Thun 2022, hu 7 jabat, kapul nyaom hu ngak salah bruk pakacah 13 chuc danh urang pan akaok, khik ramik. Akaok UBND TP.HCM Phan Văn Mãi brei thau lac, bruk ngak iek pakacah chuc danh urang pan akaok hu dom bruk ngak jak jeng tuk camriep saong ba mai ka Ban raya hu rilo ilamo piah patui veik peih ngak bruk ini, ba tabiak jalan pilih ruah lagaih jang dalam tukvak anak tal.

Mintri Ilamu The thao saong Yu lit bahrau tabiak harak brei peih ngak danak dak daong roh duah, padang ngak veik, khik ramik, patagok ilamu oh mboh di mata dom bangsa takik daok mbuan si lahik nao di tỉnh Kon Tum, Điện Biên, Quảng Bình saong Lâm Đồng. Dalam nan, Mintri Ilamu The thao saong Yu lit brei pambuak bruk haong dom puk palei, dom tinh ban peih bruk roh duah, padang ngak veik, khik ramik ilamu meng kan yau ye: ragu daoh, ragam tamia bhap bini, ilamu parang me-in, bruk ngak meng kan daok mbuan si lahik nao atau lahik ilamu di dom bangsa Xơ Đăng, Ba Na, Phù Lá, Chứt, Bru-Vân Kiều saong bangsa Mạ.

Tui Mban Khik ramik dom labik ngak kong Bình Thuận, meng akaok thun mbaih tal ini, bruk ngak mbang pablei salih di doanh nghiep pak dom labik ngak kong hu khik tani tanat saong mboh hu patagok. Bruk njauk uan tabuan nan lac abih tih dom nyaom gah pandap panda ngak praong yau ye kalik takhaok, jhik manyim, kadung teik, asal pa-ok blait, kaya ikan, pandap panda, kayau, bi-ar, kaya khoáng sản… jeng hu kakei blei tani tanat piah ngak tabiak. Anak dom bruk ngak rilo, dom doanh nghiep dalam labik ngak kong Hàm Kiệm II, tỉnh Bình Thuận daok peih praong bhum labik pilih ruah urang ngak kong tagok tal dom xa bhum ceik. Tui Công đoàn dom Labik ngak kong pak Bình Thuận, jien bilan tui kuhria di urang ngak dalam dom labik ngak kong pak Bình Thuận lac 6.500.000 đồng sa urang sa bilan.

Urak ini dom tỉnh dalam bhum ĐBSCL yuak hu blaoh 700.000 dalam 1 triệu 480 ha padai bilan hè thu; padai mek hu meng 6 tấn 2 tal 6 tấn 6 sa ha, abih tih hu jaik 4 triệu 500 rabau tấn padai. Tui Cục Pala drak, bilan padai thu đông thun 2024, bhum ĐBSCL trun pajaih hu 700.000ha. Padai thu đông bhian pala rilo abih di dom tỉnh An Giang, Đồng Tháp, Kiên Giang, Trà Vinh. Ini lac bilan padai ka 2 hu Mintri Ngak nong saong Patagok palei pala ba tabiak ngak iek Danak dak cakrok khang klajap 1 triệu ha padai chất lượng glaong saong tathuak nerak biar pambuak haong patagok hijao bhum ĐBSCL tal thun 2030.

11 hợp tác xã (HTX) daok raong nghêu di dalam tỉnh Trà Vinh jeng njauk trun nang suat, rilo HTX hu nang suat trun labaih mateh. Tui yaom pablei urak ini lac 20.000 đồng/kg nghêu diuk, dom HTX raong ngheu njauk khat lahik tui kuhria lac labaih 20 tỷ đồng. Tui gah ngak nong, ngheu hu pataom mek trun khang hu makna lac ia taba mai aval jang saong dui atah labaih 2 bilan dut saong dom thun dahlau, ngak ka drei ngheu suai praong atau metai kayua trun prein pacang caga ruak kik.

Rajaei Indonesia hu panuac ieu taong abih urang Indonesia daok di Li-băng samar tabiak truh taneh ia ini kayua bruk daok catang tagok khang di Trung Đông. Gam haong nan, hu panuac kakei urang caong khin nao yu lit tal Ixraen saong Iran njauk sahneng kuhria cambaih laih. Yaok pluh taneh ia hu tabiak panuac kakei rahra di drei samar drah tabiak truh Li-băng, dalam tuk rilo hãng kapal haok brei klaak dom mbang par mai saong nao meng dom mblang kapal haok di Li-băng saong Israel. 

Mintri Lao động Hàn Quốc brei thau hu 100 urang daong bruk sang lac urang negar Philippines hu mbaok tame “Danak dak ngak iek bruk pilih ruah urang negar langiu daong bruk sang” hu mai tal negar ini. Dom urang ini meda hu pato pakai dalam 4 adit ka sap ndem panuac puac, ilamo Hàn Quốc saong ilamo ngak bruk, hadei di nan meng nao ngak bruk di dom sang Hàn Quốc. kayua bruk taha nao di rahra saong urang praong thun daok tagok khang, Hàn Quốc oh hu bruk pilih ruah ngak karei veik lac njauk pacadu dom adat brei pilih ruah urang ngak negar langiu mai daok pah daong bruk sang.  

Tui panuac di urang vak di TTXVN daok di châu Mỹ, Kadung jien pato megru oh cang hu (ECW) di Liên hợp quốc khan lac brei 2,5 triệu USD ka Haiti piah daong ka 75.000 anek naih saong uraniah praong gaok kan kandah kayua bruk taong paoh gauk di kol “băng đảng” di taneh ia ini hu nao tal sang bac. Bruk pasiam veik gah pato megru jeng hu daong khik pacang dom anek naih plaih njauk kateik greik rapeik rapai atau kateik greik tame dom tapon nyom bol pan phao kraong saong dom bruk ngak suan karei gah quyền anek menuac.