Mbang camriep rup binguk Wa Hồ hu Sang daoh tamia Công an bhap bini padang ngak meng nhạc kịch tapa kadha "Người cầm lái". Tukvak ini, rilo kadha brei mboh veik bruk raidiuk, hatai saneng di Wa hu tabiak mbaok urang maong iek yau ye 3 vở kịch katut: Jumpataom lac prein khang, Meta hadah, Wa Hồ saong bilan xuân thun nan. Abih di nyu nan lac, dalam 2 harei 19 saong 20-5, Sang daoh tamia Cải lương Việt Nam hu parang me-in kadha Nước non vạn dặm (tác giả PGS-TS Nguyễn Thế Kỷ, đạo diễn NSND Triệu Trung Kiên). Kadha pataom tame brei mboh dom thun bilan Wa daok sit, tal tuk tabiak duah jalan daong taneh ia.

Kuhria tal tukvak ini, langiu 8 inem mek pakat negar, 41 inem mek pakat tỉnh, Sóc Trăng daok hu 8 inem krung ilamu phi vật thể hu pok brei angan saong hu ba tame harak angan inem krung ilamu phi vật thể di menuac sia dunya saong di taneh ia. Nan lac Đờn ca tài tử nam bộ, inem krung ilamu di menuac sia dunya hu UNESCO pok brei angan; harei pataom ngak adat Nghinh Ông di huyện Trần Đề; Bruk ngak ahar bánh Pía di urang Low dalam huyện Châu Thành; Phleing Ngũ âm, tamia Rô băm, tamia Rom-vong saong Dù Kê di urang Khmer. Saong bahrau ini, Sóc Trăng daok hu gac harei pataom pakacah ghe Ngo di urang Khmer hu pok brei angan lac inem krung ilamu phi vật thể pakat negar.

Tỉnh Bình Thuận hu panuac caong dang tabiak ngak Thun Du lịch pakat negar thun 2023 ngan haong kadha "Bình Thuận - Hội tụ xanh" meng bilan 2-2022, gam tui di nan jeng brei mboh bruk kham marat ba du lịch jeng gah kinh tế praong, lac 1 dalam 3 bruk ngak kinh tế praong di tỉnh; brei mboh bruk “nao katut, raok akaok” di tỉnh dalam tukva cak rok patagok bahrau. Panuac caong nan hu Mintri Ilamo -TT-DL njauk hatai tui.

Daok dalam dom bruk ngak di adit Ameh Du lịch Lâm Đồng thun 2022, di ban Đà Lạt (t.Lâm Đồng) bahrau peih parang iek yaih khan ilamu meng kan hadah krah di dom bangsa daok dalam tỉnh Lâm Đồng ngan saong kadha “pataom mai saong pambak tabiak”. Danak dak rah tabiak meng ini tal abih harei 30/4/2022, hu 3 asal kadha praong lac: parang iek dom yaom glaong ilamu biak karei di bhap bini dom bangsa takik dalam tỉnh; yaih khan dom kaya nong hu angan di dom huyện, ban saong danak dak daoh tamia bhap bini pambuak haong parang iek khan ao ngui cuk di bhap bini dom bangsa daok dalam tinh Lâm Đồng yau ye Cơ Ho, Mạ, Chu Ru, Mnông.

Jalan ilamo “Nhớ mùa thu Hà Nội” bahrau hu peih pakah di jalan nao takai Trịnh Công Sơn, quận Tây Hồ (Hà Nội), daong ka tuai du lịch saong bhap bini ban ine hu dom chreih chrai di tuk padeih lễ 30/4 saong 1/5. Canah jalan lac sa blah rup cih biak ghieh kayua họa sĩ Nguyễn Thu Thủy saong dom urang daong bruk di Công ty Nghệ thuật Tân Hà Nội padang ngak, atah 50m, praong 14m daok kreih dua danao ia. Jalan thaot binguk lac dom jalan riyah biak ghieh brei mboh mbaok jalan meng 4 tông sambo praong abih di bilan thu: kanjik, katam, putih saong sambo nâu tím saong chất liệu khang kajap lac sơn công nghiệp.

Liên minh châu Âu (EU) hu ba tabiak jalan ngak patrun 2/3 bruk pagam pambak tame menyek saong khí đốt di Nga di puac thun ini saong yam tal padieh abih di puac thun 2027. Nga lac gah pabak manyek praong abih ka châu Âu. Thun 2020, Nga pabak 26% dầu ka châu Âu. Dalam tuk nan, khí đốt di Nga pabak 40% bruk pandar khí đốt di châu Âu.

Umo thun taha di urang châu Âu thun 2020 lac 80,4 thun, trun 0,9 thun duk haong thun 2019. Jabat yaok pataom châu Âu (Eurostat) taong yaom, bruk trun ini hu pambuak tal bruk tagok samr urang metai kayua jit praong COVID-19. Tui yaok pataom di hãng tin Reuters, kuhria meng akaok jit praong COVID-19 mbiah tal ini, dalam châu Âu hu abit tih 189.702.000 urang njauk COVID-19, dalam nan hu 2.219.000 urang metai./.

Urang lang: Thu Thao & M.P - 30/4/2022