Page ini (16/11) di jabat ngak bruk T.Ư Đảng, Mentri Chính trị, Ban Bí thư peih nyaom biai pakat negar brei thau cambaih saong peih ngak Sarak 26 di Mentri Chính trị mbang 13 ka bruk cak rok patagok kinh te xa hoi, khik brei salamat an ninh bhum Bắc Trung Bộ saong duyên hải Trung Bộ tal thun 2030, pamaong tal thun 2045. Di nyaom biai, Tổng bí thư Nguyễn Phú Trọng hu panuac lac, piah peih ngak hu siam, mek hu jak jeng Sarak mbang ini, dom tinh, ban brei kham merat yam tapa meng prein khang di drei, pasiam jalan sahaneng njauk hatai eng haong dom bruk ngak hu blaoh; njauk kham merat glong jang, oh khin kathaot rambah, alah dom tỉnh, bhum karei.

Quốc hội hu brei tapa Sarak ngak iek bruk to yaom biển số radaih ô tô. Yaom camereip abih di sa biển số radaih ô tô ba tabiak to yaom lac 40 triệu đồng. Sarak tacei lac, biển số radaih ô tô ba tabiak to yaom lac biển số hu nền sambo màu mbong patih, akhar haroh saong laik sambo jhuk, langiu di biển số brei ka radaih ô tô di doanh nghiệp quân đội ngak kinh tế, radaih ô tô di doanh nghiệp taneh ia langiu, jabat lambaok negar langiu…sarak jeng tacei lac, oh brei chuyển nhượng, pablei salih, alin hadiah piah thừa kế biển số radaih ô tô njauk to yaom.

Tui sarak ka bruk cak rok patagok sang daok ka urang ngak kong, sang daok xa hoi vaktu 2021 -2025,   Đồng Nai kham padang ngak hu labaih 10.000 baoh sang ngan haong phun jien 10.115 tỉ đồng. Urak ini, Đồng Nai hu 9 danak dak padang ngak sang daok ka urang ngak kong, sang daok xa hoi daok peih ngak kuhria abih tih 8.000 baoh sang. Đồng Nai daok patui bruk iew D.N buh jien tame ngak 37 mblang taneh di taong abih  11 huyen saong ban. Meng nan, pabak bruk caong khin hu sang daok yaom biar di bhap bini, abih di nyu nan lac  urang ngak kong jien mek tame biar dalam tỉnh.

Tết thun sak tapai 2023, Sở Công Thương tỉnh Bình Dương brei caga ginup dom janih pandap pandar yaok harei piah pabak ka bhap bini, lac: brah, pandap mbang huak, ia giải khát, mì gói, ahar, kẹo; ikan, ralow, pandap chế biến, xăng menyek; jru taong ruak... Tui kuhria, abih tih yaom pandap khik piah lac jaik 6.100 tỷ đồng ngan saong 14 doanh nghiệp hu mbaok tame. Gam haong nan, hu panuac ieu dom đơn vị pabak xang menyek oh caik brei kurang xăng menyek duh ka bruk nao mai di bhap bini tuk Tết.

Peih ngak tui bruk ba tabiak tani tanat darak pasar  Tết Nguyên đán Anek sak Tapai -Qúy Mão 2023, tỉnh Trà Vinh jak ba dom D.N, sieu thi, cửa hàng tiện ích…caga piah pandap panda, kuhria abih tih labaih 168 tỷ đồng. Dom janih pandap D.N khik piah nan lac brah, rilo, baoh manuk ada, kaya ikan hadang, pandap ngak blaoh, pandap ngak meng ngũ cốc, njam patam baoh karaoh, menyek mbang, ia tasau  dom janih, khí đốt. Jabat chức năng sanya brei pakhang bruk pasang iek pandap mbang hacih sa-at saong pandap oh thau meng halei mai.   

Dom urang dang akaok meng Mỹ, Đức, Canada, Hà Lan, Nhật Bản, Tây Ban Nha, Italy, Pháp saong Anh hu mbaok tame mbang nyaom chip hadei di tuk rah tabiak sa bruk patuh di Ba Lan mboh lac kayua tên lửa ngak brei 2 urang metai. Truyền thông phương Tây brei thau baoh tên lửa lac di Nga. Tổng thống Mỹ Joe Biden jeng hu panuac brei thau veik bruk sanya khik caga dom taneh ia di dalam Hiệp ước Bắc Đại Tây Dương (NATO) hadei di bruk tên lửa laik di Ba Lan.

Rajaei Thái Lan hu brei tapa bruk ba tabiak di Mentri Y tế ka bruk brei thị thực ka dom urang negar langiu mai taneh ia ini taong ruak piah jhul Thái Lan  jeng sa oasak y tế di bhum taneh. Thị thực taong ruak birau brei adat tame negar rilo mbang saong brei ngak tui dalam 1 thun saong daok veik Thái Lan 90 harei. Urang likau thị thực brei hu takik abih 800.000 bạt (sumu 22.500 USD), njauk brei hu BH bayar jien taong ruak  COVID-19 atau bala ngan haong dua mbang bayar jien takik abih lac 3 trieu bạt  sumu 100.000 USD.

Dom kapul mbaok haluk di Pasak Vũ trụ Kennedy di Mỹ daok caga ka bruk kham merat cuh iek mbang ka 3 piah thử nghiệm SLS, tên lửa ia bulan rai patui gauk di jabat Hàng không Vũ trụ Mỹ (NASA). Ini lac mbang par camereip abih dalam danak dak roh duah ia bulan Artemis, 50 thun hadei di bruk ngak puac abih di Apollo.

Urang lang: A.Nghiem & M.P