Kuhria rah tapa urang nong lahik labaih jaik 8 triệu đồng

Ngan saong jien blei khak drak meblah meng 30% tal 50% jien buh tame blei kaya kan piah ngak tabiak kaya nong, yaom khak tagok glong ngak kan kandah tal jien buh tame ngak jeng dom pandap panda. Thun 2021, kuhria rah tapa urang nong lahik labaih 5 trieu jien blei khak drak ka 1 ha taneh nagk padai ye urak ini tagok tal jaik 8 triệu đồng; dalam tuk nan, yaom dom janih kaya nong trun, bruk ngak tabiak kaya nong di dom tỉnh di Bhum taneran kraong Cuu Long jeng yau dalam negar daok ndua nong khat lahik jien dalam tuk darak pasar pablei oh hu tani tanat.

Anak panuac tangi sua lac kayua habar yaom menyek tamo di dunya trun, min yaom xăng dalam taneh ia tagok khang, dua Mintri Công thương saong jien padai langyah, urak ni, yaom pablei rai xăng menyek dalam taneh ia iek tui yaom xăng menyek di drak pasa Singapore, oh kuhria tui yaom menyek tamo. Kayua lac, piah hu xăng menyek thành phẩm, menyek tamo brei tapa tuk vak halang. Yaok thung menyek tamo hu dung tích jiak 159 lít, hadei di tuk ngak salah hu labaih 76 lít xăng, dok veik lac dom janih menyek diesel, menyek geik, mazut.... Tui nan, xăng tok samu meteh menyek tamo tuk camereip.

Tui UB bhap bini tỉnh Bà Rịa – Vũng Tàu, labaih 10 thun tapa, bruk cak rok patagok pabah lamnge tapen tasik di Bà Rịa – Vũng Tàu biak samar, ngan saong rilo danak dak ba tame pandar hu ba mai kein laba kinh tế glong. Yau nan min, urang ngak hu ialmu glong oh ka sumu bruk caong khin pabak ka dom doanh nghiep cảng. Gam haong nan, di 50 pabah lamnge tapen tasik daok ngak bruk di tỉnh ini, urang ngak bhian kurang saong kan palih ruah, abih di nyu lac urang ngak bruk hu ilamu glong.

Bahrau ni, gilang pariak karja hu panuac biak khang ieu dom gilang pariak pasang iek catang jang bruk brei mesraiy jien blei taneh riya sang danaok dalam tuk drak pasa mboh daok tagok “pandiak”. Tapa nan ba tal bruk huac lac drak pasa taneh riya sang danaok gaok kan kandah dalam tuk vak anak tal. UBND TPHCM brei thau, 3 bilan akaok thun 2022, TPHCM tok hu 5 danak dak ginup adat ieu pataom phun jien pablei sang padang ngak di anak tal ngan song 1.172 boh sang. Dalam quý 1-2022, TPHCM oh brei adat hu ka danak dak halei gah sang danaok yaom lap , sang dok xã hội song sang daok di urang ngak.

Tui Danak dak Jalan nao di gru jru ranaih umo ngak tui panuac Wa, halain hatain kayua prein yava di rahra thun 2022, meng harei 14-5 tal abih thun 2022, meda hu 20.000 gru jru ranaih umo hu mbaok tame iek glang prein hadei di njauk Covid-19 ka rahra dalam taneh ia. Tui kuhria hu labaih 1.000.000 bhap bini hu iek ruak, tacei pato, iek glang prein yava hadei di tuk njauk Covid-19 saong labaih 3.000.000 urang meda hu tacei jalan iek glang prein yava tapa phone par tangin saong ứng dụng telehealth. Dalam nan, dom urang meng umo 50 thun tagok njauk Covid-19 saong hu ruak dahlau dalam rup, yau ye (ung thư, ruak ma-ik saradan, huyết áp, dom janih ruak jalan suak yava...); uranaih umo mala 12 thun bhian njauk ruak Covid-19 hu iek ruak tapak.

Dom harei ini, menuac sia dalam palei haong tuai damuai tuk mai tal Nice oh lac hu ba drei tame labik langik hijao, tasik jangaih, pandiak hadah, bo daok hu maong iek rup cih, rup patau saong dom pandap di patao Hàm Nghi, tuk njauk thực dân Pháp cap mek ba nao lưu đày di Algérie. Ngan saong kadha “Ilamu lưu đày - Hàm Nghi, ong patao An Nam (1871-1944)”, bruk parang iek piah yaih khan tal bhap bini dom blah sajarah jeng yau dakrai ilamu di sa urang patao taneh ia Việt takik hu thau tal di dom negar gah trời Tây.

Harei pataom tapuk dunya Seoul thun 2022 (SIBF 2022) hu peih tabiak meng harei 1 tal harei 5/6 di Pasak nyaom biai saong parang iek di gah meraong Seoul ngan saong kadha "Một bước nhỏ". Harei pataom tapuk yaok thun praong abih di Hàn Quốc hu mbaok di 180 cty saong nhà xuất bản dalam taneh ia, gam haong dom nhà xuất bản mai meng 12 taneh ia, piah yaih khan tal urang takre puac tapuk dom khau tin saong jalan nao bahrau dalam gah xuất bản dalam taneh ia saong langiu negar.

Hadei di 100 thun, makna bo Đinh Ốc Lĩnh – sa palei daok di mangaok baoh ceik glaong 700m duk haong mbaok ia tasik dalam tỉnh Phúc Kiến, Trung Quốc, oh hu jamaok jeng oh ka hu panuac javap jalei, ngak brei labik ini jeng sa dalam dom palei bí ẩn abih di Trung Quốc. Ini lac labik daok di urang bangsa Khách Gia (Hakka). Vil toam dar palei lac glai hijao kaya patau tamuh siam, dalam palei daok hu dom lubang kandaong ia. Di dom labik yau nan, njauk di nyu brei hu rilo jamaok, abih di nyu lac dalam bilan pandiak. Min yaom lac daok dalam labik ẩm thấp, palei Đinh Ốc Lĩnh oh tuk halei mboh hu jamaok./.

Urang lang: Hani Pha – Bhumi – 14/05