Biar harei kabroi 25/7, ngak bruk haong kapol urang pasang iek di UBTVQH ka “ Bruk  peih ngak sarak, hukum ka bruk patagok nang luong vaktu 2016 -2021”, ong Phan Văn Mãi, Akok UBND TPHCM brei panuac Rajaei, dom mentri, dom gah roh duah , hu jalan ngak, sarak pachreih bruk ngak tabiak điện ia harei  di tabung sang  piah patagok bruk pandar điện ia harei dalam ban raya. Tui nan, Rajaei njauk brei pabak  dom danak dak nang luong tai tao di Ban tame Bruk peih ngak Quy hoach điện VIII. Ong Mãi brei thau, bruk patagok  điện di labik piah pabak điện pandar biak ralo di Ban raya HCM nan lac hu siam ralo saong lagaih ralo haong bruk cak rok patagok di dunya.   

UBND huyện Long Thành, tỉnh Đồng Nai brei thau: Vaktu ka 1 di danak dak mblang kapal haoh Long Thành hu jao taong abih mbaok taneh ka po dang akaok padang ngak lac Tổng Công ty Cảng hàng không Việt Nam (ACV)  2 rabau 530 ha.  Vaktu ka 2, gah chức năng njauk pataom mek veik labaih 2.410 ha taneh. Tal urak ini, daok jaik 8 ha taneh di dom sang bhap bini oh ka hu pataom mek. Dom gah daok kham merat ngak ka nyu salah harak gar, tui kuhria hu pasang iek, brei bayar jien dahlau di harei 30/7, jao abih mbaok taneh mblang kapal haoh Long Thành ka po dang akaok padang ngak.

Meng harei 1/1/2024, sarak thue toi thieu di dunya 15% hu brei ngak tui. Tui pandar yaom thue nan, tỉnh Binh Duong meda lahik nao bruk meriak gauk, kayua bhum palei nan daok duah jalan langyah salih ka bruk daong thue ka D.N yau dahlau diah. Binh Duong meda brei jhul pakhang bruk cak rok patagok  dom bruk brei buh jien langiu di bruk daong jien thue biar, piah hu bruk karei, kein lagaih birau yau ye: paglong cơ sở hạ tầng, urang ngak,  asar dich vu, alam moi truong saong ngak bruk di po dau tu, paglong bruk dak angan buh jien tame ngak mbang di tỉnh.

Bilan padai hè thu di bhum ĐBSCL daok yam tame tuk yuak puac vụ min yaom padai jeng daok glaong, urang ngak padai chreih chrai tuk padai pala njauk, pablei hu yaom. Makna lac kayua padai takik hu halak halin, yaom khak trun tal meteh saong dom doanh nghiệp daok blei piah pabak dom harak pambuak bruk pablei tapa negar langiu. Urak ini, padai hè thu di bhum ĐBSCL hu yuak jaik blaoh, yaom pablei meng 6.500 đồng tal labaih 7.000 đồng/kg, urang ngak padai hu laba. Anak dom siam lagaih meng bilan padai hè thu, urang ngak padai di bhum ĐBSCL daok samar trun pajaih bilan thu đông saong rilo meng pala dom janih padai pahe piah pablei tapa negar langiu.     

Di Ban Phan Thiết, tỉnh Bình Thuận,  Công ty nghệ thuật Hoa Ánh Dương birau peih  bruk ginum biai ka mbang pakacah “Hoa hậu Đại sứ Du lịch Việt Nam 2023”. Bruk pakacah tapa klau mbang. Mbang palih ruah camereip meng ini tal harei 30/9. Mbang pakacah ini peih ngak di 6 tỉnh, ban dalam negar nan lac: Hà Nội, TP.HCM, Bình Thuận, Đà Nẵng, Thái Nguyên saong Tiền Giang. Urang brei pakacah nan lac  kumei Viet Nam, umo meng 18 tal 27 thun, glong 1m63 tagok, oh ka tok pasang, oh ka lakhah, oh ka ndih pui anek, siam biai, oh blaic raic pagam ngak brei siam biai jang jeng yau oh brei salih drei likei tapa kumei. Mbang pakacah tamat hu peih ngak  meng harei 1/11 tal harei 10/11 saong chung ket meda peih tabiak dalam 2 adit akaok meti di bilan 12 anak tal, di tỉnh Bình Thuận.

Tui jabat maong iek bruk langik tasik Philippines, ribuk Doksuri hu ngin khang 185 km sa tuk daok tame labik 3 pulao takik menuac daok di langiu tasik gah brak pulao praong Luzon. Tui kuhria mboh dahlau, rabuk Doksuri tuh tame atau nao jaik puao Babuyan atau gah Đông Bắc tỉnh Cagayan di biar harei 26-7 dahlau di tuk nao tapa Đài Loan saong gah Timur Trung Quốc. Ribuk khang ba tal hajan praong, ia hajan tagok tal labaih 200mm di dom baoh pulao nan. Hu jaik 20.000 menuac daok di pulao Babuyan. Urang jakar Philippines hu ieu menuac sia daok tapen tasik di pulao ini panduan nao daok di labik siam mekre, pataok ghe gilai veik, oh tabiak tasik tuk lanik jhak. 

Lạm phát glong di Mỹ ngak kan kandah tal bruk dulich saong bruk cai pandar di urang blei dalam bilan padeih hè thun ini. Tui duah thau jaik ini, jien cai pandar glong jang ba tal 49% urang Mỹ  klak bruk dulich dalam 3 bilan anak, dalam tuk nan 60% dom urang kuhria nao rivang ma-in khan lac, urang huac kanda  bruk pandar ralo jien. Hawaii nan lac sa dalam dom labik hu danei angan abih dalam taneh ia Mỹ, tuai damuai hu mai ralo kuhria meng bilan 3 thun blaoh, min biar jang tuk jit ruak praong thun 2019. Kayua lạm phát, bruk cai pandar di tuai damuai mai tal Hawaii dalam bilan 3 thun ini glong jang 7% dut saong thun 2019.

Dom urang ilamu Australia duah tabiak hu sa janih gien meda daong ka anek menuac pacang veik dom janih virus Covid-19 hu siam lagaih. Tui Giáo sư Stephanie Gras di Đại học La Trobe, Australia, dom urang ilamu biak caong thau kayua halei hu menuac plaih hu Covid-19 saong hu 20% ​urang dut iek mboh dương tính haong SARS-CoV-2 bo oh mboh hu triệu chứng njaom ruak hagait. Dom urang ilamu sahneng lac dom urang ini hu prein pacang ruak khang jang saong prein khik caga rup pabhap di drei eng. Meng nan dom urang ilamu hu mek 1.428 mẫu roh duah saong duah tabiak janih gen meda pacang veik dom janih virus Covid-19./.