Dom urang daoh, urang paneh kadha daoh, nghe si di TPHCM hu mbaok tame danak dak ilamo halan hatian “Bhum palei saong dom hatung hatian anit ranam” di harei 19/10 anak tal di Sang daoh Rayo papar binguk Ban raya, piah rik tame kadung jien ngak sang, ngak tatua palei pala, alin brei paok jien bac…ka mikva 2 tỉnh Cà Mau - Bạc Liêu. Tui kuhria dahlau thun ini, Mban peih bruk jak ba rik jien tame hu takik abih lac 6 tỷ đồng. Meng kreh thun 2017 mbiah tal ini, Mban pambuak bruk palei pala Bạc Liêu – Cà Mau di TP.HCM hu peih ngak rilo danak dak halan hatian  daong ka bhap bini di dua tỉnh ngan haong labaih 150 tỷ đồng. Ta-eng thun 2021 mbiah tal ini hu padang ngak 68 baoh tatua, jaik 1,5km jalan mbak dalam palei, padang ngak 54 baoh sang...

Sang parang iek Xứ ủy Nam Bộ saong Ilamo Oc Eo bahrau pakak di Labik inem mek Negar Gò Tháp, xa Tân Kiều, huyen Tháp Mười, tinh Dong Thap. Ini lac apakan hu makna, brei mboh bruk patagok dalam bruk khik ramik saong patagok ilamo, sajarah, di tỉnh. Danak dak oh lac tok duh ka bruk piah caik saong parang iek pandap meng kal bo daok lac labik pato pakai jalan cách mạng, daong hu yaom glaong dalam bruk patagok yu lit saong raidiuk ilamo di tinh Dong Thap.

Mban Tacei ba jalan 515 tỉnh Kiên Giang birau jao brei bruk ngak Kapol nyaom K92 duah, pataom atau liet si hy sinh di Campuchia, di bilan thu 2023 - 2024 saong alin brei rilo paok pandap daong ka urang lin dalam tuk ngak bruk. Kapol K92 di  Bộ Chỉ huy Quân sự tỉnh Kiên Giang padang ngak meng thun 2001 hu parabha  bruk duah pataom atau liet si di 4 tỉnh Kam Pốt, Kép, Pearh Sihanouk saong  Koh Kong negar Campuchia. Yam tapa 23 tukvak ngak bruk, mbiah tal ini, Kapol K92 duah pataom hu labaih 2.130 atau urang liet si di negar Campuchia.

Pachreih tui Harei Salih số pakat negar thun 2024, Uy mban mat tran negar Viet Nam huyen Ninh Son, tinh Ninh Thuan hu alin hadiah 40 trieu dong daong brei tivi duh ka bruk pato megru saong bac da-a di gru pato saong anek saih bangsa raglai di Sang bac Phổ thông bangsa gam bac gam daok meteh harei THCS Phan Đình Phùng, xa bhum atah bayah Ma Nới. Ini lac bruk daong lagaih, pachreih gru saong saih kham merat paglaong bruk pato saong bac, kham merat ngak siam bruk di drei thun bac 2024 - 2025. 

Sang bac pho thong bangsa gam bac gam daok THCS – THPT huyện Tiểu Cần, tỉnh Trà Vinh hu tal 95% lac anek saih bangsa Khmer. Dalam 3 thun tapa, sang bac  hu peih ngak “ Yaok adit dak sa dalikan ka Wa Ho”, piah patui bruk pagong bruk pato pakai. Yau ye, dalam tuk bac pataom labik ala got hala dok harei Som akaok adit, lambaok yaok tal bac hu dak dalikan ka dom bruk ngak di Wa dalam raidiuk yaok harei…Tapa bruk ngk nan, sang bac caong khin pato pakai ka anek saih brei paglong jalan sahaneng meng dom bruk ngak, bruk bac da-a saong daok dang ndom panuac gheih haong gauk. 

Urang kamei văn sĩ Han Kang hu ba mai giải Nobel Văn học camereip ka “Negar Kim chi” Hàn Quốc. Bruk jak jeng ini oh tok ngak khuah tagok hatai hadah mbaok dalam tung tian urang Hàn Quốc, bo daok brei mboh bruk yam tagok glaong di Hàn Quốc di angaok bản đồ ilamo dunya. Tong thong Yoon Suk Yeol ieu ini lac “sa bruk jak jeng sajarah” saong “sa bruk njauk hadah mbaok di taneh ia”. Dalam tuk nan, dom patuk K-pop danei angan di taneh ia ini jeng klah rabha bruk bui sambai angaok internet haong icon baoh hatai saong ia meta, brei mboh bruk takre haong jayah ini.

Tui Kadung jien Dunya Khik caga alam langik tasik, dalam 50 thun tapa, dom drei athur glai di dunya dak harei dak daok takik trun jaik 75%, trun biar abih  lac di Mỹ Latinh saong Caribe, châu Phi saong châu Á - Thái Bình Dương. Kadung jien Dunya Khik caga alam langik tasik mboh lac alam moi truong khut tayak saong takik veik, ralo kayua pandap mbang di manuac sia ngak jhak tal athur glai di dunya, blaoh man patuak ralo, dom janih karei ba ruak njom mbak mai.

Kapul nyaom radaih ô tô saong năng lượng hacih sa-at Tesla di Mỹ hu brei tabiak radaih nduac eng  robot taxi 2 baoh mbang, hu caong takre jeng “pandap anek kier” piah jhul patagok suai atah ka gah ngak tabiak radaih ndien danei angan ini. Sruh radaih ini hu ba tabiak dalam thun 2026 saong hu yaom biar ala 30.000 đô la. Tui hatai sahneng di rilo chuyen gia kinh te, gah ngak ô tô ini meda jaik brei mboh tanut trun akaok meti ka radaih jao brei dalam thun ini, kayua dom kein lagaih blei randaih oh dui pachreih ginup tuai damuai mai haong dom radaih ndien klak di kong ti. Bruk trun yaom rilo piah pabak veik ka jien laba glaong jeng ngak trun kein laba./.