah pabak  bruk tất yếu  di Viet Nam saong pamong tal di dunya ka bruk patagok hijao, patagok khang kajap.  

Kapul urang Quoc hoi tỉnh Sóc Trăng bahrau peih bruk taom gaok cử tri lac dom urang ngak dalam tỉnh. Tapa nan, rilo urang ngak hu panuac lac, di dom labik ngak kong mboh hu rilo pandap mbang yaom lap hu parang pablei min oh thau cambaih asal di nyu, oh thau nyu yau habar. Kadha ini ngak brei huac kandha ka bruk siam mekre salamat pandap mbang, jhak tal prein yava urang ngak. Langiu di nan, urang ngak daok hu panuac ka bruk ngak, jien mek tame, bruk sron mbon salamat di dom labik daok trọ, bruk tín dụng đen, dom bruk ka sarak bao hiem, sarak sang daok xã hội, sang daok urang ngak.

UB bhap bini tỉnh Bình Phước birau iew dom đơn vị, karja palei brei patagok bruk khik iek athur glai, piah khik brei salamat ka manuac sia. Meyah athur glai mbuan lahik abih, quý, takik khin palai drap ar atau mbuan ngak metai manuac, kapol nyaom, urang brei ngak tui dom jalan patauk, takik ngak brei pandiak laka tal athur; gam tui nan, khan brei jabat khik iek glai atau UB bhap bini pakat xã atau pakat huyen labik jaik abih thau chip. 

Piah ngak hu dom bruk padang ngak palei pala bahrau dalam thun ini, abih tih phun jien piah peih ngak dom bruk padang ngak palei pala bahrau dalam tỉnh Bà Rịa - Vũng Tàu lac labaih 3.071 tỷ đồng. Kuhria tal bilan 5 meng bloh, tỉnh hu taong abih 47 xã mek hu chuẩn palei pala bahrau, 30/47 xã mek hu chuẩn palei pala bahrau paglaong. Daok ban Vũng Tàu saong huyện Côn Đảo hu ngak salah harak gar pok tagok UBND tỉnh; gam haong nan, peih ginum biai, pasang iek, taong yaom, buh phiếu saong daok ngak harak gar likau Thủ tướng Rajaei brei panuac lac, ban ngak salah bruk padang ngak palei pala bahrau saong huyện mek hu chuẩn palei pala bahrau thun 2022.

Bilan hajan di Nam Bộ meda rah tabiak di kreh bilan 5 ini, dom  bhum palei di bhum Tây Nam Bộ saong meda gam Ban raya HCM tame bilan hajan aval, dom labik meda hu hajan suai jang. Bilan hajan praong meng tuk hu hangin Tây Nam tani tanat. Langik pandiak tuk page hajan tuk biar harei. Langiu di nan, akok bilan hajan daok hu mboh rilo mbang langik pandiak, oh lac hajan gam gam rilo harei. Kayua yau nan bhap bini njauk brei caga hajan praong ba tal ia dauk rilo jalan tuk biar harei.

 Hạ viện Mỹ bahrau brei tapa sa danak dak hukum kayua đảng Cộng hòa ba tabiak piah pacang cakak urang nhập cư saong ma túy suan hukum di dom pabah mbang negar di jalan tapen negar gah meraong haong Mehico. Danak dak hukum ini ba tabiak dom tanut ka urang likau tị nạn saong ieu dom urang ini tut angan hu Mỹ khik caga di langiu taneh ia di drei. Langiu di nan, danak dak hukumini jeng brei pambuak veik bruk padang sa daning rah tui jalan tapen negar saong peih praong dom kham merat peih ngak adat hukum liên bang. Dom harei dahlau di tuk “Paka 42” ka patrun patakik urang nhập cư di tapen negar tui jalan radaih di Mehico saong Mỹ abih tukvak pandar, yaok pluh ribau urang di cư hu pataom gauk di bhum tapen negar piah tame Mỹ.

Bruk mesruh gauk Nga - Ukraine saong ribuk ia sua di Pakistan nyu ngak ka urang brei nao labik karei di dunya tagok glong abih kuhria dalam yaok saman lac 71,1 trieu urang di thun 2022. Ini lac laik so hu ba tame harak pathau khan di gah langiu rajaei Hội đồng Tị nạn Na Uy. Urang ngak praong di Hội đồng Tị nạn Na Uy - brei thau lac sa “mbang ribuk praong” kayua mesruh metak, bala mneg langik tasik saong dom bruk kan kandah kayua jit ruak COVID-19 ba tal “ bruk salih karei praong dalam oh ka bhian mboh meng dahlau mai”.

Akaok Mintri jien padai Prang brei thau, rajaei Prang meda pandar bruk kak je piah mek veik kein laba meng gah ngak kong nghiệp thực phẩm meyah gah ini oh taduan ginum biai ka bruk yaom glaong. Meng lạm phát pandap mbang daok di tanut glaong abih 15% dalam dom bilan jaik ini, rajaei Prang taong yaom, ini lac bruk “biak vô lý” kayua yaom pablei lẻ jeng daok di tanut glaong yaom lac pandap tamo piah ngak nyu trun yaom. Meng trak damak kayua brei tapa bruk tagok umo thun padeih takik hu bhap bini pachreih tui, rajaei Prang di Tổng thống Emmanuel Macron caong langyah dom bruk yaok harei di rahra, pagap yau bruk yaom pandap mbang tagok glaong./.