Phaok akok UBND tỉnh Ninh Thuận Nguyễn Long Biên birau mbaoh tangin brei tabiak bruk peih ngak ngan haong kadha “Ninh Thuận – Bhum taneh pataom ralo dom ilamu siam gheih karei”. Bruk nan piah pok meyaom dom kein laba meng phun nyo, ba mbuan lagaih ka bruk pablei salih, dulich, brei mboh bruk kham merat yam tagok  di bhap bini bhum taneh labaih pandiak, kurang hajan. Tui bruk ba tabiak, Harei pataom hu peih ngak meng harei 13 – 18/6. Tapa nan, tỉnh hu peih bruk taduan raok Harak pok angan di Gah Pato megru, Khoa hoc saong  Ilmu Liên hợp quốc (UNESCO) brei angan “Ilamu ngak lan di urang bangsa Cam" tame Harak  angan  Inem krung phi vật thể njauk brei khik ramik chip.

UBND tỉnh Cà Mau bahrau patabiak jalan peih ngak Danak dak cak rok patagok bruk ngak glai khang kajap tukvak 2021 – 2025. Cà Mau ba tabiak jalan ngak tal thun 2025, jien mek tame meng pala glai  ngak pandap tagok 1,5 mbang. Jalan ngak di danak dak ini piah khik ramik, pasiam veik, cak rok patagok, pandar khang kajap mblang taneh glai đặc dụng, glai pacang caga, khik ramik parilo janih sinh học, trun manieng bala langik tasik. Gam haong nan, Cà Mau ba bruk ngak rilo jang, patagok jien mek tame ka rahra. Abih tih phun jien buh tame ka danak dak ini, tui kuhria lac labaih 2.000 tỷ đồng.

Dua harei tapa, rilo bhap bini di ban  Đồng Xoài, tỉnh Bình Phước halan hatian tak klak phun pala, kaoh taneh alin breo yaok ribau met  ka karja ngak jalan nao mai. Ong Nguyễn Hồng Thái, Akok Jabat Khik iek đô thị ban Đồng Xoài brei thau: Jalan 34 Hải Thượng Lãn Ông pambuak meng jalan Sang iek ruak Đa khoa tỉnh Bình Phước tal jalan ĐH.507 atah jaik 6km ngan haong labaih 200 baoh sang bhap bini gaok tame. Mbiah tal ini, jaik abih bhap bini hu taneh tavak tame jalan nan jeng njauk hatai brei alin taneh piah peih ngak jalan.

Hadei di rilo mbang pachot amaik ame anek saih meng bruk ieu phone khan lac anek njauk bala daok cấp cứu, bahrau ini, di TP.HCM hu bruk pagait pachot bahrau di kol kanjak jhak pamaong tame dom anek saih. Ong Trần Công Tuấn, akaok sang bac THPT Phú Nhuận, quận Phú Nhuận brei thau ka bruk rah tabiak di jala pandiak harei 24/3. Hadei di tuk peih bac, sa anek saih likei di sang bac daok cang gauk gar mai raok, ye hu sa urang likei oh bhian randap mai jaik, ndom lac ayut saabat haong ame di adei. Urang ini brei thau lac ame di adei daok cấp cứu kayua bala jalan mbak, nan ye ieu anek saih likei ini tagok radaih piah ba nao tal sang iek ruak. Min, anek saih ini thau lac menuac pachot pagait kayua ame di adei lahik lavik ye, nan ye adei yam tame sang bac, khan brei gru giám thị saong bảo vệ thau.

Jala pandiak harei 28/3, Kong an tỉnh Bình Dương vaih tame pasang iek Pasak đăng kiểm radaih cơ giới 61-09D di jalan Bùi Hữu Nghĩa, phường Bình Hòa, ban Thuận An, tỉnh Bình Dương. Kong an tỉnh Bình Dương vaih tame pasang iek hadei di tuk taduan hu panuac khan di bhap bini ka dom bruk ngak suan. Kong an tỉnh Bình Dương jeng hu ba dom urang mai labik ngak bruk. Ini lac bruk ngak di Kong an tỉnh Bình Dương ngak tui tacei ba di Mentri Kong an ka bruk pasang iek  dom bruk pambuak tal vụ án  di dom pasak đăng kiểm. Dalam nan ralo meng lac dom bruk mbang jien, yar jien ka urang mbang…piah klak tapa dom bruk ngak suan oh hu salamat tuk peih angaok jalan mbak, ba tal radaih khut ngak gar jalan, ba tal bala.  

Rajaei Indonesia bahrau brei blei pabak 2 triệu tấn brah dalam thun ini, ini lac jalan lagaih peih tabiak ka doanh nghiệp Việt Nam. Dom brah ini piah tani tanat yaom kaom saong daong pandap mbang ka rahra. Indonesia daok lac darak pasa blei rilo brah di Việt Nam. Dahlau di nan, meng bilan 12/2022, Indonesia hu blei 500.000 tấn brah. Dom brah Indonesia blei pabak tame meda hu pandar ka Danak dak tani tanat yaom kaom saong pabak pandap panda ka taneh ia ini, jang yau pabak bruk daong pandap mbang ka labaih 21 triệu baoh sang daok mbang tui jien daong di danak dak daong rahra.

Nhat Ban ( Japon) birau palih ruah brei cakrok patgok 11 “ labik dulich kieu mau” piah pachreih tuai damuai dunya mai rivang taneh ia ini. Dom labik hu palih ruah nan lac, dom bhum taneh Đông Hokkaido, Hokuriku, Setouchi,  Kagoshima …Dalam dom thun jaik ini, Tổng cục Du lịch Nhật Bản hu padang jalan peih ngak “ daong đặc biệt” ka bruk cak rok duich suai lavik di taneh ia ini piah pachreih tuai damuai dunya, yau padang kapol urang ilamu jhul pakhang bruk yaih khan dulich.

 Urang ngak bruk pahla negar Australia amuk Mina Guli, bahrau ini hu ngak salah bruk nduac marathon ka 200 dalam 1 thun – lac sa bruk njauk pok meyaom bo urang kumei van đong vien nghiep dư ini ngak hu piah pambak tabiak tal dunya panuac ieu khik caga halau ia. Ini lac danak dak thử thách RunBlue- nduac marathon bo amuk Mina Guli hu tut angan di thun blaoh. Sa thun hadei di nan, urang kumei umo 52 thun ini hu ngak salah mbang nduac puac abih dalam 200 mbang nduac marathon di drei, ngan haong yaok mbang nduac atah 42,195 km, abih tih, amuk Mina hu nduac 8.439 km tapa yaok piluh taneh ia./.