Di Nyaom biai iek veik bruk ngak Gah Bangsa 6 bilan akaok thun, ba tabiak jalan ngak ka 6 bilan puac thun 2023 peih tabiak tuk page ini 12/7, Akok mentri, Chủ nhiệm UB Bangsa Hầu A Lềnh mboh lac, Sarak 88 di Quoc hoi tacei tabiak  cambaic laic 8 bruk praong dalam bruk ngak gah bangsa, dalam nan hu bruk peih ngak siam Danak dak pakat negar patagok kinh te - xa hoi bhum urang bangsa takik saong bhum ceik, 7 bruk ngak daok veik lac hu makna biak praong, oh brei klaak tapa.

Hadei di 2 harei meteh ngak bruk, jala ini (12/7), mbang nyaom ka 10 di HĐND TP.HCM khóa X hu tamat bloh. HĐND TP.HCM hu brei tapa 65 sarak, dalam nan hu sarak 18 ka peih ngak Sarak 98 di QH ka ngak iek dom cơ chế, sarak karei piah patagok TP.HCM. Di mbang nyaom, HĐND TP.HCM jeng ba tabiak bruk lac dalam thun 2023, TP.HCM peih labaih 95% phun jien đầu tư công. Piah ngak hu bruk ini, HĐND TP hu panuac ieu UBND TP.HCM ngak catang adat cambat dalam peih ngak danak dak đầu tư công.

HĐ bhap bini tỉnh Sóc Trăng brei tapa nghi quyet  ka sarak daong urang ngak nao ngak bruk di negar langiu tui harak pambuak bruk saong anek saih, sinh viên  hu tame danak dak abek saih bac di negar langiu gam bac gam ngak bruk meng kadung jien di tỉnh. Tui nan, urang ngak lac urang bangsa takik  urang baoh sang kathaot; urang njauk mek taneh  pala drak…daok dalam tỉnh Sóc Trăng hu tut ngan nao ngak bruk di negar langiu tui harak pambuak bruk meda mesre phun jien ralo abih 100 trieu đồng saong hu mesre meng kadung jien tỉnh brei tapa Gilang pasiak sarak karja veik  100 trieu đồng sa urang. Ngan haong anek saih, sinh viên hu mbaok tame danak dak  anek saih nao bac di negar langiu gam bac, gam ngak  meda hu mesre  taong abih jien dich vụ nao bac tui khoa bac saong negar daok bac, ralo abih lac 200 trieu dong sa urang.  

Dalam 6 bilan tapa, tỉnh Trà Vinh hu tabiak sarak brei padeih ngak 12 danak dak suai hu peih tabiak ngak atau peih ngak oh njauk adat dalam tỉnh. Gam haong nan, Trà Vinh brei patagok dom bruk ngak daong ka urang buh jien tame ngak mbang, daong ka doanh nghiệp dalam tỉnh, bhian taom gaok, caik hatai tui pang hatai caong di doanh nghiệp piah samar lang talaih kan kandah, tavak tavaiy dalam tuk peih ngak danak dak đầu tư. Tukvak jaik di ini, bruk đầu tư di Trà Vinh hu siam tagok biak rilo. Tanut prein meriak gauk pakat tỉnh (PCI) di Trà Vinh thun 2022  dang dhi 26/63 tỉnh, ban dalam taneh ia, tagok 25 dhi duk haong thun 2021. (TTXVN)

Tỉnh Tiền Giang hu labaih 70.000 ha taneh pala drak yaok thun meng 2-3 mbang, padai mek tame labaih 1,1 tấn sa thun. Tui nan, tỉnh hu 186 HTX ngak nong, labaih 500 D.N pablei salih, chrai brah, ngak tabiak brah pablei tabiak negar langiu meyah hu pambuak  meda ngak brei hu pandap tamo praong prang. Piah paglong asar brah, tỉnh sangka quy hoạch  bhum pambuak bruk ngak tabiak tui jaln mblang hamu praong. Yau nan ye labik ia taba Gò Công hu lagaih ka bruk padang labik pala drak padai pahe bo ralo lav pajaih padai VD 20 danei angan. Dom huyen bhum pacang ia rabuk gah pei tỉnh patagok dom pajaih asar glong yau ye OM 5451, OM 4900, Nàng Hoa 9… Ini lac dua labik ngak padai praong piah ngak brah pablei tabiak negar langiu ralo abih di tỉnh.

Goldman Sachs – Gilang pariak đầu tư saong Cty ngak bruk jien padai praong dang akaok dunya hu jabat daok di Mỹ bahrau kuhria mboh dahlau lac, Ấn Độ meda jeng nền kinh tế praong ka 2 dunya di thun 2075, yam tapa Japon, Đức saong Mỹ. Dalam pathau khan bahrau abih di Goldman Sachs, langiu di bruk menuac sia hu biak rilo, bruk Gilang pariak ba tabiak panuac kuhria mboh dahlau yau nan, lac bruk cakrok di Ấn Độ ka salih bharau saong kong nghe, buh phun jien tame ngak mbang glaong jang saong năng suất lao động tagok jang, urang ngak daok ranaih umo thun hu biak rilo.... Rajaei Ấn Độ sangka brei ngak dahlau bruk padang ngak cơ sở hạ tầng, abih di nyu lac jalan radaih haong jalan pasei.

HĐ Nhân quyền Liên Hợp Quốc peih ginum biai online, ginum biai ka bruk cuh kinh Koran di Thụy Điển di puac bilan 6 meng blaoh. Dom taneh ia Islam ndom lac bruk nan ngak jhak tal kinh Koran saong iew Jabat nhân quyền Liên Hợp Quốc brei langyah. Ngoại trưởng Pakistan khang panuac lac, nan bruk ngak jhak agama, neh rabha gauk saong pachut  taong paoh gauk min oh njauk taong phạt. Yam ndoc Nhân quyền Liên Hợp Quốc Volker Turk  jeng ndom lac,  dom bruk pachut cagar veik urang Islam, dom agama atau nyaom kapol urang karei nan lac “ ngak jhak, oh thau tal bruk ngak saong ngak suan”.

Nhiệt độ di dunya biak glaong kayua biến đổi khí hậu saong bruk El Nino daok rah tabiak veik di bilan thu saong meda hu sa bilan barak ấm áp jang di Bắc bán cầu. Tapa yaok pataom di Dịch vụ Biến đổi Khí hậu Copernicus brei mboh lac hu tal 70% prein lac taong abih Tây Âu saong sa binah di taneh ia Mỹ meda hu nhiệt độ glaong jang tanut kuhria rah tapa dalam tukvak meng bilan 8 tal bilan 10 thun ini. Yam ndok dịch vụ khí hậu di Gah Khí tượng Dunya brei thau lac, rilo kỷ lục dunya ka langik tasik oh siam meda njauk tapa mbaok dalam tukvak anak tal, haong bruk El Nino meda dui atah saong ba tal dom kan kandah mbiah tal thun 2024./.