Page ini (29/11) di Sang ngak bruk Trung ương Đảng, Mentri Chính trị, Ban Bí thư peih nyaom biai pakat negar tapak gam haong peih tui jalan online piah tacei pato bruk peih ngak Sarak ka 30 di Mentri Chính trị mbang XIII ka Jalan patagok bruk ngak mbang kinh tế - xa hoi, khik kajap quoc phong, an ninh di Bhum taneran kraong Hồng tal thun 2030 pamong tal thun 2045.

Di nyaom biai, Tổng Bí thư Nguyễn Phú Trọng caong khin, Rajaei saong dom jabat di T.Ư  pakhang bruk pambuak haong dom tỉnh ban dalam bhum padang ngak  saong peih bruk ngak siam tui jalan patagok Bhum vaktu 2021 -2030, pamong tal thun 2045 tui jalan hijao, khang kajap saong abih gah;  pambuak haong bruk  patagok gah ngak nong hoang bruk cak rok patagok cong nghiep saong dich vụ; bruk patagok đô thị hoang padang ngak palei pala birau; patagok kinh tế  haong bruk khik iek drap ar jeng yau khik caga alam moi truong. Jhul khang bruk salih birau gah hành chính, ramik bruk buh jien tame ngak mbang, pachreih urang buh jien tame ngak saong pandar siam dom prein khang ka bruk cakrok patagok.

Sở Lao động- Thương binh saong Xã hội TP.HCM brei thau lac, ban raya meda padang ngak bruk “sa pabah mbang” piah daong ka urang kumei saong uranaih njauk taong paoh. Ini lac labik bo urang kumei, uranaih tuk njauk taong paoh meda nao duah tal piah taduan hu bruk daong ba atau hu payua tal dom dịch vụ karei, yau ye: công an, peih bruk daong ka adat hukum, dịch vụ y tế, labik daong ka prein yava saong dịch vụ xã hội. Dom dịch vụ meda hu rami ramik, pambuak gauk biak siam lagaih, mek urang kumei saong uranaih njauk taong paoh ngak pasak.

Piah klak rabha dom kan kandah haong doanh nghiep, urang ngak lahik bruk ngak, Liên đoàn Lao động tỉnh Bình Dương birau payua 2 sarak caong khin Tổng Liên đoàn Lao động Việt Nam  langyah brei kadun tukvak kak jien công đoàn mbiah tal harei 30/6/2023 saong jak ba po sang trọ brei trun jien pah sang ka urang ngak. Kuhria tal harei 22/11, di Bình Dương hu labaih 30 ribau urang brei padeih, oh hu jien bilan saong labaih 250.000 urang trun tukvak ngak bruk, padeih bruk, lahik bruk.

 Dalam dom harei ini, rilo ghe gilai pajeng tabau jeng daok pataok di pabah lamnge bo ka oh hu Sang mac saradang Phụng Hiệp (di ban Ngã Bảy, tỉnh Hậu Giang) pataom blei, ngak kan kandah tal chất lượng tabau. Tui pathau khan tuk camriep, di harei 10/11, sang mac saradang meda taduan tabau nguyên liệu, min tal urak ini sang mac ka oh cân tabau ka dom po ghe gilai. Tui langyah pathau khan di sang mac saradang, urak ini tabau pajeng mai biak takik, oh ginup piah peih abih dom dây chuyền ngak tabiak. Kayua yau nan ye piah daong ka bhap bini, Sang mac saradang Phụng Hiệp hu ba tabiak jalan langyah lac cân tabau ngan haong yaom lac 1.350 đồng/kg.

Dalam mbang pathau khan ka sarak đối ngoại hu makna praong camriep di drei, Thủ tướng Anh brei thau lac, jalan pambuak di Anh ngan haong Trung Quốc njauk ngak pasiam veik saong Trung Quốc daok “hu jalan maraik gauk biak hu ilamo piah meblah mek bruk pambuak praong di dunya”. Gam tui di nan, Thủ tướng Anh jeng brei thau lac bruk hu ieu lac "kỷ nguyên ameh" dalam bruk pambuak gauk haong Trung Quốc hu tamat blaoh saong Trung Quốc dak harei dak ba tabiak kan kandah ngan haong kein laba saong yaom glaong di Anh. Adit blaoh, Anh hu rami ramik caik dom camera an ninh kayua Trung Quốc ngak tabiak di dom baoh sang praong di rajaei.

Thun ini, bilan padai di taneh hamu raong hadang di bhap bini Cà Mau njauk bilan min yaok ribau tấn padai ST24, ST25 di mikva oh pablei hu. Dom jabat chức năng bhum palei iew D.N blei padai, langyah dom kan kandah. Tỉnh Cà Mau hu taneh padai - hadang labaih 40.000ha, pataom tame ralo di huyện Thới Bình, U Minh. Ini lac bruk ngak tabiak padai hacih, kayua bhap bini oh pandar jru khik caga phun pala piah khik ramik alam moi truong raong hadang di bilan hadei.

Ceik apui Mauna Loa di Hawaii, tabung ceik pui daok megei khang praong abih dunya urak ini, pruh mbang akaok meti. Tui Jabat Khảo sát Địa chất Mỹ (USGS), bruk pruh apui  meng melam 27/11, camereip rah tabiak meng pabah ceik pui saong dung njam daok pruh tabiak tui jalan calah ra-ai pabah ceik apui, ngak jeng dom mbuk sauk saong hơi ia praong di Đảo Lớn di Hawaii. Urak ini, urang jakar ngak praong  oh ka ba tabiak  adat panduan  nao labik karei ngan haong bhap bini daok jaik labik Mauna Loa. 

Trung Quốc daok tame bilan laar khang di abih di bilan laar thun ini, ngan haong nhiet do trun tal 20℃. Di ban Altay, Tân Cương langik laar trun daok âm labaih 20 độ C, gam haong hangin khan saong ribuk tuyết hu ba tal bruk 7 urang ngak di sa labik công trường njauk metai, rilo manuk ada jeng njauk metai kayua biak laar. Ini lac mbang laar khang abih dalam 10 thun ini mai. Dah page 29/11 Jabat kuhria mboh dahlau bruk langik tasik negar Trung Quốc pathau khan samar drah bruk laar di sambo kanjik katam, lac tanut njauk kakei glaong abih di harei ka 3 gam gam di dalam taneh ia./.