Jabat Rajaei birau brei thau ka panuac tamat di Pho Thu tuong Rajaei Trần Lưu Quang di Nyaom biai peih ngak bruk pacang caga matuy thun 2023 di UB negar ka bruk pacang, caga AIDS, ma túy, mại dâm. Dalam nan, Pho thu tuong caong khin Mentri Công an pakhang bruk khik iek urang ghien matuy, urang pandar matuy suan hukum, dom urang pambuak tal matuy, jhul khang bruk pandar Cơ sở dữ liệu negar ka bhap bini duh ka bruk khik iek; peih ngak siam bruk ba pasiam veik labik sraw kadau matuy; hu jalan ngak brei khik kajap dom xã, phường , ban sit oh hu matuy; trun xã phường, ban sit hu matuy saong ralo matuy.

TP.HCM kuhria peih veik khoa taong ruak COVID-19 praong 100 manieng ka urang ruak tuk dom urang ruak trak tagok tal 50 urang, peih ngak veik Sang iek ruak dã chiến ka 13 saong caga pandap panda, pandap y tế, jru tavao, hóa chất, pandap dut iek ruak… nan lac dom jalan ngak hu gah y tế TP.HCM ba tame ngak piah caga dahlau bruk taduan taong ruak ka urang ruak COVID-19 tuk dom urang ruak tui kuhria mboh tagok. Dahlau di nan, akaok UBND TP.HCM Phan Văn Mãi jeng hu mbaoh tangin tame harak samar drah ieu kakei dom quận huyện paglaong bruk pacang caga jit ruak COVID-19 dalam tuk padeih 30-4 saong 1-5.

Kayua langik oh lagaih, tỉnh Trà Vinh hu labaih 538 ha hadang sú, hadang takai patih praong meng 25-55 harei metai, ngan haong labaih 250 trieu drei hadang. Gah ngak nong tỉnh Trà Vinh daok parilo urang jakar trun tal dom huyen, ban sit tapen tasik daong ky thuat ka urang ngak nong iek glang hadang anak bruk langik pandiak catang dui atah dalam 10 harei jaik ini. Gam kakei bhap bini bhian tui iek, dut iek moi truong ia, ia dalam danao raong; dut iek nhiet độ ia saong peih he thong kadik oxy piah takik abih bruk jhak tal ia dalam danao raong hadang.

Urak ini jalan takai tasik Cà Mau daok glut jaleih atah abih tih labaih 100km. Daok bruk glut jaleih tasik biak khang atah labaih 35km, bruk glut jaleih yaok thun lac meng 25-50m, hu dom labik tagok tal 80m. Tui kuhria, pak ini njauk buh jien tame ngak samu gauk dom danak dak ngan haong phun jien kuhria lac labaih 3.956 tỷ đồng. Tỉnh Cà Mau mboh lac, meng bruk glut jaleih yau urak ini, mayah oh hu jalan langyah piah khik caga, ye glut jaleih meda lahik rilo taneh, glai pacang caga bhum tapen tasik hu meng yaok ratuh thun ini mai, biak kan piah pasiam veik.

Padeih le 30/4 saong 1/5 thun ini tal 5 harei yau nan ye meda hu rilo tuai damuai mai Bến Tre rivang, padeih padei. Urak ini dom cơ sở, doanh nghiep ngak mbang gah dulich hui caga tani tanat ka tuai damuai; dalam nan hu oh takik D.N ba tuai rivang hu pambuak bruk ba tuai dahlau blaoh rilo. Meng tuk jit ruak COVID-19 padam trun, tuai damuai mai Bến Tre tagok veik. Tui Sở Ilamu – The thao saong Dulich Bến Tre, dalam 3 bilan akaok thun ini, dalam tỉnh taduan raok jaik 470 ribau mbang tuai damuai, tagok labaih 128 % dut saong tukvak ini thun dahlau, ngak hu jaik 33% bruk ba tabiak dalam thun. Taong abih jien mek tame meng tuai dulich lac 557 tỷ đồng, tagok 146,5% dut saong tukvak ini thun blaoh.

Triều Tiên brei thau lac, bruk tui ngak dom danak dak cak rok patagok không gian lac oh kurang hu ngan haong bruk cak rok patagok di taneh ia. Tui thông tấn trung ương Triều Tiên (KCNA), dom danak dak cak rok patagok không gian di taneh ia ini daok ngak hu dom jak jeng hadah hadai lagaih haong jalan ngak di Hiệp ước ka langik tasik vũ trụ, dalam nan hu tacei lac, sa taneh ia hu quyen ngak po hu pandar quyen pandar không gian vũ trụ dalam saron mbon, siam makre. Tui Tổng Bí thư đảng Lao động Triều Tiên, urang pan akaok negar Kim Jong-un, bruk cak rok patagok vệ tinh pasang iek lac sa bruk ngak rik daong khik caga quyen ngak po, kein laba di taneh ia saong peih ngak quyen khik caga di Triều Tiên.

Rajaei Nhat Ban brei patrun pakat jit COVID-19 trun sumu kum mùa meng harei 8/5 anak tal. Bruk nan jeng hu makna haong bruk Rajaei Nhat Ban meda oh ba tabiak bruk samar drah yaok tuk jit ruak tamuh tabiak, gam padeih bruk bayar jien dom háo đơn taong ruak COVID-19 di sang iek ruak atau daok di sang, langiu dom urang taong ruak abih ralo jien. Nhat Ban jeng daok sahneng kuhria brei padeih ngak dom bruk pasang iek jalan tapen negar pacang caga jit COVID -19 meng harei 29/4. Bruk Nhat Ban trun pakat jit COVID-19 meda peih jalan pasiam veik abih bruk kinh te saong xa hoi di taneh ia ini.

Jabat alam Mội trường di Liên minh châu Âu (EEA) brei thau lac, di mangaok dunya yaok thun tachrauk nerak alam langik tasik ba tal labaih 1.200 urang metai aval di urang umo mala 18 thun, gam tui di nan jeng ngak patagok bruk mbuan njauk dom janih ruak trak dalam rai anek manuac. Di bilan 11 thun 2022, EEA brei thau lac 238.000 urang metai aval dalam thun 2020 dalam dom taneh ia di châu Âu. Pathau khan jeng brei thau lac, hadei di tuk uranaih manek tabiak, bruk tachrauk nerak alam langik tasik vil val nan ngak patagok bruk mbuan gaok dom bruk pambuak tal prein yava, dalam nan hu ruak hen suyễn, trun chức năng phổi, njom dom janih ruak laka di jalan suak yava saong dị ứng.