Page ini (9/12), di Hà Nội peih ngak Nyaom biai ilamu pakat dunya pahadar 50 thun Jayak “Ha Noi -  Điện Biên Phủ angaok langik 1972”. Hu mbaok 650 urang, dalam nan hu 20 urang hu mbaok ngak bruk sajarah dakrai. Nyaom biai piah brei mboh, cambaic laic bruk pamaong tal bruk atah, jalan ba ngak njauk, hadah krah, naih joi bruk ba bol lin mesruh metak, sami samar di T.Ư Đảng, Chủ tịch Hồ Chí Minh, Quân ủy Trung ương, Bộ Quốc phòng. Bruk taong yaom makna, bac megru hu tapa bruk ba kaok mesruh metak suai lavik, patagok bruk nghe thuat quan su rik tame bruk ba pandar, patagok bruk dak padang palei negar.

Melam ini (9/12), bruk peih mbaok Nyaom roya Thể thao pakat negar mbang ka 9 thun 2022 hu peih tabiak di Hạ Long (Quảng Ninh). Tui Mintri Ilamo-TT-DL bruk peih mbaok nyaom roya lac peih akaok ka 1 nyaom roya hu peih ngak patui jak jeng di SEA Games 31, brei mboh hatai kham mereat yam tagok khang kadang di thể thao, yau brei mboh ka hatai caong dak padang taneh ia Việt Nam khang kadang, kaya meda. Nyaom roya hu peih tabiak meng harei 9 - 21/12 di Quảng Ninh saong 10 tỉnh, ban gah barak, pataom hu labaih 10.000 urang pacacah mai meng 63 tinh, ban saong kapul bol par phao kraong, pacacah di 43 mon.

Meng bruk ba tabiak birau di abih lac brei atah tabiak tanut phun jien veik meng 1,5 -2%, Gilang pariak Karja brei thau meda hu 240.000 tỉ đồng hu pabak ka bruk ngak kinh te meng ini tal lauc thun. Dom gah brei mesre lac ngak nong – palei pala, D.N sit saong mbiah, D.N du ka bruk pablei tabiak, cong nghiep phụ trợ. Abih di nyu, phun jien brei mesre dahlau lac gah pabak prein khang piah patagok bruk ngak mbang kinh te dalam tuk ini. Langiu di nan, gah taneh riya jeng hu sangka, abih di nyu lac daong  ka bhap bini hu jien bei sang dak xa hoi jeng yau sang piah daok.    

Gilang paraik kanja dhar tỉnh An Giang bahrau pato tacei dom gilang paraik pataom phun jien brei masaiy, daong ka doanh nghiệp, sang pablei salih, bhap bini hu masaiy jien di gilang paraik, pasiam veik saong cak rok patagok bruk ngak mbang, pablei salih, patagok darak pasa blei pandar dalam taneh ia, abih di nyu nan lac pandap  angan Việt Nam. Dalam gah hu brei ngak dahlau lac gah ngak nong, palei pala, tal puac bilan 10/2022, dom labik brei mesraiy dalam tỉnh hu brei mesraiy labaih 59 ribau tỷ đồng, tagok 10,4%.

Dalam mbang ginum biai harei 8/12, Thường trực HĐND tỉnh Bình Thuận brei panuac caong khin UB bhap bini tỉnh, dom gah, bhum palei brei mbuan lagiah , jhul pasamar bruk padang ngak saong pachreih dom danak dak buh jien tame ngak di dom labik, CCN; pasang iek dom danak dak, langyah dom tavak tavaiy ka D.N; paglong asar pandap dulich, peih ngak hu jak jeng Thun Du lich pakat negar 2023…Tui taong yaom, dalam tuk gaok rilo kan kandaj, kinh te di tỉnh  daok pasiam tagok di 3 gah praong nan lac:  công nghiệp, du lịch saong nông nghiệp, kuhria taong abih pandap ngak tabiak dalam tỉnh tagok 7,75%, jien mek tame kadung jien karja labaih 33,13% bruk ba tabiak.

“Cakak điện salih gauk” daok jeng bruk haduh hatai di rilo rahra di Châu Âu tuk jaik yam tame bilan brak biak la-an. Tui Jalan ba tabiak samar drah di gah năng lượng Anh, dom baoh sang meda njauk cakak dien salih gauk dalam 3 maong meng bilan 1/2023. Di Đức, rajaei hu brei peih gilac dom mac nduac meng dhang patau piah pabak tame bruk lahik khí đốt meng Nga lac 55% bruk pandar. Yaom lac takik pamaong tame năng lượng di Nga, Tây Ban Nha jeng ba tabiak 72 jalan ngak patak pataom piah cakak trun meng 7% - 15% dom khí đốt pandar. 

Nigeria tok brei mek jien tapa ATM di tanut 45 USD yaok harei dalam bruk kham jhul patagok taneh ia pamaong tal bruk kinh te oh pandar jien mbaok. Sarak nan jeng hu pandar ka dom gilang pariak saong pandar bayar veik jien di dom mbang pandar jien. Gilang pariak Trung ương Nigeria brei cakak dom bruk brei mek jien mbaok di labik gilang lac 225USD yaok adit ngan haong urang saong  1.124 USD ngan haong doanh nghiệp. Meyah khin mek rilo jang meda brei bayar jien phí./.

Jabat cảnh sát châu Âu (Europol) khan lac hu taong tayah sa tapon tội phạm pablei salih lậu urang di cư meng Iraq tapa Belarus tal Ba Lan, Litva, Latvia saong hadei di nan nao tal dom taneh ia EU karei. Europol brei thau, meng akaok bilan 1 tal urak ini, hu 21 urang njauk cap khik kayua pambuak tal labaih 100 mbang ba urang tame negar suan hukum meng Belarus tapa EU; dom urang njauk medil lac peih bruk pablei salih lậu, rilo meng lac rahra Syria saong Thổ Nhĩ Kỳ. Kol nan nyu mek meng 3.000 tal 5.000 euro ka yaok urang di cư, abih tih paok jien meda tagok tal labaih 16 triệu euro./.