Dah page ini (5/12), Mintri Chính trị, Ban Bí thư Trung ương Đảng hu peih Nyaom biai roh duah, bac magru, brei thau cambaih Sarak di nyaom biai mbang ka 6 di Ban Chấp hành (BCH) Trung ương Đảng mbang XIII, hu mbaok di labaih 1 trieu urang jakar, urang đảng tapa jalan tapak saong online. Ini lac tukvak piah ka pakat ủy, karja, MT negar, dom kapul chính trị - xã hội saong urang jakar, urang đảng thau cambaih dom asal kadha prang, bahrau dalam Văn kiện di nyaom biai mbang ka 6, BCH Trung ương Đảng mbang XIII. Tapa nan, patui bruk pathau khan praong dalam jabat, kapul nyaom saong rahra; padang jalan ngak, danak dak bruk ngak piah khik tani tanat, siam lagaih.

Nyaom roya pakat negar kapul dam dara CS HCM mbang ka 12, vaktu 2022-2027 - bruk chính trị praong di urang ranaih umo di Việt Nam hu peih tabiak meng harei 14 tal harei 16/12 tal. Tui kuhria hu 980 urang, lambaok ka labaih 22 triệu urang jakar, urang đoàn, dam dara dalam saong langiu taneh ia hu mbaok tame. Dự thảo di Harak gar nyaom roya kapul dam dara pakat negar mbang ini hu 3 kadha salih bharau khang, nan lac bruk padang mbang ngui, sangka padang mbang ngui hadah krah dalam dam dara, salih số saong bruk urang jakar đoàn.

Việt Nam hu labaih 7 triệu urang jaoh jo, meblah labaih 7% rahra meng umo 2 thun tagok. Dalam nan, urang jaoh jo trak saong biak trak meblah labaih 28,9%; labaih 10% urang jaoh jo lac sang kan kathaot. Tui Mintri LĐ-TB&XH, rilo thun tapa, meng bruk sangka, daong ba di Đảng saong Kanja, raiiduk di urang jaoh jo dak harei dak hu paglaong. Urang jaoh jo hu paglaong prein ngak bruk, mbeik drei tame dunya; quyen di urang jaoh jo jeng hu dak harei dak hu peih ngak siam lagaih. Urak ini, labaih 1 trieu 1 rituh ribau urang jaoh jo hu mbang tui jien daong xã hội yaok bilan, abih tih dom urang jaoh jo trak saong biak trak jeng hu brei thẻ BHYT.

Di Viện Goethe Hà Nội, dom nghệ nhân di 3 bangsa Mông, Thái, Mạ meng dom tỉnh Hà Giang, Nghệ An saong Lâm Đồng mbang camereip hu brei ka bhap bini Hà Nội mboh bruk menyim meng kan di bangsa drei. Parang iek di Viện Goethe Hà Nội pambuak haong Craftlink peih tabiak, piah daong ka rilo rahra thau saong takre jang dom yaom glaong di bruk menyim meng kan, ndung bak dalam nan dom makna gah ilamu, hatung hatian di 3 bangsa Mông, Thái haong Mạ.

Daok labaih 1 bilan tra, bhum mikva bangsa di dom xã bhum ceik glaong meda yam tame Tết akaok padai saong hadei di nan lac Tết Nguyên đán 2023. Pasak Dịch vụ bhum ceik di Mban Bangsa tỉnh Bình Thuận tui kuhria meda blei labaih 300 triệu đồng pandap panda panda pabak ka mikva. Dalam nan, pataom tame dom janih pandap tani tanat yaom kaom, yau ye brak diuk, brah, saradang, ia tasau, ia masin, bột nêm, ahar  kẹo saong ia manyum dom janih pabak trun dom cửa hàng, đại lý saong oh peih bruk pablei pandap panda lưu động. 

Jit ruak COVID-19 daok tagok glaong di Prang, dom menuac bahrau njauk ruak lac labaih 40% saong tame sang iek ruak piah taong ruak lac 20% duk haong adit dahlau. Dom urang jakar Prang biak duh hatai tuk bruk klauk vaccine pabak hadei di 2 bilan peih tabiak bahrau hu gac 2 triệu urang Prang pachreih tui, dalam nan dom menuac umo mangaok 60 thun hu 30%. Dom menuac praong thun njauk hatai pandar dom janih vaccine rai bahrau jeng biak biar, bahrau hu 10%. 

Dalam mbang giao dịch harei ini (5/12), yaom jien hối đoái di jien Nhân dân tệ di Trung Quốc di negar langiu tagok mangaok tanut 7,01 dut saong jien USD, mek hu tanut glaong abih meng kreih bilan 9. Kayua hu ba tabiak rilo jalan ngak yau ye trun jien je, yaom jien, pachreih bruk buh jien tame, pandar, pachreih bruk pablei tabiak negar langiu, patagok kinh tế di Trung Quốc pacang hu bruk daok kuria trun bier. Langiu di dom sarak chứng khoán, jaik di ini negar ini jeng hu ba tabiak dom sarak ba kein lagaih piah tani tanat kinh tế di puac thun.

Hãng tin AP brei thau, dom urang jakar Nga khan lac jaik 2.500 hải cẩu metai hu duah mboh di takai tasik Caspi gah meraong negar Nga. Tui pasak khik caga môi trường Caspi, dom drei hải cẩu ini metai dom adit dahlau, saong oh mboh hagait lac nyu njauk pametai atau tavak tame halam taong ikan. Dom chuyên gia hu pasang iek, duah thau, min oh mboh janih hagait ba tal nerak tachauk./.