Di Nyaom biai online dalam negar ka bruk pacang caga bala di langik tasik thun 2023, akaok Tổng cục Khí tượng Thủy văn negar brei thau lac, bala meng langik tasik thun ini daok rahtabiak biak srau kadau, kan thau dahlau. Tui nan, di mangaok tasik Biển Đông tui kuhria meda hu meng 12 tal 14 mbang ribuk khang saong áp thấp nhiệt đới, dalam nan hu meng 4 tal 6 mbang ribuk ngak kan kandah tapak tal mbaok taneh negar drei.

Tui BHXH TP.HCM, dom menuac ngak harak mbang jien BHXH 1 mbang dalam quí I thun ini di TP tagok 6% duk haong quí IV thun 2022. Quý I thun 2023 hu jaik 26.000 harak likau suak BHXH 1 mbang, tagok 6,12% duk haong tukvak ini thun dahlau. Urak ini hu 2 jalan ngak harak mbang jien BHXH 1 mbang lac ngak tapak di  jabat BHXH quận, huyện, dom bưu cục atau payua tui jalan online. Min mboh urang rilo meng mai ngak tapak, ba tal quá tải. Piah langyah dom hồ sơ dak harei dak rilo,  BHXH TP.HCM brei thau lac meda ieu pataom menuac di drei mai daong taduan mek taong abih harak gar likau suak jien BHXH 1 mbang di rahra nộp dalam harei, kuhria gam tukvak hadei di mon ngak bruk.  

Pandar ilamo KH&CN padang bruk ngak iek dom pandap hu yaom tagok meng ralow baoh pa-aok blait di tỉnh Bình Phước, nan lac danak bahrau hu peih ngak piah daong ka urang pala pa-aok blait tagok jien mek tame meng baoh pa-ok blait tathak, daong paglaong yaom di phun pa-aok blait. Danak dak ba tabiak bruk roh duah công nghệ ngak pa-aok blait that saong ia ép meng asal pa-ok blait. Bluh thu saong khik baoh thu lagaih ka bruk ngak. Mayah jak jeng, hu salih công nghệ ngak abih bruk, meda daong paglaong chất lượng pandap panda, patagok siam lagaih kinh te ka urang nong pala pa-aok blait di Bình Phước.

Di tuk pahadar harei pacit da-a po Hùng (10 bingun bilan 3 saka ia bulan), 48 thun harei peih paha meraong negar, yasa taneh ia (30/4/1975 - 30/4/2023), Cần Thơ hu peih harei pataom Khinh khí cầu.  Harei pataom Khinh khí cầu thun 2023 ngan saong kadha “Par tagok Cần Thơ. Hadah mbaok meta palei barah patih ia jangaih”.  Harei pataom hu 30 khinh khí cầu dom janih. Bruk njauk biai nan lac, mban peih bruk hu caik ramik 1 khinh khí cầu yuk blung tagok brei ka tuai ravang iek, ngak bruk meng 3 - 5 mon dalam harei.

Tỉnh Khánh Hòa bahrau brei peih ngak Danak dak Festival tasik Nha Trang - Khánh Hòa 2023. Festival mbang ini hu 60 bruk ngak siam lagaih, phun jien hu peih ngak lac phun jien hu jak ba di rahra. Festival tasik Nha Trang - Khánh Hòa lac harei rija hu tỉnh Khánh Hòa peih ngak 2 thun sa mbang. Festival tasik thun ini hu peih 4 harei meng harei 3/6 tal 6/6, rilo meng lac ban Nha Trang. Festival ngan haong dom danak dak lac Harei peih pakah ngan haong kadha “Khánh Hòa – hatai caong cak rok patagok”, pambuak gam bruk parang iek ánh sáng meng pandap par oh hu urang peih; Đại nhạc hội danei tasik … harei peih pakah di melam 6/6. 

Dom trợ lý di Tổng thống Mỹ Joe Biden brei thau, ong Biden meda brei thau bruk tabiak tranh cử veik di adit tal.  Harei ngar adit tal  Tổng thống Biden meda brei thau bruk tabiak tranh cử veik kayua tuk nan ginup 4 thun kuhria meng di tuk ong Biden tabiak panuac lac tranh cử thun 2020. Ông Biden bhian brei thau hatai khin tabiak tranh cử veik min oh ba tabiak tukvak brei thau ka bruk nan. Ong Biden, umo 80 thun, urak ini lac urang Tong thống rilo umo thun di abih dalam sajarah taneh ia Mỹ saong di umo 82 thun meyah tranh cử veik saong hu pilih ruah pok ngak veik di thun hadei.

Viện roh duah Padai brah dunya (IRRI) hu jabat di Philippines brei thau lac, dom urang ilamo di viện ini bahrau cak rok patagok ngak jak jeng pajaih padai pala di taneh njom mbak, meda daong ka urang nong pala padai di bhum duyên hải daok njauk klaak saoh kayua njom njom tame di ia tasik. Tui IRRI, padai pajaih bahrau ini tui kuhria pala hu di langik njom ia mbak glaong jang dua mbang dut saong dom pajaih padai karei saong tui kuhria meda tal tangin urang nong dalam meng 4 tal 5 thun. Pajaih padai pala di taneh njom mbak ini hu lai di dom pajaih padai dại ngoại lai hu duah mboh di dom bhum ia taba ngan haong pajaih hu cak rok pala dalam viện (IR56).

Ấn Độ lac 1 dalam 3 taneh ia hu hatai jia ka vaccine glaong di abih. Ini lac bruk sanya di rajaei Ấn Độ, gam brei mboh lac bruk klauk vaccine Covid-19 di taneh ia ini hu daong padang hatai jia saong pakhang bruk klauk tui định kỳ piah ka yaok uranaih jeng hu klauk vaccine. Ini jeng lac panuac di Quỹ Nhi đồng Liên hợp quốc dalam pathau khan “Bruk uranaih dunya 2023: klauk jru caga ruak ka yaok uranaih”. Pathau khan ndom lac: “Klauk jru caga ruak lac sa dalam dom bruk jak jeng njauk caik hatai di menuac sia dunya, daong brei ka uranaih hu diukrai khang kadang saong rik daong ka rahra.