Hu mbaok di nyaom biai, hu Phó Thủ tướng Lê Minh Khái; Bí thư Thành ủy TPHCM Nguyễn Văn Nên, haong labaih 1.200 urang dalam saong langiu negar. Di Nyaom biai Pho thu tuong Lê Minh Khái ndom lac, Việt Nam njauk hatai ngak tui saong tuk halei jeng pambuak haong LHQ peih ngak  dom bruk  pamong tal patagok khang kajap. Di COP 26, Thủ tướng Rajaei brei sanya  catang Viet Nam meda ngak hu bruk tathuak nerak sumu zero di thun 2050. Bruk ngak suai lavik  di pakat negar saong bruk ba tabiak  ngak brei patagok hijao hu Thu tuong  Rajaei  ba tabiak caong khin trun tathuak nerak,  ngak brei pahijao dom gah kinh te saong cak rok patagok abih gah; danak  patagok kinh te tuan hoan hu pasang iek, brei ngak.   

Bộ Tư lệnh (BTL) Bhum Cảnh sát tasik 4 bahrau peih bruk ba tabiak mbang pakacah online “adei anit ranam tasik, pulao palei negar” ka dom Sang bac trung học cơ sở di huyện Trần Đề, tỉnh Sóc Trăng. Meng hatai caong ngak jeng sa labik main khang kadang, siam makre, saong pambak tabiak dom ilamo ka tasik, pulao palei negar ka dom anek saih, tukvak tapa, BTL Bhum Cảnh sát tasik 4 peih ngak hu siam 6 Mbang pacacah “adei anit ranam tasik, pulao palei negar” di 3 tỉnh Kiên Giang, Cà Mau, Sóc Trăng. BTL Vùng Cảnh sát tasik 4 daok hu jao alin 943 paok jien bac, 70 sruh radaih juak ka dom adei anek saih sang kan kandah.

Urak ini, danak dak padang ngak tatua Rạch Miễu 2 tapa kraong Tiền pambuak 2 tỉnh Tiền Giang - Bến Tre daok gaok rilo kandah, dom paok thầu njuak brei padeih ngak. Tui Mban khik iek danak dak Mỹ Thuận, sa dalam  dom kan kandah  di urak ini lac kayua jien bayar ka peih taneh. Kayua kurang phun jien  bayar, daong ka bhap bini bhum danak dak nan ye tỉnh Tiền Giang oh ka brei peih taneh yau bruk ba tabiak. Langiu di nan, daok kurang cuah piah tuh sumu mbaok taneh. Bruk nan ba tal rilo kan kandah ka dom po thau. 

Đồn Biên phòng Cái Đôi Vàm daong sraong hu 2 urang taong ikan  karam gilai di tasik. Dahlau di nan, di maong 2 meteh bier harei 14/9, Đồn Biên phòng Cái Đôi Vàm (ban sit Cái Đôi Vàm, huyện Phú Tân, tỉnh Cà Mau) taduan hu panuac khan lac gilai taong ikan CM-07804 TS kayua ong Tô Văn Đen (xã Nguyễn Việt Khái, huyện Phú Tân) saong sa urang peih gilai daok gaok bala di bhum tasik atah di pabah tasik Cái Đôi Vàm labaih 5 hải lý. Bilai Biên phòng Cái Đôi Vàm hu tabiak panuac ieu dom sruh gilai daok jaik labik gilai gaok bala piah daong dom urang njauk bala. Tal maong 3 bier harei nan, kapul daong duah urang njauk bala sraong hu 2 urang taong ikan gaok bala.

Đại tá Trần Xuân Ánh, Yam ndoc Công an tỉnh Trà Vinh brei thau, mong 2 meteh biar harei 14/9, 5 anek saih  tal 9 jak gauk mai binek ia Láng Thé di xã Đại Phước, huyện Càng Long menei. Hadei di nan, dua adei lahik. Binek Láng Thé hu padang ngak di bilan  3/2023, atah di kraong Cổ Chiên 3km, jalan ba ia praong 125m, atah labaih 1,6km, piah duh ka bruk pacang ia mbak, pabak ia taba ka labaih 26.000 ha taneh pala drak. Binek  hu padang ngak 10 pabah mbang, yaok pabah mbang praong 10m, kareih  peih tame tabiak tự động.

Ong Cong Liang, Phó akaok Ủy ban Salih bahrau saong Patagok taneh ia (NDRC) Trung Quốc, tabiak panuac lac negar ini daok caga ginup ilamu kỹ thuật piah padang ngak jalan pasei nduac samar pambuak tỉnh Phúc Kiến saong Đài Loan (Trung Quốc). Ong Cong Liang ndom lac, tuk pambuak cơ sở hạ tầng nao tapa eo tasik hu ngak salah, rilo pandap panda meng Đài Loan meda tal darak pasa châu Á saong châu Âu tapa jalan pasei nduac samar Trung Quốc - châu Âu saong dom janih radaih pajeng ba karei karei.

Rajei Malaysia iew langyah taong phạt 400 kong ty dalam thun ini kayua ngak suan hukum lao động. Mentri Nhân sự Malaysia ba tabiak taong phạt 227 urang pandar urang ngak kuhria abih tih tagok tal 2,17 trieu ringgit sumu 463 ribau dola Mỹ. Bruk ba tabiak brei mboh kham merat di Rajaei Malaysia dalam bruk atah klak dom bruk kateik gheih urang ngak, abih di nyu lac urang ngak negar karei. Rajaei Malay sia kham merat atah klak abih dom bruk ngak kateik gheih dithun 2030. 

Dom urang jakar ngak praong gah quân sự Mỹ saong Philipin brei thau, Phillipin hu brei adat ka Mỹ hu pandar veik 4 labik di dom bhum chiến lược di negar ini di akaok thun ni, patagok dom labik Mỹ hu pandar tagok jeng 9 labik quân sự. 4 căn cứ bahrau jeng daok dalam dom labik chiến lược. Mỹ hu parabha labaih 100 triệu USD piah patagok dom labik di Philipin, ngan haong labaih 90 danak dak hu brei ngak di dom labik bahrau. Tổng thống Philipin dahlau di nan jeng hu ndom lac bruk brei ka Mỹ hu pandar rilo labik quân sự jang di Philipin oh lac piah meriak gauk haong taneh ia halei./.