Di mbang nyaom ka bruk kinh te - xa hoi 2 bilan akok thun saong  peih ngak dom bruk praong dalam tuvak anak tal birau peih tabiak ong  Phan Văn Mãi, Akok UB bhap bini  Ban raya HCM brei thau, dalam bilan 2 Ban raya hu taom gaok, duah thau dom tavak tavaiy di doanh nghiep, meng nan hu jalan lang talaih kan kandah. Bruk daok veik pataom tame langyah, lang talaih ka doanh nghiệp dalam bilan 3 saong tukvak anak tal. Bruk nan oh lac ba bui sambai ka doanh nghiêjp bo daok jhul khang patagok bruk ngak mbang, pablei salih.

Cục Salamat pandap mbang (di mintri Y tế) bahrau hu ba tabiak panuac kakei ka bruk njauk jru mek kayua rahra pandar pandap mbang hu jru mek meng langik tasik. Yaok thun, di tukvak bilan xuân saong akaok bilan pandiak, bhian rahtabiak dom bruk njauk jru mek kayua rahra pandar dom pandap panda hu jru mek meng langik tasik yau ye bimau độc, baoh kayau glai, phun glai, dalam nan, hu dom urang metai. Kayua yau nan ye, Cục salamat pandap mbang kakei rahra pandar dom pandap mbang karei, mbuan njauk jru mek yau ye bimau glai, baoh kayau glai; njauk caik hatai tal panuac pato tacei bruk ngak pandap tani tanat salamat ngan haong dom pandap meng kan atau lac adat cambat tanarakun di puk palei.

Meng akaok thun mbiah tal ini, dom gah chức năng di tỉnh Bình Thuận pambuak khang kajap haong karja labik bhum tasik peih ngak rilo jalan langyah pacang caga bruk chap mek  kaya ikan suan hukum, oh khan brei thau saong oh tui bruk pasang iek catang  gilai taong chap ikan  di pabah tasik, di tasik saong tapa jamraih pagam tui iek di gilai; meng nan samar hu thau dahlau, pacang caga sumu dom bruk mbuan ngak suan hukum IUU, lih tame bhum tasik  negar langiu. Mbiah tal ini, tỉnh Bình Thuận  hu pagam salah 1.929 mac jamraih  VMS dalam  taong abih 1.961 gilai ikan atah 15 mét tagok ngak bruk.

Urang Nông dân tỉnh Hậu Giang daok tame bilan yuak padai Đông xuân 2022-2023. Padai yuak tal halei jeng hu urang mai blei tal mblang hamu ngan haong yaom biak glaong nan ye mikva biak bui sambai, chreih chrai. Vụ padai Đông xuân 2022-2023, mikva urang nong pala drak hu labaih 75.500ha. Tal tukvak urak ini, mikva yuak kuak hu labaih 5.000ha, năng suất tui kuhria mek hu 7,8 tấn/ha. Yaom pablei tui kuhria meng 6.100-7.500 đồng/kg, tui yaok janih pajaih. Kayua năng suất saong yaom pablei jeng tagok glaong nan ye mikva hu jien mek tame meng 35-40 triệu đồng/ha.

Kayua langik oh lagaih, tasik riyak khang yau nan ye bruk tabiak tasik taong chap ikan akok thun di urang daok tỉnh Tiền Giang khat lahik, rilo urang tavak sre , hu raidiuk kan kandah. Di pabah tasik Vàm Láng dalam 2 bilan akok thun tok hu 20 mbang gilai pajeng ba ikan, pandap panda daong ka bruk nao tasik pataok tame  piah pajeng pandap labaih 1.200 tấn, trun 50% dut saong tukvak ini thun blaoh. Dom harei tapa, pabah tasik oh hu gilai halei tame.  Anak dom kan kandah nan, bhap bini khin hu bruk daong di karja gam hong dom sarak brei pagon sre, dui atah tukvak bayar  sre trun takik kan kandah.

Kanja di Tổng thống Mỹ Joe Biden hu pandar dom jalan ngak patakik pablei tabiak negar langiu ngan haong 28 cty saong manuac urang di Trung Quốc. Bruk ngak ini piah ngak patrun bo hu brei thau lac ngak kan kandah tal an ninh taneh ia dak harei dak paglaong meng Trung Quốc. Dom công ty saong urang lambaok negar Trung Quốc di Washington urak ini jeng ka oh hu ba tabiak panuac hagait. Dom urang kanja Trung Quốc hu rilo mbang tố cáo dom bruk taong phat di Mỹ lac suan adat hukum. Bruk ngak ini hu peih tabiak di tuk bruk catang tagok di dua gah kinh tế praong abih di dunya.

Rilo ban saong thị trấn di Argentina daok tapa sa mbang langik pandiak biak catang abih. Nhiệt độ di rilo ban tagok meng 38 tal 41 độ C. Bhap bini saong tuia dulich  kham pacang mbaok meta, rup pabhap tuk tabiak jalan saong menyuk rilo ia, dalam tuk dom urang karei  ye brei daok dalam sang. Mbang langik pandiak rah tabiak dalam tuk lahik điện ralo labik di negar ini. Kayua bruk pandar rilo điện pakat negar tagok glong. Dalam dom thun jaik ini Argentina hu rilo mbang apui khuah glai oh bhian mboh, krong Parana ia thu trun biar abih dalam jaik 80 thun.

Tỉnh Quảng Đông, gah maraong negar Trung Quốc hu mboh sa urang njauk ruak cum manuk ada H5N6 di manuac. Urang ruak lac sa urang likei umo 49 thun daok di ban Thanh Viễn, tỉnh Quảng Đông. Dahlau di tuk mboh ruak, urang ini hu taom gaok manuk ada diuk. Dom urang ilamo negar ini brei thau lac, bruk rahtabiak di urang ruak ini lac patuak saong bruk mbuan njom mbak ruak lac bier, min mayah njauk ruak, manuac meda gaok bruk metai biak glaong./.